A Schab'il Carta San Pedro 2:10 - Chuj San Sebastian Bible

¹⁰ 'Ay eb' caw tzya'ch snab'en sb'on jun tzo'n̈ maysch'olnil tznib'j 'och yet' sniwnal. May jac yel'ch Cajlilec 'a sat eb', yujto matz chaj eb' 'ajxc mandar sb'a yu'uj. Atn eb' chi 'oj wach' 'ajx can 'och 'a syailal. Man̈xtzac xiw eb' jac sb'on jun tzo'n̈ maysch'olnil cha. Toxn̈ej tzcomn b'oj eb' 'icha tznib'ej. 'In matz xiw eb' sb'uchwj 'a jun tzo'n̈ caw niwn spoder.

Chuj San Mateo Bible

¹⁰ Ay eb' syac'och spensar sc'ulan juntzan̈ chucal yed' snivanil. Malaj tz'och eb' ayoch yopisio yuj Dios d'a eb'. Aton eb' chi' ol vach' ac'joccanoch d'a syaelal. Ac'umtac syutej sb'a eb'. Max b'alaj xivlaj eb' sb'uchan juntzan̈ eb' te nivan yelc'ochi.

A Schab'il Carta San Pedro 2:10 Iomraidhean Croise

Gn 49:6

Jun 'ejmn̈ej matz in nib'j tzin c'och eyet' 'a 'aj tz'och eyamnil, yujto a yic xcot numjoc eyowal, xe miln cham eb' 'anma', yuj wal e tu nab'enal cha, xe ma'n wecchjoc yoc e no quelm wacax.

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

Salmos 12:4

Atn eb' tzaln 'ixtic: Cojn toto tztac' qui paxtini, a qui ti 'oj qui colni. ¿Toc 'ay xon wal junc mach 'oj ste'wtzoc sb'a yoch cajliloc? xchi cob' eb'.

Ex 22:28

Man̈ eyal tu paxti 'a yib'n̈ eb' juez, mto 'a yib'n̈ eb' yajl yaj 'a yol e chon̈ab'.

Ec 10:20

Man̈ calc speclal win rey, man̈ qui c'ultac nacc junc tas 'a spatc winac. Man̈ calc tu paxti'al 'a yib'n̈ eb' rico, wach'xam qui ch'ocjec 'ayn̈ec 'ec' 'a yol catut, yujto 'ay smay ax no ch'ic tz'i'n 'ati, ax yab'n sb'a win 'a jun tzo'n̈ qui paxti'ec cha.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Nm 15:30

Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal.

Lc 11:25

Ax yic tzc'ochxi, tzyiln pax win jun 'anma cha, lajn 'icha junc n̈a caw mesb'il, caw wach' yilxi.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

A Tas Sc'ulejnac Eb' Schecab' Jesús Hechos 23:5

Yuj cha, xyaln pax Pablo 'ixtic: —Ex wit chon̈ab', man̈ wojcoc, toto a win tic, caw sat ya'mal 'och qui ti 'a Dios, to tzyal 'ixtc 'a Ch'an̈ U'un̈: Man̈ eyal tu paxti'al 'a win yajl 'a chon̈ab', xchi 'a Ch'an̈, xchi Pablo.

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

2 Co 10:3

Yel toni, 'anman̈n̈ej on̈. Palta man̈ lajnoc tzcutj ca'n quip 'icha eb' comn 'anma 'on̈.

Ef 4:19

Man̈xtzac q'uixw eb' jab'oc. Toxn̈ej tzwach' 'a'j 'at sb'a eb' 'a 'ajmulal. Ton̈j tzcaw wach' 'a'j 'och eb' snab'en sb'on jantcn̈ej tas maysch'olnil.

Ef 5:5

Cojquec xo, to a eb' tzb'on 'ajmulal, yet' eb' tzb'on tzann̈j junc maysch'olnil yet' sniwnal, yet' eb' tznib'n 'och ricoal, may xon yaln eb' yic yoch 'a yol sc'ab' Cristo, yet' 'a yol sc'ab' Dios. Toto tzqui nib'jec 'och ricoal, a 'a sat Dios, wan ca'nec 'och jun chi qui diosaloc.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

1 Ts 4:7

Yujto a 'awtjnacn̈ec 'och yico'oc, sec caw wach' tzcutjec qui b'eyb'al. Man̈ yujoc qui b'onec maysch'olnil, on̈ yawtnec.

2 Ti 3:2

Yujto 'ay eb' 'anma', mun 'oj laj schamc'ojloc sb'a. An̈j 'a q'uen tumn 'oj laj ya'ch eb' snab'en. 'Oj sb'an̈ sb'a eb', 'oj yi' chan̈ sb'a eb'. 'Oj comn b'uchwjc eb' 'a Dios. Ma'oj syiclc eb' tas tzyal smam snun. Chab'c'ojlal 'oj scha eb' junc tas. Caw maysch'olnil 'oj yutc eb' sb'eyb'al.

Tito 1:7

Yujto a eb' tz'och yilmalc eb' yit creyenteal, yowlal caw wach'n̈j tzyutj eb' sb'eyb'al, yujto yilmal smunljel Dios yaj eb'. Matz tac' axn̈ej eb' tznib'j tzyal yico'. Matz tac' 'utzn tzyutj eb' sc'ojol. Matz tac' yu'n eb' 'an̈. Matz tac' sma'wj pax eb'. An̈jtona', matz tac' snib'n eb' yac' ganar stumn 'a spatc maysch'olnil.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.

San Judas 1:10

Ax eb' tic, ton̈j tzcomn b'uchwj eb' 'a junc man̈ yojcoc. 'Ay jun tzo'n̈ tas yojc eb', atn tas yojc xon junc noc' may snab'en. A 'a jun tzo'n̈ tic tzwach' 'a'j juwc 'el sb'a eb'.

San Judas 1:16

A eb' 'ay 'a qui calc tic, chichnc'ojlaln̈ej yaj eb'. Ton̈j tzyal eb' maysch'olnil 'a spatc junc xo. An̈j 'a jun tzo'n̈ tas tznib'j 'och eb' yet' sniwnal, an̈jta tzya'ch eb' snab'en. Caw ton̈j jeln tzcob' yutc eb' spaxtini. Tzann̈j junc mach, tzcob' stz'ac eb' yal wach'il, yujn̈ej to tznib'j eb' tzyac' ganar tas 'a spatic.

San Judas 1:18

yaljnac can eb' 'ixtic: A 'a jun slajb' tiempoal, 'ay eb' 'oj comn b'uchwjoc. 'Oj sb'eylb'oc eb' jun tzo'n̈ maysch'olnil tznib'j 'ochi, xchi eb'.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.

A Ch'an̈ B'ab'el Libro Samuel 10:27

Palta 'ay jun tzo'n̈ 'anma tu snab'en 'ix yal eb' 'ixtic: ¿Tas wal 'oj yutc jun winc tic on̈ scolni? xchi eb'. Caw wal 'ix 'ijx 'ejm Saúl chi yuj eb', may tas siyj eb' 'a 'a, ax Saúl cha, may tas 'ix yala.