1 Ti 6:16 - Chuj San Sebastian Bible

¹⁶ Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Chuj San Mateo Bible

¹⁶ An̈ej malaj b'aq'uin̈ schami. Saquilq'uinaln̈ej b'aj ay. Malaj junoc mach syal sc'och d'a stz'ey. Malaj junoc mach ilannac, yujto man̈ chequeloc. Te nivanocab' yelc'och d'a co sat. Ayocab' spoder d'a masanil tiempo. Amén.

1 Ti 6:16 Iomraidhean Croise

Job 37:23

Matz tac' cojcanec 'eli jantc wal spoder Dios tztac' yuj smasnil, yujto man̈x yalnb'ilc sjelnal. Caw tojl paxi, wach' snab'en, may junc mach tzcomn 'ixtej.

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

Ex 3:14

'Ix ta'w pax Jehová 'ixtc 'a Moisés: —AN TIC 'AYNÑEJ XON 'EQ'UI. 'Ixta tzotj aln 'a eb' et chon̈b' cha: AN TON TIC, an tzach in checb'ti, xchi Dios.

Ex 33:20

Palta tzwal 'ayach, ma'oj el xon in sat, yujto may xon junc 'anma tztac' yilni. Toto tzyila, yajn̈ej tzchami.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Habacuc 3:4

Ach jaw 'a scal a tzictznial. Xlaj 'eltoc jub'ljoc raya 'a yol a c'ab'. A 'ix ch'oxn 'eli, to 'ay a poder c'ultac yaj o'oj.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Jn 14:9

Yuj cha, 'ix yaln pax Jesús 'a 'ixtic: —Felipe, 'in niwn xo tiempo 'ayn 'ec' eyet'oc. ¿Tom mant in ojcoc, mach in? A eb' tzin 'ilni, tzyal 'el'chi wan yiln eb' qui Mam Dios. Yuj cha, ¿tas yuj tzat al 'ayin: Ch'ox quil a Mam chi 'on̈, xa chi?

Jn 6:46

Man̈toc tzwala, toto 'ay junc mach 'ix 'iln qui Mam Dios. Palta an tic cotnc in 'a 'a, cojn in wiljnac.

Jn 8:58

—Wal yel tzwal 'ayex, yic mantzac 'alj Abraham cha, toxn 'ayn xon 'eq'ui, xchi Jesús 'a ewinac.

Ef 3:21

Smasnil tiempo, niwn cab' yel'ch Dios cuj an̈ 'ayn̈ xo 'och stz'acb'oc yiglesia tic, yet' pax yuj Cristo Jesús. 'Ixta cab' tz'aji.

Dt 32:40

Tzwij chan̈ in c'ab', tzwa'n in ti to 'aynn̈ej 'ec' 'a jun 'ejmn̈ej.

A Scarta San Pablo D'a Eb' Aj Filipos 4:20

Niwn cab' yel'ch qui Diosalec, qui Mamc 'a smasnil tiempo. 'Ixta cab' tz'aji.

A Scarta San Pablo D'a Eb' Aj Colosas 1:15

Wach'xam matz tac' quilnec qui Mam Dios, palta a Yunnal chi xch'oxn 'ayn̈ec tas yaji, yujto caw lajn yet'oc. A Yunnal, b'ab'l yaj 'a smasnil tas, yel xo wal niwn yel'ch 'a yib'n̈ smasnil.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

A Ch'an̈ Carta D'a Eb' Hebreo 13:8

A Jesucristo, lajnn̈ej snab'en 'a yictax pecti', ticnec, yet' 'a yic b'aq'uin̈.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

1 Jn 1:5

'Oj calb't 'ayx on̈, tas yaljnac can Jesucristo 'ayn̈ on̈. Yaljnac cani, chajtlto a Dios sacq'uinl yaji, may jac q'uic'q'uinl 'a 'a.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.

Apoc 7:12

Xyaln eb' 'ixtic: B'o cab' 'ixta'. Alx cab' wach' paxti 'a Dios 'a smasnil tiempo. Alx cab'i', chajtlto caw niwn swach'il, yet' sjelnal. Alx cab' yuj diosal 'a 'a. Caw niwn yel'chi, niwn spoder, niwn pax yip. B'o cab' 'ixta', xchi eb'.