A Schab'il Carta San Pedro 1:6 - Chuj San Sebastian Bible

⁶ Qui tenc 'och wan qui b'a 'a maysch'olnil. Caw te'n tzcutjec pax qui b'a. Cojxn 'a Dios tzca'c 'och qui nab'en.

Chuj San Mateo Bible

⁶ Co cachec och vaan co b'a. Tec'an scutejec pax co b'a. An̈ej d'a Dios scac'och co pensar.

A Schab'il Carta San Pedro 1:6 Iomraidhean Croise

Salmos 37:7

Sictac tzon̈ 'ajc 'a yojltac Jehová; tzqui tan̈wniec scolwj quet'ec. Man̈ ca'c somchjoc qui nab'enec yuj eb' tzq'ue'ch yuj tas maysch'olnil tzb'o'o.

Is 57:1

A yic tzcham eb' 'anma wach' snab'en, ¡toc 'ay mach tznan eb'! A yic tzsat 'ejm eb' wach' snab'en cha, toc 'ay mach tznachj 'el yu'uj, to a yic tzcham eb' cha, to tzcolchj 'el eb' 'a yol sc'ab' smasnil yailal.

Lc 21:19

Toto te'nn̈ej 'oj eyutc e b'a, 'oj e colchji.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Ro 8:25

Palta a jun tzca'c 'och yipc qui c'ojol, mantzac quilc yet' qui sat. Yuj cha, yowlal te'n tzcutjec qui b'a qui tan̈wniec sjawi.

1 Co 9:25

Jantcn̈ej eb' tz'och 'a tajnel cha, caw tzyac' cuenta sb'a eb' 'a smasnil tas maysch'olnil. 'Ixta tzyutj sb'a eb', sec toq'ue 'oj scha eb' spac. Palta a jun spac chi tzchaj eb' cha, ton̈j 'e'lb'a yec' muc'uc. Ax jun spac quic 'oj qui chac an̈ec tic, may b'a'n̈ 'oj lajwc 'eq'ui. Yuj cha, yowlal caw tzca'c cuenta qui b'a jun xo.

2 Co 6:4

Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈.

Gl 5:23

'emmquil tzlaj cutjec qui b'a. Yu'uj, tztac' qui tennec 'och wan qui b'a 'a maysch'olnil. A jun tzo'n̈ wach' b'eyb'al tic, may junc ley tzalni, to matz tac' qui b'onec.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

2 Ts 1:4

Yuj cha, tz'ec' cal e wach'l 'a scal eb' creyente 'a junjn yiglesia Dios. Yujto til wal tas tz'ajx 'och 'a eyib'an̈, caw niwn syal wan eyab'n ta', palta caw te'n tzeyutj eya'n 'och e c'ojl 'a Dios. Wan eya'n techjoc smasnil.

2 Ts 3:5

Tzqui nib'j on̈, a Cajlilec a tz'a'n nachjc 'el schamc'ojlal Dios eyu'uj. Tzqui nib'j on̈ to tz'och Cristo eyet'oc, sec caw te'n tzeyutj e b'a, 'icha yutjnac sb'a.

1 Ti 2:10

A cab' swach' b'eyb'al eb' tzch'oxli. Smoj 'ixta tzyutj sb'a eb', yujto yic xo Dios yaj eb'.

1 Ti 2:2

Yowlal tzon̈ leslwi yuj eb' niwc yajal, yet' pax yuj eb' yajl smasnil, sec junc'ojlal tzon̈ 'aj yet' eb', may owl cab' 'a qui cal yet' eb'. Toto 'ixta', 'oj stac' qui b'on 'icha tznib'j Dios. 'Oj stac' qui wach' tojlb'tzan qui b'eyb'al.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

1 Ti 6:3

A jun tzo'n̈ scuynb'il Cajlil Jesucristo, caw yel. Palta 'ay eb' matz ya'ch snab'en 'a jun tzo'n̈ cha. Chuc cuynb'il tzyal eb'. Matz nib'j eb' jun tzo'n̈ cuynb'il tzalni, tas tzcutj ca'n 'och qui nab'en 'a Dios.

