A Schab'il Carta San Pedro 3:16 - Chuj San Sebastian Bible

¹⁶ A 'a junjn scarta stz'ib'j can jun tzo'n̈ tic. Palta 'ay 'aj caw ya snachji. 'Ay eb' mant 'a snab'en, mant 'a ste'nal, man̈ tojloc tzyutj eb' snan 'el'ch jun tzo'n̈ cha. 'Ixta pax tzyutj eb' snan 'el'ch jun tzo'n̈ xo spaxti Dios tz'ib'b'il cani. Yuj cha, 'oj satcn 'el eb'.

Chuj San Mateo Bible

¹⁶ Ix stz'ib'ejb'at juntzan̈ tic vin̈ d'a scarta. Palta ay b'aj pural snachajel cuuj. Ay eb' mantalaj spensar, mantalaj stec'anil eb', man̈ tojolocn̈ej syutej eb' snaanel juntzan̈ chi'. Icha pax chi' syutej eb' snaanel juntzan̈xo slolonel Dios tz'ib'yajcani, yuj chi' ol ac'joccanoch yaelal d'a yib'an̈ eb'.

A Schab'il Carta San Pedro 3:16 Iomraidhean Croise

Gn 49:4

Ax ticnec, man̈x 'a yel'ch 'oj aj 'el'chi, yujto lajn ach 'icha a 'elmal a', q'uixweltac xotj in waynub', yujto ach way yet' 'ix in chab'l 'istzil.

A Ch'an̈ B'ab'el Libro Yic Yab'ixal Eb' Rey 10:1

A 'ix reina yic chon̈b' Sabá, xyab' 'ix yel yab'xil Salomón, to caw niwn yel'chi, yujto caw tz'ijx chan̈ Jehová yu'uj. Xjaw 'ix 'a Jerusalén yic tzwul ya'nc prowal 'ix Salomón yet' jun tzo'n̈ tas tzc'anb'ej, jun tzo'n̈ to caw ya snachj 'eli. Caw niwn eb' schecb' 'ix ajun yet'oc. Yet' pax 'ix nan̈l e no cameyo, cuchb'il jun tzo'n̈ perjuma yuj e no', caw niwn pax q'uen oro, yet' pax jun tzo'n̈ q'uen q'uen caw wach' yilxi. A yic xjaw 'ix 'a yojltac Salomón, 'ix sc'anb'n 'ix smasnil jun tzo'n̈ tas nab'il yu'uj.

Salmos 56:5

Smasnil tiempo tzyal eb' ya paxti 'ayin, tznib'n eb' tzin juw 'eli, an̈j chi nan yuj eb'.

Ex 23:2

Man̈ eya'ch e b'a yet' eb' tzb'on maysch'olnil. A yic 'ay junc tas tz'ajx eyala', tojln̈ej tzeyutj eyalni, man̈ eya'ch e b'a 'a tas tzyal smasnil eb' tu cha.

Ex 23:6

A junc meb'a 'anma tznib'j to tze b'oyaji, toto tojl tas tzyala, man̈ e tenc' tas tzc'an cha.

Jeremías 23:36

Palta man̈xtzac yal junc paxti 'ixtic: Schecnb'il Jehová jun tic, man̈ xchioc. Toto tzyal jun paxti cha, mun a jun spaxti chi 'oj meltzjoc 'och 'a 'a. Yujto 'ix yixtj 'el eb' 'anma tic 'a tas 'ix wala, an ton tic Dios in, pitzn in, an Jehová in, tztac' wuj smasnil, e Diosal in paxi.

Habacuc 1:4

Man̈x 'a ley, man̈xtzac b'oyaj eb' 'anma 'a swach'il. A eb' wach' sb'eyb'al, caw tzcan eb' 'a yaln̈ yuj eb' tu sb'eyb'al. Tzjelmtej 'och eb' tojlal 'a maysch'olnilal, xin chi.

Mt 15:3

Yuj cha, xyaln Jesús 'a eb' 'ixtic: —Ax xo tic, ¿tas yuj matz eyiclj jun tzo'n̈ schecnb'il Dios? An̈j jun tzo'n̈ sley eb' e mam eyichm tze b'eylb'ej.

Mt 15:6

Ax xo tic tzeyala, toto 'ay mach tzaln 'ixta', man̈x yowlalc tzcolwj 'a smam snun. 'Ixta tzeyutj eyixtn 'el schecnb'il Dios, yujto an̈j jun tzo'n̈ sley e mam eyichm tze b'eylb'ej.

Mt 22:29

Yuj cha, xyaln pax Jesús 'ixtc 'a ewin saduceo cha: —Ton̈j tzex somchji, yujto man̈ eyojcoc tas tzyal 'a Ch'an̈ U'un̈. Man̈ eyojcoc paxi jantc spoder Dios.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Ch'an̈ Carta D'a Eb' Hebreo 5:11

Til to wal tas tzin nib'j tzwalb't 'ayx yuj jun tic, palta ya 'oj nachjc 'el eyu'uj, yujto wan e pitb' 'eli.

Santiago 1:8

A eb' 'ay schab'c'ojlal, caw man̈ te'noc jac snab'en eb', yujto 'ixta xon sb'eyb'al eb'.

A Sb'ab'el Carta San Pedro 1:1

An tic Pedro 'in, schecb' in Jesucristo. Tzin tz'ib'j 'at jun in carta tic 'ayx ex pucnc can 'at 'a yol yic Ponto, 'a Galacia, 'a Capadocia, 'a Asia, yet' 'a Bitinia.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

A Schab'il Carta San Pedro 3:2

Yuj cha, yowlal tze na cot jun tzo'n̈ tas stz'ib'jnac can eb' schecb' Dios pecti', atn eb' sic'b'il 'el yu'uj. An̈jtona', tze na cot pax schecnb'il Cajlil qui Colmal. A schecnb'il cha, alb'ilx can 'ayx cuj an̈ schecb' on̈ tic on̈.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.