A Schab'il Carta San Pedro 2:12 - Chuj San Sebastian Bible

¹² 'Icha junc noc', may jac tas tznachj yu'uj, 'ixta eb' 'anma cha, yujto cojxn wal tas tznib'j 'och sniwnal eb' tzb'o'o. Yuj cha, 'icha junc noc', cojn yopiso syamchji, tzmilx chamoc, 'ixta eb'. Ton̈j tzcomn b'uchwj eb' 'a jun tzo'n̈ tas man̈ yojcoc. 'Oj wach' satcn 'el eb', yujto caw maysch'olnil tzyutj sb'a eb'.

Chuj San Mateo Bible

¹² Ton̈ej scomon b'uchvaj eb' d'a juntzan̈ tas man̈ yojtacoc. Icha noc' noc' malaj spensar icha chi' yaj eb', an̈ej val sgana snivanil eb' sc'ulej. Yuj chi' ol satcanel eb' d'a juneln̈ej, icha noc' noc' yictaxon yaj syamchaji smiljichamoc, icha chi' ol aj eb'.

A Schab'il Carta San Pedro 2:12 Iomraidhean Croise

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Salmos 94:8

'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Jeremías 10:21

A eb' 'aych yilmalc jun chon̈b' tic, caw may snab'en eb'. Matz c'an eb' sjelnal 'a Jehová, yuj cha, 'ix lajw 'ejm eb'. 'Ix sactzic can 'at eb' 'anma smasnil.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 12:3

Palta ach xo tic Mamin Jehová, caw wal ojquin. Ojtac tas yaj in nab'en 'ayach. 'Ij 'at jun tzo'n̈ 'anma cha, 'icha tz'aj yijx 'at no calnelu 'aj tzmilx chamoc. Tza pojcn 'el eb', sec 'oj cham eb' yic 'oj jawc jun c'u yic 'oj milxoc cham eb' 'anma'.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Jeremías 5:4

An tic, xin na 'ixtic: Cojn am eb' meb'a', eb' may tas tztac' yu'uj, cojn am eb' 'ixta tzyutj sb'a yuj sman̈ nab'enal, yujto man̈ yojcoc eb' tas tznib'j Jehová sDiosal eb' 'a 'a, yet' tas tzyala.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Mr 7:22

'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en.

Jn 8:21

'Ix yaln Jesús 'a ewin 'ixtic: —An tic, 'oj in 'ati. Ax xo tic 'oj cob' in e sayq'ui, palta a 'a scal e mul 'oj e chami. Yuj cha, ma'oj stac' e comn c'och 'a 'aj 'oj in c'och cha, xchi.

Gl 6:8

Toto tzqui b'oc jun tzo'n̈ tas tznib'j qui tu nab'enal, 'oj qui chac spac qui tu nab'enal cha, atn chamel. Palta toto tzqui b'oc jun tzo'n̈ tas tznib'j Yespíritu Dios, 'oj qui chac spac 'a Yespíritu cha, atn qui q'uinlec 'a jun 'ejmn̈ej.

A Scarta San Pablo D'a Eb' Aj Colosas 2:22

Palta a jun tzo'n̈ tzalx 'ay yowlal cha, man̈x 'a yel'ch 'ayn̈ec, yujto a jun tzo'n̈ cha, a yic tzqui c'anni, ton̈j tzlajw muc'uc. A jun tzo'n̈ tzalx cha, comn checnb'iln̈ej eb', 'anman̈ej tznan chan̈ jun tzo'n̈ cuynb'il cha.

A Schab'il Carta San Pedro 1:4

Yuj spoder cha, ya'jnac can sti 'ayn̈ec. A jun tzo'n̈ tas yaljnac can cha, caw niwn yel'chi, til wal swach'il. Yuj jun tzo'n̈ cha, tztac' tzon̈ colchjec 'el 'a yol sc'ab' jun tzo'n̈ maysch'olnil tznib'j 'och eb' 'anma 'a yolyib'n̈q'uinl tic. Toto 'ixta tzon̈ 'ajec, caw lajnn̈ej tz'aj qui nab'enec yet' Dios, yuj jun tzo'n̈ tas yaljnac can cha.

A Schab'il Carta San Pedro 2:19

Tzyaln pax eb' 'ixtic: Libre qui b'onec tastc 'icha tzqui nib'ej, xchi cob' eb'. Palta a eb' cha, man̈ libreoc yaj eb', yujto 'aych eb' ya'malc servil jun tzo'n̈ maysch'olnil cha. Yujto a eb' tzcan 'a yaln̈ yuj junc tas, tzyal 'el'chi, 'aych pax eb' ya'malc servil jun cha.

San Judas 1:10

Ax eb' tic, ton̈j tzcomn b'uchwj eb' 'a junc man̈ yojcoc. 'Ay jun tzo'n̈ tas yojc eb', atn tas yojc xon junc noc' may snab'en. A 'a jun tzo'n̈ tic tzwach' 'a'j juwc 'el sb'a eb'.