A Schab'il Carta San Pedro 1:5 - Chuj San Sebastian Bible

⁵ Yuj cha, man̈ cojnoc tzca'c 'och qui c'olj 'a 'a. Yowlal tzca'c pax 'ip qui tojlb'tzan qui b'eyb'al, caw qui cuyc sjelnal Dios.

Chuj San Mateo Bible

⁵ Yuj chi', man̈ ton̈ejoc scac'och Dios d'a co c'ool. Yovalil scac' val quip co tojolb'itan co b'eyb'al. Co c'ayb'ejec sjelanil Dios.

A Schab'il Carta San Pedro 1:5 Iomraidhean Croise

Salmos 119:4

Mamin, ach 'ix al 'a eb', to yowlal tz'acn tzb'eylb'ej eb' a checnb'il.

Pr 4:23

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Is 55:2

¿Tas yuj tze comn lajj e tumn 'a tas to matz c'uxxi? ¿Tas yuj tze comn lajj e tumn 'a tas to matz b'ut'j e c'ojl yu'uj? Tzcham wal eyab'n tas 'oj wal 'ayex: Toto yiclum tzeyutj e b'a 'ayin, 'oj wac' e c'ux tas wach', 'oj e b'ut'j wal si'mb'il.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

Lc 16:26

An̈jtona', 'ay wal jun niwquil xab' 'aycn 'a qui nan̈l et'oc. Yuj cha, wach'xam 'ay mach tznib'j tz'at 'a tic, tzc'och 'a 'aj 'aych cha, matz tac' sc'axw 'ec' eb'. An̈jtona 'ex, matz tac' e c'axw 'e't 'a tic, xchi Abraham cha.

Lc 24:21

A jun Jesús cha, xca'ch yipc qui c'ojl on̈, chajtlto 'oj qui colchj 'el an̈ israel on̈c tic yu'uj. Ax ticnec, chab'ji xo 'ix uj jun tzo'n̈ cha.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

Ef 5:17

Man̈ eya'ch e b'a man̈ nab'enal, cuyc e b'a sec tznachj 'el eyu'uj, tas wal tznib'j Dios tzqui b'o'ec.

A Scarta San Pablo D'a Eb' Aj Filipos 1:9

Tzin c'an 'a Dios eyu'uj, sec 'oj wach' tz'acwoc e chamc'ojlal, yet' sjelnal Dios tzyac' 'ayex. Tzin c'an pax 'a 'a, sec 'oj wach' nachjoc 'el smasnil yic eyu'uj.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.

A Scarta San Pablo D'a Eb' Aj Colosas 1:9

Yuj cha, yictax cab'n eyab'xil on̈, ma'ix cactj can xon qui leslwi eyuj on̈. To tzqui c'an 'a Dios eyuj on̈, sec a tz'a'n e jelnal yuj Yespíritu, tzya'n nachjc 'el smasnil yic Dios eyu'uj, sec wach' 'oj eyojcoc 'el si'mb'il, tas tznib'j 'ayex.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

A Ch'an̈ Carta D'a Eb' Hebreo 6:11

Palta tzqui nib'j on̈, junjn ex, yelc'ojlal 'ixta tzeyutj e b'a 'a smasnil tiempo, sec wach' tz'acn 'oj e cha jun spac eyic wan e tan̈wni.

Josué 7:3

Ax yic xmeltzj ewinac, 'ix yaln eb' 'a Josué 'ixtic: Matz 'at cab' eb' 'anma tic yac' owl smasnil 'a chon̈b' Hai cha. Nab'an̈ej tz'at yixtc sb'a eb', yujto man̈ niwnoc eb' tan̈wjnac jun chon̈b' cha. Colb' cab' s'at chab'oc mil mto 'oxe'oc mil eb' soldado tic, xchi eb'.

A Sb'ab'el Carta San Pedro 3:7

Ax xo ex 'ichmilab'il, caw wach' tzeyutj e nab'en 'a eyistzil. Nachj cab' 'el eyu'uj, to lajn eb' 'icha junc chen c'un spoji. 'Ay cab' yel'ch eb' 'a e sat, yujto junn̈j e q'uinl xe chaj yet' eb' yuj swach'c'ojlal Dios. 'Ixta tzeyutj e b'a 'a eb', sec ma'oj juwc e lesl yet' eb'.

A Schab'il Carta San Pedro 1:10

Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.

A Schab'il Carta San Pedro 1:11

Toto 'ixta', caw yelc'ojlal 'oj qui chaxec 'och 'a yol sc'ab' Cajlil Jesucristo, atn qui Colmalec. Ata 'oj qui canc 'a jun 'ejmn̈ej.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.