A Schab'il Carta San Pedro 2:15 - Chuj San Sebastian Bible

¹⁵ 'Ix yactj can eb' jun tojl b'eyb'al, satcn 'at eb'. Yuj cha, a sb'eyb'al win Balaam 'a pecti', win yunnal Beor, a chi tzb'eylb'ej eb'. A win cha, ton̈j snib'jnac win yac' ganar stumn 'a spatc maysch'olnil.

Chuj San Mateo Bible

¹⁵ Syactancan jun tojol b'eyb'al eb', satxicanb'at eb'. Yuj chi' a sb'eyb'al vin̈aj Balaam d'a peca', vin̈ yuninal vin̈aj Beor, a sb'eyb'alej eb'. A vin̈ chi', yalnacoch sb'a vin̈ schecab'oc Dios, palta an̈ej q'uen tumin sgana vin̈ yac'nac ganar d'a spatic chucal.

A Schab'il Carta San Pedro 2:15 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:18

—Man̈oc in tzwixtj 'el jun chon̈b' tic, palta ach tzextj 'el eb' yet' smasnil eb' ecan, yujto xeyactj can schecnb'il Jehová. 'Ix laj eya'nc 'ejm e b'a 'a jun tzo'n̈ yechl Baal.

A Ch'an̈ B'ab'el Libro Yic Yab'ixal Eb' Rey 19:10

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

Nehemías 13:2

yujto may tas 'ix yac' eb' c'uxxoc, ma'ix yac' eb' 'u'xoc yal yuj eb' quit israelal. A yic eb' to 'ix yac' eb' tumn 'a Balaam yic tzcatb'tzax can eb' yu'uj. (Palta ax qui Diosalec, a 'ix 'a'n meltzjoc 'och jun catb' chi 'a wach' paxti'al).

Pr 28:4

A eb' may yel'ch ley 'a sat, caw wal tzalj eb' yet' eb' tzb'on maysch'olnil, ax eb' yiclum 'a ley cha, tz'och eb' 'ajc'ojlal 'a eb' tzb'on maysch'olnil cha.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Nm 22:23

A no 'axna cha, 'ix yil sb'a no 'a jun yángel Jehová lin̈n 'ec' 'a yol b'e, yamb'il jun espada yu'uj. Yuj cha, 'ix yi'n 'el sb'a no 'a yol b'e cha. 'Ix 'at no 'a calcte', 'ix syamn 'och Balaam sma'n no', sec tz'ochx no 'a yol b'e cha.

Nm 22:28

Ax 'a jun rato cha, 'ix ya'n Jehová paxtinc no 'axna cha, xyaln no 'ixtc 'a win Balaam: —¿Tas tzach wutej, yuj cha, yox 'ejmal xo in a ma'n tic? xchi no'.

Nm 22:32

Yuj cha, xyaln jun yángel Jehová chi 'a 'ixtic: —¿Tas yuj 'ix a mac' no a 'axna chi 'ox 'ejem? An ton 'ix in mac yol a b'e tic, yujto maysch'olnil tas tz'at a nib'j a b'o'.

Nm 31:16

Atn eb' 'ix x'i'n 'at eb' quit chon̈b'ec 'a maysch'olnil, yuj tas 'ix yal Balaam. 'Ix 'och wal smul eb' 'a Jehová yic xya'n 'ejm sb'a eb' 'a comn dios tzcuch Baal 'aj Peor. Yuj wal cha, caw niwn eb' quit israelal smiljnac cham Jehová yet' jun yab'il.

Mt 26:9

A jun su'q'ui sjab' tic, caw chan̈ stojol, octom xchon̈xi, ax 'a eb' meb'a x'ajx stojol, xchi eb'.

A Tas Sc'ulejnac Eb' Schecab' Jesús Hechos 1:18

Palta schaj win tumn 'a spatquil jun maysch'olnil 'ix sb'o'o. Sman win jun slum yet' q'uen tumn cha. Xlajwn̈ej cha, xpilch'j cot n̈ojnjoc winac. Xn̈i'chj 'elt yol sc'ojol.

A Tas Sc'ulejnac Eb' Schecab' Jesús Hechos 13:10

'Ix yaln 'a win 'ixtic: —Ach tic, caw tzextj paxti eb' 'anma', caw maysch'olnil a nab'en. Yunnalch win diablo, 'ajc'ojl 'ajch 'a smasnil tas wach'. A spaxti Cajlil, caw yel, yuj cha, ¿tas yuj matz actj can extni?

A Schab'il Carta San Pedro 2:13

'Icha tzya'ch eb' yailal 'a yib'n̈ jun tzo'n̈ xo, 'ixta 'oj 'aj yajx 'och yailal 'a yib'n̈ eb' jun xo. Wach'xam c'ual, tzya'chn̈ej eb' snab'en sb'on jun tzo'n̈ tas tznib'j 'och eb', sec tzcob' tzaljc eb' yet'oc. Caw q'uixweltac yajch eb' 'a e cal, caw tu eyilx 'a sat Dios yuj eb'. Yujto tzcomn 'och eb' wac eyet'oc, yic tzeya'n mol wa'el. Ton̈j tzcomn 'och eb' chi eyet'oc, yic tzya'n eb' tzaljoc sc'ojl yet' jun tzo'n̈ tas tznib'j 'och cha.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.

A Ch'an̈ B'ab'el Libro Samuel 12:23

Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol.