1 Ts 4:2 - Chuj San Sebastian Bible

² Eyojc xo jun tzo'n̈ schecnb'il Cajlil Jesús 'ec' caljnac 'ayx on̈.

Chuj San Mateo Bible

² Eyojtacxo juntzan̈ schecnab'il Cajal Jesús ec' calnaccaneli.

1 Ts 4:2 Iomraidhean Croise

Ez 3:17

Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

1 Co 9:21

Ax yic 'ayn 'ec' 'a scal eb' man̈ israeloc, eb' man̈ 'ayc 'och snab'en 'a jun ley cha, lajn tzwutj in nab'en yet' eb', sec 'ay eb' tzmontchj wu'uj. Palta smasnil tiempo, yowlal tzin yicljn̈ej sley Dios, yujto 'aych in nab'en 'a sley Cristo ticnec.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

1 Ts 4:3

A jun tzo'n̈ tas 'oj walb't 'ayx tic, tznib'j Dios to tzqui yicljec. Yowlal caw an̈j 'a tzca'c 'och qui nab'en. Caw matz tac' qui b'onec 'ajmulal.

2 Ts 3:10

Yujto a yic 'ayn̈ 'ec' 'a e cal on̈, caln can jun checnb'il 'ayx 'ixtic: Toto 'ay mach matz nib'j tzb'o smunljel, caw matz tac' yajx wa'oc, xqui chi 'on̈.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.