A Ch'an̈ Schab'l Libro Samuel 10:10 - Chuj San Sebastian Bible

¹⁰ Ax nan̈l xo eb' soldado cha, 'ix can eb' yuj 'a yol sc'ab' win Abisai yu'tac Joab cha, sec ax win tz'a'n owl yet' eb' amonita.

Chuj San Mateo Bible

¹⁰ Axo juntzan̈xo eb' soldado, ix yac'och vin̈ d'a yol sc'ab' vin̈aj Abisai vin̈ yuc'tac vin̈, yic sb'at eb' yac' oval yed' eb' amonita chi'.

A Ch'an̈ Schab'l Libro Samuel 10:10 Iomraidhean Croise

A Ch'an̈ Schab'l Libro Samuel 10:11

'Ix yaln Joab 'ixtic: Toto a eb' sirio yel xo jeln 'a wib'an̈, tzach 'at colwjc wet'oc, toto a pax eb' amonita yel xo jeln 'a eb'n̈ ach tic, 'oj in cot colwjoc pax et'oc.

A Ch'an̈ Schab'l Libro Samuel 10:9

A yic xyiln sb'a Joab, to 'ay eb' soldado chi 'ayx 'ec' 'a yojltac eb', 'ay pax eb' 'ayc' a spatquil 'el eb', yuj cha, 'ix si'n 'el eb' soldado israel caw jeln 'a owal, 'ix ya'n lista sb'a yic tzya'n owl yet' eb' sirio cha.

A Ch'an̈ Schab'l Libro Samuel 18:2

'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.

A Ch'an̈ Schab'l Libro Samuel 23:18

Ax win Abisai, yu'tac win Joab, win yune 'ix Sarvia, 'aych syajlilc eb' lajn̈schawinc soldado caw jelan. A 'a jun 'el, 'ix smil cham 'oxe ciente winc yet' slanza. 'Ixtnta 'ix yutj ya'n ganar sq'ue'ch 'a yopiso, palta ma'ix q'ue'ch 'icha ewin 'oxwn̈ cha.

1 Cr 18:12

An̈jtona pax Abisai, yune 'ix Sarvia, 'ix 'ajx ganar wajxclajn̈e mil eb' edomita yuj 'a pan̈n 'a'lic yic 'atz'am. Caw ch'iyquixtac x'ajcn eb' yu'uj.

1 Cr 19:1

'Ix 'ec' jun tiempoal, ax x'aji 'ix cham Nahas, sreyl eb' amonita, ax Hanún atn yunnal, a x'ochx can reyl sjeloc.