1 Ts 1:9 - Chuj San Sebastian Bible

⁹ Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

Chuj San Mateo Bible

⁹ Yujto masanil mach van yalan eyab'ixal to vach' ajnac on̈ e chaani ayic quec'nac d'ayex. Van laj yalanpax eb' chajtil eyutejnac eyactancan juntzan̈ eyac'nacoch e diosaloc, ix ex och pax ijan eyac'an servil Dios pitzan, aton jun Dios te yel.

1 Ts 1:9 Iomraidhean Croise

Salmos 42:2

Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Salmos 84:2

Til wal in nib'n waj 'a yamq'uil atut ach in Diosal, ach 'aj q'uinl ach. 'A smasnil in c'ojol tzin b'itn 'ayach.

Is 37:17

Mamin Jehová, comnoc wal tza maclj ab'i', tzel wal jun tic yet' a sat. Mamin Jehová tzab'n tas 'ix yal cot Senaquerib 'ayin, caw tu 'ix yal 'ayach, ach qui Diosal, pitzn ach.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

Ro 9:26

'Ay jun lugar 'aj waljnac 'a eb' 'ixtic: Ax tic, man̈ ex in chon̈b'oc, xin chi. Atn 'a lugar chi 'oj alxoc 'a eb' 'ixtic: Yunnalx Dios pitzan, xchi, xchi 'a Ch'an̈.

1 Co 12:2

Eyojc xoni, a yic mant ex creyenteoc, ex 'ijx 'at 'a jun tzo'n̈ xeyalch e diosaloc. Ex 'at tic, ex 'at tic e sayn 'eq'ui. Palta matz tac' spaxtin jun tzo'n̈ cha.

Dt 5:26

Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami.

1 Ts 2:1

Ex wu'tac, ex wanab', eyojtac man̈ nab'an̈ejoc 'e'nc on̈ 'ayx on̈.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

A Ch'an̈ Carta D'a Eb' Hebreo 12:22

Palta an̈ec xo tic, man̈oc ta tzon̈ c'ochi. Yujto a 'a jun tzaln Sión, yet' 'a jun chon̈b' yic Dios pitzan, ata tzon̈ c'ochi. A jun chon̈b' cha, atn jun Jerusalén 'ay 'a satcha'an̈. Man̈ jantcoc sb'isl eb' ángel

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

1 Jn 5:21

Ex chamc'ojlb'il wu'uj, caw man̈ eya'ch e nab'en 'a jun tzo'n̈ tzalx 'och diosal. [Ya' cab'i'.]

Apoc 17:2

A eb' niwc yajl 'a yolyib'n̈q'uinal, c'uxn sb'o eb' 'ajmulal yet' 'ix. Ax eb' 'anma 'a yolyib'n̈q'uinal, 'ix juw 'el eb' yu'uj. 'Icha to x'och eb' 'u'm 'an̈il yuj jun 'icha yal uva jawnc sti', a xyac' 'ix 'a eb', atn yajmulal 'ix, xchi 'ayin.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.