A Ch'an̈ Schab'l Libro Samuel 10:18 - Chuj San Sebastian Bible

¹⁸ Ax x'aji, 'ix 'atx eb' sirio chi 'elc 'a yojltac eb' israel cha. A eb' xcham yuj David 'a owl cha, uque ciente eb' 'aych 'a yol caruaje yic owal yet' chawinc mil eb' soldado sirio 'ay q'ue 'a yib'n̈ chej. 'Ix smiln pax David win Sobac, atn win syajlil eb' soldado cha, 'ix chamcn win ta'.

Chuj San Mateo Bible

¹⁸ Axo ix aji, ix el lemnaj eb' sirio chi' d'a yichan̈ vin̈aj rey David chi' yed' eb' israel. 40 mil soldado ayq'ue d'a yib'an̈ chej yed' pax 700 eb' ayoch d'a yol carruaje ix smilcham eb' soldado yic Israel chi'. Ix champax vin̈aj Sobac yajalil eb' soldado sirio yuj eb'.

A Ch'an̈ Schab'l Libro Samuel 10:18 Iomraidhean Croise

A Ch'an̈ Schab'l Libro Samuel 10:17

Palta 'ix alx pax yab' David, chajtlto 'ay tas wan sb'on ewin 'a spatic. Yuj cha, 'ix ya'n pax syam sb'a smasnil eb' soldado israel, 'ix 'ec' eb' 'a yojl 'a Jordán, 'ix c'och eb' 'a chon̈b' Helam. Axta ste'wtzej sb'a eb' sirio chi ya'n owl yet' David.

A Ch'an̈ Schab'l Libro Samuel 8:4

Ax x'aji, 'ix yamchj can 1,700 eb' soldado yuj David 'a scal owl cha, atn eb' 'et'jnac te caruaje yic owal, ax junc'l mil eb' tzb'ey 'a yoc xyamchj can paxi. Stzu'n pax n̈i'chjoc sch'an̈l yoc smasnil no chej to'jnac jun tzo'n̈ caruaje cha, cojxn no tzto'n junc ciente caruaje chi xcani.

A Ch'an̈ B'ab'el Libro Yic Yab'ixal Eb' Rey 11:24

'A yaln̈taxi, yic xlajw smiln cham David smasnil eb' soldado 'aj Sobá, 'ix smolb'tzan Rezón chi jun tzo'n̈ eb' 'elc'um. Xlajw cha, x'och win syajlilc eb', yic tz'och eb' 'ajc'ojlal 'a Salomón cha. Xlajw cha, 'ix 'at eb' 'a Damasco, axta xcan cajn eb' ta'. 'Ix ya'n 'och eb' Rezón chi sreyloc chon̈b' Damasco cha.

1 Cr 19:18

Palta a eb' sirio 'ix 'at eb' 'elc 'a eb' israel cha, 'ix smil cham eb' soldado Israel 40 mil eb' soldado tzb'ey 'a yoc, ax uque mil eb' tzb'ey 'a yol scaruaje. 'Ix smiln cham pax eb' win Sofac scapitan̈il eb' soldado sirio cha.

Salmos 18:38

Choc' xwutj can eb', sec wach' man̈xtzac q'ue wan eb' jun 'ejm xo. 'Ix telw can 'ejm eb' 'a scal woc.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 68:2

'Icha wal tz'aj satcn 'at tab' 'a scal 'ic', 'ixta tz'aj eb' satcn 'ati. Tz'ulb'x 'ejm eb' 'icha tz'aj yulb'x 'ejm no chab'ic' yuj c'ac'; 'ixta wal 'oj 'aj satcn 'el eb' maysch'olnil sb'eyb'al 'a yojltac Dios.

Jueces 4:2

Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.

Jueces 4:22

Ax yic xc'och Barac chi sayc' win Sísara cha, 'ix 'elt 'ix Jael chi scha sc'och winac, xyaln 'ix 'ixtc 'a winac: —Cotan̈, 'oj in ch'ox jun winc chi tza sayc' cha, xchi 'ix. Xlajw cha, x'och win 'a yol mantiado cha, ax xyiln winac, t'ocn 'ec' win Sísara chi 'a sat lu'um, 'e'nc xo te 'istaca chi 'a sjolom, chamnc xo winac.

Jueces 5:26

Xlajw cha, xyi'n cot 'ix jun te 'istaca yet' sc'ab' 'a surito, ax swach' c'ab' 'ix x'i'n cot jun martillo tzc'anlb'ax 'a yic tzma'x 'ejm 'istaca. Xlajw cha, sma'n 'ejm 'ix te 'istaca chi 'a yol sjolm win Sísara cha, xc'axw 'ec' te 'a yol sjolm winac.