1 Ti 6:11 - Chuj San Sebastian Bible11 Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a. Faic an caibideilChuj San Mateo Bible11 A achxo tic ach Timoteo, yicxo Dios aji. Man̈ a c'ulej juntzan̈ malaj svach'il ix val tic. Te tojol tzutej a b'eyb'al. An̈ej Dios b'aj tzac'och a c'ool yed' a pensar. Tza xajanej eb' anima. Tec'an tzutej a b'a ab'an syail. Emnaquil tzutej a b'a. Faic an caibideil |
1 Ti 6:11
40 Iomraidhean Croise
A yic xyab'n win 'ichm winc cha, win 'ix 'at 'i'noc meltzjoc win schecb' pax Dios chi 'a yol b'e, 'ix yaln win 'ixtic: Caw a win schecb' Dios, win ma'ix yiclni tas 'ix yal Jehová. Yuj cha, xya'n 'och Jehová win 'a yol sc'ab' no león cha, sch'iychtan no winac, xcham win yuj no', 'icha wal xyutj Jehová yalni, xchi.
At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.
Xlajw cha, 'ix schecn pax 'at win rey chi junx scapitan̈ yet' junx 50 soldado 'a yox'ejmal. Palta ax jun yoxl capitan̈ cha, 'ix q'ue'ch 'a 'aj 'ayc' Elías cha, 'ix 'em cumn 'a yojltac, 'ix tew 'och 'a 'a, 'ix yaln 'ixtic: —Ach schecb' Dios, tzin tew 'ayach, niwn cab' yel'ch in q'uinl 'a a sat yet' eb' 50 soldado a'mal servil tic.
An̈jtona', sb'on pax 'och munljel 'a stzolil, 'icha yaj yuj smam, atn David, sec wach' a eb' ya'mal 'och sti eb' 'anma', tztac' yiln eb' yopiso, yet' eb' levita, atn eb' 'aych 'a yib'n̈ sb'itn 'a Dios, tzcolwj pax eb' yet' eb' ya'mal 'och sti eb' 'anma 'a junjn c'u 'a tas yowlal tzc'anxi. Yet' pax yic tas tz'aj yoch eb' tan̈m puerta 'a stzol-l 'a junjn puerta, yujto 'ixta yutjnac can David yalni, atn schecb' Dios.
A eb' yajl yaj 'a scal eb' levita tzb'itni: atn Hasabías, Serebías, Josué, Binuy yet' Cadmiel. Ax jun tzo'n̈ xo eb' yican eb' cha, lin̈n 'ec' eb' 'a yojltac eb' yic tzb'itn eb'. Tzyaln eb' yuj diosal 'a Jehová, yic 'aych eb' 'a yopiso 'a stzolil, 'icha yutjnac win schecb' Dios yaln 'a pecti, atn David.
An̈jtona', ajun pax jun tzo'n̈ yican eb' yet'oc, atn eb' 'et'jnac jun tzo'n̈ yamc'ab' yic tz'och b'it 'a Dios, atn Semaías, Azarel, Milalai, Gilalai, Maai, Natanael, Judá yet' Hanani; atn eb' tic 'et'jnac jun tzo'n̈ yamc'ab' cha, 'icha yaj yaln can rey David, win schecb' Dios 'a pecti'. Palta a Esdras win cuywjum, a b'ab'l s'at yuj eb'.
Xlajw cha, xwi'n 'at eb' 'a yatut Dios, atn 'a jun cuarto yic eb' yunnal Hanán, win yunnal Igdalías, atn jun caw 'ay yel'ch Dios 'a sat. A jun cuarto cha, junn̈j yaj yet' yic eb' yajl yaj 'a yatut Dios cha, a 'a yib'n̈ scuarto Maasías yunnal Salum, ata 'ay. A win cha, yajl yaj 'a eb' tztan̈wni yatut Dios cha.
Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.
Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.
Sanasan