A Ch'an̈ Schab'l Libro Samuel 10:16 - Chuj San Sebastian Bible

¹⁶ Ax win Hadad-ezer, 'ix 'at ya'nc win cot eb' sirio cajn 'a sc'axpil 'ec' sti a niwn a Eufrates. 'Ix cot eb', axta xjaw eb' 'a chon̈b' Helam. A win Sobac, a win b'ab'l yuj eb', yujto syajlil eb' soldado win Hadad-ezer chi yaj winac.

Chuj San Mateo Bible

¹⁶ Ix avtajcot eb' sirio chi' yuj vin̈aj rey Hadad-ezer, aton eb' ay d'a junxo sc'axepalec' a' Éufrates, ix c'och eb' d'a chon̈ab' Helam. A vin̈aj Sobac b'ab'el d'a yichan̈ eb', aton vin̈ yajal d'a eb' soldado yic vin̈aj rey Hadad-ezer chi'.

A Ch'an̈ Schab'l Libro Samuel 10:16 Iomraidhean Croise

A Ch'an̈ Schab'l Libro Samuel 10:15

'Ix yiln eb' sirio cha, to xlajw 'el eb' yuj eb' israel, yuj cha, 'ix syamn pax sb'a eb' jun 'ejm xo.

A Ch'an̈ Schab'l Libro Samuel 10:17

Palta 'ix alx pax yab' David, chajtlto 'ay tas wan sb'on ewin 'a spatic. Yuj cha, 'ix ya'n pax syam sb'a smasnil eb' soldado israel, 'ix 'ec' eb' 'a yojl 'a Jordán, 'ix c'och eb' 'a chon̈b' Helam. Axta ste'wtzej sb'a eb' sirio chi ya'n owl yet' David.

A Ch'an̈ B'ab'el Libro Yic Yab'ixal Eb' Rey 11:23

An̈jtona', 'ix ya'n Dios snab'enoc win Rezón yunnal Eliada, to tz'och win 'ajc'ojlal 'a Salomón. A win Rezón cha, 'atnc win 'elc 'a win sreyal, win tzcuch Hadad-ezer sreyl chon̈b' Sobá.

1 Cr 18:3

An̈jtona', 'ix 'ajx pax ganar Hadad-ezer sreyl chon̈b' Soba, ata 'ay 'a stojlal Hamat. A jun rey cha, wan smacn 'ec' yico'oc lum lu'um, masnto 'a a Éufrates.

1 Cr 18:5

'Ix jaw eb' soldado sirio 'aj Damasco colwjoc yet' Hadad-ezer cha, palta xmilx cham 22 mil eb' yuj David yet' soldado.

1 Cr 19:16

A yic 'ix yiln cot sb'a eb' sirio chajtlto tox 'ix 'ajx ganar eb' yuj eb' israel, yuj cha, 'ix schecn 'at eb' schecb' 'a eb' yit sirioal 'ayc' 'a junx sc'axpil 'ec' a Éufrates, sec tzcot eb' colwjoc yet' eb'. A Sofac a scapitan̈il eb' soldado yic rey Hadad-ezer, a sat yajl x'aj 'a smasnil eb' soldado.