A Schab'il Carta San Pedro 1:8 - Chuj San Sebastian Bible

⁸ Toto yel xo tzqui wach' b'ojec jun tzo'n̈ tic 'a junjn c'u, toto 'ixta', caw 'ay copisoec yuj Dios. Man̈ nab'an̈ejoc xcojquejec 'el Cajlil Jesucristo.

Chuj San Mateo Bible

⁸ Tato a juntzan̈ tic sco c'ulejn̈ej d'a junjun c'u, te ay copisio yuj Dios syal chi'. Man̈ nab'an̈ejoc ix cojtaquejel Cajal Jesucristo.

A Schab'il Carta San Pedro 1:8 Iomraidhean Croise

Pr 19:15

A 'isjal a tz'i'n cot wayan̈, a mach 'isaj, 'oj yab' syal yuj wejel.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mt 20:3

Ax 'a sq'uec'ual, x'at win 'a plas. Ax xyilni, 'ayc' jun tzo'n̈ winc may tas tzmunlej.

Mt 20:6

Ax 'a yemc'ual, 'ix 'atx win 'a plas. Ax xyilni 'ayc' jun tzo'n̈ xo winc may tas tzmunlej, xyaln win 'ixtc 'a eb': ¿Tas yuj ton̈j 'ayx 'ec' 'a tic tz'ec' c'u? ¿Tom may jac tze munlej? xchi winac.

Mt 25:26

Palta xyaln win spatron̈ win chi 'ixtic: Ach tic cob' moso ach, palta may a ch'olnil, caw 'isj ach. 'In ojc xoni, toxn̈ej tzin jach'a, palta may tas tzwawej, toxn̈ej tzin chaj wico'oc tas tzyac' ganar junc xo 'anma'.

Jn 15:2

Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Jn 5:42

Ax xo tic, wojtac tas yaj e nab'en, to may e chamc'ojlal 'a Dios.

Ro 12:11

Caw c'asn tzcutjec qui b'a 'a Cajlil. Man̈ 'isjoc tzcutjec qui b'a 'a 'a. Yet' smasnil qui c'ojol, tzca'nec servil Cajlil.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

2 Co 13:5

Caw tze b'eyc'ojlej e b'a junjn ex, sec tzcheclji, toto yel 'aych e c'ojl 'a Cristo. Caw tzeyac' prowal e b'a junjn ex. ¿Tom man̈ eyojcoc, to a Jesucristo 'aych 'ayx junjn ex? Cojn toto man̈ ex creyenteoc 'a yel, to 'ixta', man̈ 'ayc 'och 'ayex.

2 Co 8:2

Wach'xam caw x'ajx prowal eb' yuj screyenteal, palta caw tzaljn̈ej eb'. Wach'xam caw meb'a eb' si'mb'il, palta 'ela eb', 'icha to caw rico eb' tzquila.

2 Co 8:7

Til wal wach'l tze b'o'o, caw tzeya'ch 'a e c'ojol, caw cuywjum ex, jeln ex xo, yelc'ojlal tzeyutj e b'on junc tas, tzon̈ e chamc'ojlan pax on̈. Yuj cha, comnoc tze ch'ox pax e wach'l eya'n eyofrenda.

2 Co 9:14

Ax eb' 'oj chanoc cha, 'oj leslwoc eb' eyu'uj. Caw 'oj ex schamc'ojloc eb', yujto til wal swach'c'ojlal Dios 'oj sch'ox 'a eb' eyu'uj.

A Scarta San Pablo D'a Eb' Aj Filipos 1:9

Tzin c'an 'a Dios eyu'uj, sec 'oj wach' tz'acwoc e chamc'ojlal, yet' sjelnal Dios tzyac' 'ayex. Tzin c'an pax 'a 'a, sec 'oj wach' nachjoc 'el smasnil yic eyu'uj.

A Scarta San Pablo D'a Eb' Aj Filipos 2:5

Caw lajn tzcutjec qui nab'en 'icha yutjnac sb'a Cristo Jesús.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Colosas 2:7

'Icha junc te caw 'ay sch'an̈l yib', caw wach' sq'uib'i, 'ixta cab' tzeyutj e nab'en 'a yol sc'ab' Cristo. Caw te'n tzeyutj eya'n 'och e c'ojl 'a 'a, 'icha x'aj yajx e cuyu'. Smasnil tiempo tzlaj eyac' yuj diosal 'a Dios.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

1 Ts 3:12

Tzqui nib'j on̈, a Cajlilec tzwach' 'a'n niwtjoc e chamc'ojlal, sec 'oj e wach' chamc'ojloc e b'a si'mb'il. Ax e chamc'ojlan pax smasnil 'amna', 'icha tzex cutj ex qui chamc'ojlan pax on̈.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

Tito 3:14

Caw tzach cuywj 'a eb' quit creyenteal ta', chajtlto caw tzb'o eb' jun tzo'n̈ tas wach', tzlaj colwj pax eb' 'a eb' 'ay tas 'ay sc'a'l tz'och yu'uj, sec wach' 'ay yopiso eb' 'a sat Dios.

Filemón 1:6

'Ay eb' tzya'ch sc'ojl 'a Cristo o'oj, yujto tza'ch a c'ojl 'a 'a. Tzin c'an 'a Dios, sec 'oj wach' nachjoc 'el yuj eb', to a Cristo Jesús, a tz'a'n smasnil tas wach' 'ayn̈ec.

A Ch'an̈ Carta D'a Eb' Hebreo 6:12

Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

A Schab'il Carta San Pedro 1:2

Ya' cab' Dios swach'c'ojlal yet' sjunc'ojlal 'ayx ta', yujto eyojc xo Dios cha, yet' Cajlil Jesucristo.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

A Schab'il Carta San Pedro 2:20

A 'a yic ca'nec 'och qui c'ojl 'a Cajlil Jesucristo qui Colmal, ata colchjnacn̈ec 'elt 'a yol sc'ab' jun tzo'n̈ maysch'olnil 'a yolyib'n̈q'uinl tic. Palta toto tzat ca'c 'och qui b'a 'a yol sc'ab' jun tzo'n̈ chi jun 'ejm xo, toto tzon̈ canc 'a yaln̈ yu'uj, yel xo wal caw maysch'olnil quiquec 'icha 'a yic yaln̈taxi.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.