A Schab'il Carta San Pedro 3:11 - Chuj San Sebastian Bible

¹¹ 'Ixta 'oj 'aj slajw 'el smasnil tas. Yuj cha, yowlal caw tojln̈ej tzcutjec qui b'eyb'al. Cojxn wal 'a Dios tzca'c 'och qui nab'en.

Chuj San Mateo Bible

¹¹ Tato icha chi' ol aj slajviel masanil tastac, ¿tas yovalil sco c'ulej a on̈ tic? Aton te tojoln̈ej scutej co b'a, an̈ej pax val d'a Dios scaq'uecoch co pensar,

A Schab'il Carta San Pedro 3:11 Iomraidhean Croise

Salmos 37:14

A eb' tzb'on maysch'olnil, tzyij q'uet eb' yespada 'a yol yet'ul, tzb'on eb' sjul-lab', sec tz'ejm eb' meb'a yuj eb' yet' eb' 'emmquilal yeq'ui. 'Ixta tz'aj scham eb' wach' sb'eyb'al chi snan eb'.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Salmos 75:3

Wach'xam 'oj 'ib'xoc lum lum tic yet' smasnil tas cajn 'a sat, an 'oj wac' yip smasnil yipnub'al yich lu'um.

Is 14:31

C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.

Is 24:19

Yel xo wal caw 'oj 'ib'xoc lum lum tic si'mb'il, 'oj tzicb'tan̈xoc, caw choc' 'oj 'ajcn lu'um.

Is 34:4

Smasnil c'anal 'ay 'a satcha'an̈, 'oj tzicb'tan̈x 'a yet'ul, ax satcha'an̈, 'oj chulxocb'e'n 'icha junc ch'an̈ u'un̈. 'Oj cot smasnil c'anal, lajn 'oj 'aj eb' yem 'icha tz'aj stacj 'el xil te uva, tzpuc 'ejm 'a yich, mto 'icha tz'aj yem sat te 'awb'ente 'a yich.

Mt 8:27

Caw 'ix sat sc'ojl eb' yuj si'mb'il, 'ix laj yal-lanc eb' 'ixtic: —¿Tas laj sb'o jun winc tic? 'In tzyiclj 'ic' yet' a mar tas xyala, xchi eb'.

Ro 13:11

Tic tzwalb't junx tic 'ayex. Nachj cab' 'el eyu'uj, tas yaj jun tiempoal 'aj 'ayn̈ec 'ec' tic. Yujto a ticnec, stiempoal xo 'icha to tzqui pitzc 'el qui wayan̈, yujto jab'xoj wal 'oj qui wach' colchjec. Man̈ 'ichaoc 'a yic yalan̈, yic qui b'ab'l 'a'nec 'och qui c'ojl 'a Cristo.

Ro 13:12

A jun tiempoal 'aj 'ayn̈ec 'ec' tic, 'icha to 'ac'wal. Ax 'a yic 'oj qui wach' colchjec, 'icha to c'ul 'oj 'ajoc. Palta 'ipn yec' tiempo ticnec, jab'xoj wal 'oj jawc jun c'ul cha. Yuj cha, caw qui wach' 'actquec can qui b'on jun tzo'n̈ tas tzlaj sb'o eb' 'anma q'uic'q'uinl to yaj spixan. 'Icha tzyutj junc soldado ya'n owl yet' jun tzo'n̈ syamc'ab', 'ixta tzcutjec ca'n 'ip 'a yic Dios, yujto sacq'uinl xo yaj qui pixnec.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Filipos 3:20

Palta an̈ec xo tic, a 'a satcha'an̈, ata 'ayb't qui nab'enec, yujto a jun cha, atn qui chon̈b'ec. Wan qui tan̈wniec sjapx qui Colmal 'a satchan̈ cha, atn Cajlil Jesucristo.

1 Ts 1:5

A yic 'ec' calnc 'el wach' 'ab'x yic colnb'il 'ayx on̈, man̈toc ton̈j 'e'nc on̈ paxtinc on̈. Yujto a Yespíritu Dios 'ochnc quet' on̈. Caw cojc si'mb'il on̈, to caw yel jun 'ab'x tic. Eyojtac, chajtl 'ec' cutjnac qui b'eyb'al 'a e cal on̈, sec caw wach' eyico'.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

1 Ti 6:3

A jun tzo'n̈ scuynb'il Cajlil Jesucristo, caw yel. Palta 'ay eb' matz ya'ch snab'en 'a jun tzo'n̈ cha. Chuc cuynb'il tzyal eb'. Matz nib'j eb' jun tzo'n̈ cuynb'il tzalni, tas tzcutj ca'n 'och qui nab'en 'a Dios.

1 Ti 6:6

Yel toni, caw niwn swach'l tzqui chaj 'a spatc qui cuynb'il, toto tzqui na'a, colb'il tzyac' jun tzo'n̈ tastc 'ay 'ayn̈ junjn on̈.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

Santiago 1:24

A yic tzlajw yiln win sat 'a junc nen cha, tz'at winac. Yajn̈ej tzsat sc'ojl winac, chajtl yilx sat cha.

Santiago 3:13

Toto 'ayx caw jeln ex, toto tznachj 'el junc tas eyu'uj, yowlal caw wach' tzeyutj e b'eyb'al. 'Ixta 'oj eyutc e ch'oxn 'eli, to 'emmquil tzeyutj e b'on smasnil tas yuj e jelnal 'a sat Dios.

A Sb'ab'el Carta San Pedro 1:15

A jun 'awtjnacn̈ec, caw wach'n̈ej, may jac spaltail. 'Icha jun cha, 'ixta 'ex cab'i', caw wach'n̈j tzeyutj e b'a.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

A Schab'il Carta San Pedro 1:6

Qui tenc 'och wan qui b'a 'a maysch'olnil. Caw te'n tzcutjec pax qui b'a. Cojxn 'a Dios tzca'c 'och qui nab'en.

A Schab'il Carta San Pedro 3:10

Palta 'icha sjaw junc 'elc'm 'a 'ac'wal, 'ixta 'oj 'aj sjaw sc'ul sjaw Cajlilec. A 'a jun c'u cha, ata 'oj lajwc 'ec' satcha'an̈. Caw 'oj c'an̈ sn̈i'chji. Ax jun tzo'n̈ tas 'ay 'a sat lum tic, c'uxn 'oj 'ulb'xoc yuj jun niwquil c'ac'. C'uxn 'oj tz'a sat lum tic, yet' jantcn̈ej tas 'ay 'a 'a.

A Schab'il Carta San Pedro 3:12

Qui tan̈wquec sjaw jun c'u yic Dios. Ca'c wal 'ip qui munlj 'a 'a, sec toq'ue 'oj jawc muc'uc. A 'a jun c'u cha, 'oj lajwc satchan̈ yuj c'ac'. Ax jantcn̈ej tas 'ay 'a sat lum tic, c'uxn 'oj 'ulb'xoc yuj c'ac' cha.