A Schab'il Carta San Pedro 1:10 - Chuj San Sebastian Bible

¹⁰ Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.

Chuj San Mateo Bible

¹⁰ Yuj chi' ex vuc'tac ex vanab', scac' val quip cojtacanel sic'lab'il to d'a val yel avtab'il on̈xo och yicoc Dios, sic'b'il on̈xo el yuuj. Tato icha chi' scutej co b'a, malaj b'aq'uin̈ ol chab'ax co c'ool d'a yic Dios b'aj ayon̈ ochi.

A Schab'il Carta San Pedro 1:10 Iomraidhean Croise

Salmos 112:6

A eb' tojl snab'en, nab'il cot eb' 'a smasnil tiempo, may xon b'a'n̈ 'oj can eb' 'a yalan̈.

Salmos 121:3

Ma'oj on̈ scha telwoquec; ma'oj cot pax swayn̈ on̈ stan̈wniec.

Salmos 15:5

Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.

Salmos 37:24

Wach'xam tztelw 'ejm eb', palta man̈ ye'n̈joc stelw 'ejm eb' cha, yujto a Jehová a yamjnac eb'.

Salmos 62:2

Cojn tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Salmos 62:6

A tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Is 56:2

Caw tzaljc'ojlal yic eb' tzyiclni jun tzo'n̈ checnb'il tic, tzb'eylb'an eb', tzyiclni pax eb' sc'ul 'iljelal, matz 'ec' eb' 'a yib'an̈, caw tzya'ilj sb'a eb', matz comn 'a'j 'at sb'a eb' 'a scal maysch'olnil, xchi Dios.

Miqueas 7:8

Ex 'ajc'ojl eyajch 'ayn̈ on̈, man̈ex tzaljoc yuj tas tzon̈ 'aj on̈. Wach'xam tzon̈ 'ejmi, palta 'oj qui q'uex wan jun 'ejm xo on̈. Wach'xam tz'och 'oynjoc q'uic'q'uinl 'ayon̈, palta a Jehová 'aych qui sacq'uinloc on̈.

Mt 22:14

'Ixta tzyal jun 'ab'x tic, yujto til wal mach 'awtb'il yuj Dios, palta jaywn̈n̈ej eb' tzsi' cha'an̈, xchi Jesús 'a ewinac.

Ro 11:29

Yujto a tas tzyac' Dios, jun 'ejmn̈ej tzyac'a. Man̈xtzac yij 'ec' jun 'ejm xo. A eb' tzyawtj 'och Dios yico'oc, jun 'ejmn̈ej tzyawtj 'och eb' yico'oc.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

A Ch'an̈ Carta D'a Eb' Hebreo 6:11

Palta tzqui nib'j on̈, junjn ex, yelc'ojlal 'ixta tzeyutj e b'a 'a smasnil tiempo, sec wach' tz'acn 'oj e cha jun spac eyic wan e tan̈wni.

A Ch'an̈ Carta D'a Eb' Hebreo 6:19

Caw te'n tz'aj qui nab'enec ticnec, yujto tzca'c 'och jun chi yipc qui c'ojol. Caw lajn tz'aj 'icha junc barco caw 'ay yip yaj syamx 'och wan yuj jun syamlab'il 'ay 'ejmi. A jun 'aych yipc qui c'ojl cha, 'ayx 'och 'a spatquil 'och jun nip 'ayc' 'a snan̈l yatut Dios 'a satcha'an̈.

Santiago 2:10

Wach'xam tzqui yicljec smasnil sley Dios, palta toto 'ayt junc matz qui yicljec, tzyal 'el'chi, wan qui te'nec can 'ejm sley chi smasnil.

Josué 7:3

Ax yic xmeltzj ewinac, 'ix yaln eb' 'a Josué 'ixtic: Matz 'at cab' eb' 'anma tic yac' owl smasnil 'a chon̈b' Hai cha. Nab'an̈ej tz'at yixtc sb'a eb', yujto man̈ niwnoc eb' tan̈wjnac jun chon̈b' cha. Colb' cab' s'at chab'oc mil mto 'oxe'oc mil eb' soldado tic, xchi eb'.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

A Schab'il Carta San Pedro 1:5

Yuj cha, man̈ cojnoc tzca'c 'och qui c'olj 'a 'a. Yowlal tzca'c pax 'ip qui tojlb'tzan qui b'eyb'al, caw qui cuyc sjelnal Dios.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

A Schab'il Carta San Pedro 3:17

Ax xo ex chamc'ojlb'il wu'uj, 'aycto xeyab'ni tastc 'oj jawoc, yuj cha, caw tzeyil wal e b'a 'a eb' maysch'olnil xwal tic, sec ma'oj e somchj 'el yuj jun tzo'n̈ chuc cuynb'ilal cha. Toto ma'ay, caw 'oj juwc e nab'en, ax sat 'ejm e te'nal.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.