A Ch'an̈ Schab'il Libro Yic Yab'ixal Eb' Rey 1:4 - Chuj San Sebastian Bible

⁴ Tzaln paxi, chajtlto an Jehová in, an tzwal 'a jun rey chi 'ixtic: Man̈x 'oj a q'ue wan 'a a waynub' 'aj t'ocn ach 'eq'ui, cojn to 'oj a chami, ma'oj 'ec'oc, xchi Dios, xa chi, xchi jun ángel cha. Xlajwn̈ej cha, 'ix 'at Elías, syiclj tas 'ix alx 'a 'a.

Chuj San Mateo Bible

⁴ Tzalanpaxi to a in Jehová in sval d'a vin̈ rey chi' icha tic: Man̈xo ol ach q'ue vaan, palta ol ach chamxon̈ej, xchi Jehová, xa chi, xchi yángel Jehová chi' d'a vin̈aj Elías chi'. Ix b'at vin̈aj Elías chi', ix sc'anab'ajan vin̈ icha tas ix alji chi' d'ay.

A Ch'an̈ Schab'il Libro Yic Yab'ixal Eb' Rey 1:4 Iomraidhean Croise

Gn 2:17

ax pax te tz'a'n nachjoc 'el tas wach' yet' tas tu', man̈ a lo sat te'. Toto 'oj a lo sat te', wal yel 'oj a chami, xchi Dios 'a winac.

Gn 3:4

Yuj cha, xyaln no chan chi 'a 'ix 'ixtic: —Man̈ yeloc to tzex chami.

A Ch'an̈ B'ab'el Libro Yic Yab'ixal Eb' Rey 14:12

Xyaln pax win Ahías chi 'a 'ix 'ixtic: Ach xo ach tic, 'ixic, paxn̈ 'a atut. Cojnn̈ej wal yic 'oj a c'och 'a yol sti jun chon̈b' cha, ax scham win 'unn cha.

A Ch'an̈ B'ab'el Libro Yic Yab'ixal Eb' Rey 18:2

Yuj cha, 'ix 'at Elías sch'ox sb'a 'a win Acab cha. A 'a Samaria, caw wal 'ay wejl si'mb'il.

A Ch'an̈ Schab'il Libro Yic Yab'ixal Eb' Rey 1:16

'Ix yaln 'ixtc 'a 'a: —'Ixtc 'ix yutj Jehová yalni: Yujto 'ix a checb't eb' a checb' 'a Baal-zebub sdiosal Ecrón, yic tz'at a c'anb'noc a b'a 'a 'a, 'icha to may Dios yet' spaxti 'a a chon̈b' Israel tic, yic tza c'anb'n a b'a 'a 'a. Yuj cha, man̈x 'oj a q'ue wan 'a a waynub', palta to 'oj a chami, ma'oj 'ec'oc, xchi Dios, xchi Elías.

A Ch'an̈ Schab'il Libro Yic Yab'ixal Eb' Rey 1:5

Yuj cha, 'ix meltzj eb' checb' chi ta', ax yic xjaw eb' 'a yojltac win rey, sc'anb'n win 'a eb' 'ixtic: —¿Tas yuj ex meltzj muc'uc? xchi winac.

A Ch'an̈ Schab'il Libro Yic Yab'ixal Eb' Rey 1:6

'Ix ta'w eb' 'ixtc 'a winac: —Yujto 'ay jun winc 'ix qui chaj qui b'a yet' 'a yol b'e on̈, a 'ix aln 'ixtc 'ayn̈ on̈: Meltzjan̈c 'a win rey ex checn coti, tzeyaln 'a win to a Jehová tzyaln 'ixtic: ¿Tom may Dios 'a chon̈b' Israel, yuj cha, ax 'a Baal-zebub sdiosal Ecrón ata tz'at ac' c'anb'xoc? Yuj wal jun cha, man̈x 'oj a q'ue wan 'a a waynub' 'aj t'ocn ach 'eq'ui, cojn to 'oj a chami, ma'oj 'ec'oc, xchi Dios, xchi jun winc chi 'ayn̈ on̈, xchi eb'.

A Ch'an̈ Schab'il Libro Yic Yab'ixal Eb' Rey 20:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amós, win schecb' Dios, 'ix 'at win 'at yila', 'ix yaln win 'a 'ixtic: —Tox 'ix yal Jehová 'oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi.

A Ch'an̈ Schab'il Libro Yic Yab'ixal Eb' Rey 8:10

—'Ixic, 'at al 'a 'a, 'oj b'oxc sc'ojl yuj jun syailal cha, palta b'i'an, tox 'ix yal Jehová 'ayin, to 'oj cham xoni, xchi Eliseo 'a 'a.

Pr 11:19

Toto tzon̈ 'ochc tza'n yuj tojlal, wan qui 'atc 'a jun b'e yic q'uinal, ax toto tzon̈ 'atc 'a maysch'olnil, to 'ixta' wan qui 'atc 'a jun b'e yic chamel.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Nm 26:65

Yujto a Jehová, a 'ix alni to smasnil eb' cha, yowlal tzchamcn eb' 'a lum cusltac lu'um, man̈x 'a xon junc eb' 'ix cani, cojxn Caleb win yunnal Jefone, yet' win Josué yunnal Nun, cojn eb' xcani.

A Ch'an̈ B'ab'el Libro Samuel 28:19

A Jehová 'oj ach ya'ch 'a yol sc'ab' eb' filisteo yet' eb' quit chon̈ab', ax q'uic'an tzach jaw yet' eb' onnal wet' 'a scal eb' chamnc tic. Ax ya'n pax 'och Jehová eb' soldado israel 'a yol sc'ab' eb' filisteo cha, xchi Samuel cha.