1 Ti 6:6

Yel toni, caw niwn swach'l tzqui chaj 'a spatc qui cuynb'il, toto tzqui na'a, colb'il tzyac' jun tzo'n̈ tastc 'ay 'ayn̈ junjn on̈.

2 Ti 3:5

'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'. Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

Tito 1:8

A eb' 'ay yopiso cha, yowlal wach' tzyutj sb'a eb' 'a eb' tzlaj 'ec' 'a 'a. Yowlal a tas wach', an̈j tzb'o eb', tzya'n cuenta sb'a eb'. Caw tojl tzyutj eb' sb'eyb'al. Cojxn 'a Dios tzya'ch eb' snab'en. Yowlal tztench wan eb' sniwnal 'a maysch'olnil.

Tito 2:2

Tzal 'a eb' 'ichmtac winac, to caw te'n tzyutj eb' snab'en. Caw wach' tzyutj sb'a eb', sec wach' 'ay yel'ch eb' 'a sat eb' yit 'anma'il. Yowlal caw tzyac' cuenta sb'a eb'. Caw tzya'ch eb' sc'ojl 'a jun tzo'n̈ cuynb'il caw yel. 'Ay cab' schamc'ojlal eb' 'a eb' yit 'anma'il. Caw te'n tzyutj sb'a eb' yab'n syail.

A Ch'an̈ Carta D'a Eb' Hebreo 10:36

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

A Ch'an̈ Carta D'a Eb' Hebreo 12:1

Til wal eb' sch'oxjnac 'el sb'a, to ya'jnac 'och eb' Dios 'a sc'ojol. A eb' cha, 'icha to oyn 'och eb' 'ayn̈ec ticnec. An̈ec xo tic, lajn on̈c 'icha eb' caw tzyac' carela 'a junc tajnel. Yuj cha, yowlal tzquijec 'el jun tzo'n̈ 'al yajch 'ayn̈ec, yujto a jun tzo'n̈ chi tzon̈ 'i'nec 'och wa'an. An̈jtona', yowlal tzcactjec can pax jun tzo'n̈ maysch'olnil, yujto a jun tzo'n̈ cha, lajn 'icha junc tas tzcan b'a'n 'a scal coc, tzon̈ telw yu'uj. Yowlal caw te'n tzcutjec qui b'a ca'n quip, 'icha eb' tzyac' carela cha.

A Ch'an̈ Carta D'a Eb' Hebreo 6:12

Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

A Ch'an̈ Carta D'a Eb' Hebreo 6:15

Ax Abraham cha, caw ya'jnac techjoc stan̈wni. Yuj cha, schajnac jun 'aj ya'jnac Dios sti yu'uj.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

A Schab'il Carta San Pedro 3:11

'Ixta 'oj 'aj slajw 'el smasnil tas. Yuj cha, yowlal caw tojln̈ej tzcutjec qui b'eyb'al. Cojxn wal 'a Dios tzca'c 'och qui nab'en.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

Apoc 13:10

A eb' yic xon yaj yijx 'at presoal, 'oj 'ijxoc 'at eb' presoal. Ax eb' yic xon yaj smilx cham yet' q'uen espada, 'oj milxoc cham eb' yet' espada, xchi. Yuj cha, an̈ec yic on̈c xo Dios, yowlal te'n tzcutjec qui b'a cab'n syail, tzca'nec pax 'och qui c'ojl 'a 'a.

Apoc 14:12

An̈ec yel yic on̈c xo Dios, an̈ec yiclum on̈c 'a tas tzyal schecnb'il, ca'c 'och qui c'ojl 'a Jesús. Yuj cha, yowlal caw te'n tzcutjec qui b'a cab'n syail.

Apoc 2:2

Wojtac, jantcn̈ej tas tze b'o'o. Wojtac, caw yelc'ojlal tzex munlji, caw niwn tzeyutj e c'ojol. Ax eb' maysch'olnil, caw matz e chaj 'och eb' 'a e cal. Wojc paxi, xlaj eya'lj prowal eb' tzcob' yalch sb'a in checb'oc. 'Ix 'ilchj 'el eb' eyu'uj, chajtlto yes eb'.