A Schab'il Carta San Pedro 3:14 - Chuj San Sebastian Bible

¹⁴ Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

Chuj San Mateo Bible

¹⁴ Ex xajanab'il vuuj, van co tan̈van sja juntzan̈ chi'. Yuj chi' caq'uec val quip yic malaj jab'oc co mul ol ilchaj yuuj, malaj pax co paltail, yic junc'olal ol on̈ aj yed' ta'.

A Schab'il Carta San Pedro 3:14 Iomraidhean Croise

Mt 24:26

Yuj cha, toto 'ay eb' 'oj alnc 'ixtc 'ayex: 'Ab'ec, 'ayc' Cristo 'a cusltac lu'um, toto 'oj schic eb', caw man̈ 'at eyila'. Toto 'ay pax eb' 'oj alnc 'ixtic: 'Ab'ec, yaj 'a yol jun cuarto 'a yol n̈a, toto 'oj schic eb', caw man̈ e cha eyab'i'.

Mt 25:7

Yuj cha, 'ix q'ue wan eb', 'ix laj ya'nc 'och eb' scantil cha.

Lc 12:43

Toto tzmunlj jun moso chi 'icha tznib'j spatron̈ cha, caw wach' yico', yic 'oj jawc winac.

Lc 2:29

Mamin, an tic wa'mal ach servil, a ticnec cham quin cab' 'a junc'ojlal, yujto x'el'ch 'icha wal otjnac a'n can a ti 'ayin.

1 Co 1:8

A opiso 'oj 'a'nc ste'nal e nab'en, masnto 'oj jawc jun slajb' c'ual, sec wach' a yic 'oj jawc Cajlil Jesucristo, may jac e maysch'olnilal 'a sat.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

A Scarta San Pablo D'a Eb' Aj Filipos 1:10

Toto 'ixta', 'oj e wach' 'ojcoc 'eli, 'aja jun tzo'n̈ tastc wach' 'a sat Dios. 'Ixta to b'i'an, ax swach' tojlb'i e nab'en. Ax yic 'oj jawc Cristo, may jac e paltail 'a sat.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

A Scarta San Pablo D'a Eb' Aj Filipos 3:20

Palta an̈ec xo tic, a 'a satcha'an̈, ata 'ayb't qui nab'enec, yujto a jun cha, atn qui chon̈b'ec. Wan qui tan̈wniec sjapx qui Colmal 'a satchan̈ cha, atn Cajlil Jesucristo.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

1 Ti 6:14

Caw tza yiclj jun tzo'n̈ checnb'il tic si'mb'il. Caw wach'n̈j tzotj a b'eyb'al, masnto 'oj jawc Cajlil Jesucristo.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Schab'il Carta San Pedro 3:1

Ex chamc'ojlb'il wu'uj, a jun in carta tic, schab'l xo junx tic tzin tz'ib'j 'at 'ayex. Tic an̈ja tzwac' e na paxt jun tzo'n̈ cuynb'il eyojc xoni, sec 'oj wach' b'o wal e nab'en si'mb'il.

A Schab'il Carta San Pedro 3:16

A 'a junjn scarta stz'ib'j can jun tzo'n̈ tic. Palta 'ay 'aj caw ya snachji. 'Ay eb' mant 'a snab'en, mant 'a ste'nal, man̈ tojloc tzyutj eb' snan 'el'ch jun tzo'n̈ cha. 'Ixta pax tzyutj eb' snan 'el'ch jun tzo'n̈ xo spaxti Dios tz'ib'b'il cani. Yuj cha, 'oj satcn 'el eb'.

1 Jn 3:3

Jantcn̈ej eb' tzya'ch Cristo yipc sc'ojl yuj jun xwal tic, wan swach' tojlb'tzan eb' snab'en, sec caw wach' eb' 'icha Jesucristo.