1 Ti 5:5 - Chuj San Sebastian Bible

⁵ 'Ay eb' 'ix chamnc xo yichmil, caw yel tzcan eb' sch'ocoj. Cojxn Dios tzya'ch eb' yipc sc'ojol. Sc'ual yac'wlil sleslwi eb' 'a 'a, tzc'ann eb' jantcn̈ej tas 'ay tz'och yu'uj.

Chuj San Mateo Bible

⁵ Ay eb' ix chamnac yetb'eyum d'a val yel aycan sch'ocoj. A eb' ix chi', an̈ej Dios syac'och eb' ix yipoc sc'ool. C'ual d'ac'val slesalvi eb' ix yuj sc'anan eb' ix jantacn̈ej tas ay tz'och yuuj.

1 Ti 5:5 Iomraidhean Croise

Salmos 91:4

'Oj on̈ sc'ub'c 'el yet' spoder, sec may tas 'oj qui'nec. 'Icha junc no caxtiln̈ tzmoy yune', 'ixta 'oj on̈ yutquec yet' spoder. 'Oj on̈ scolc 'el 'icha yaj yaln cani, 'icha tzyac' junc q'uen tzmacn sat jul-lab'.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 49:21

Tznan 'ix 'ixtic: ¿Tas yaj jun tzo'n̈ 'unn tic? ¿Tom wic eb'? Tom tztac' yalj wune yic 'ac'tb'iln can in ch'ocj 'a junc chuc chon̈b'al? ¿Mach 'ix q'uib'tzan jun tzo'n̈ eb' tic jun? ¿'Ajtil xcot jun tzo'n̈ eb' tic? xchi 'ix. 'Icha 'ix 'ix cha, 'ixta aj ach Sión.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Is 54:1

A Dios 'ix yal 'ixtc yuj chon̈b' Jerusalén: A jun chon̈b' tic lajn 'icha junc 'ix 'ix may xon 'aj tz'unewi, 'actb'il can yuj yichmil, palta ax ticnec, smoj wal yel yaw yuj tzaljc'ojlal, smoj sb'itni, yujto yel xo wal niwn yune 'oj yune'oc 'a yib'n̈ 'ix 'ix 'ayc' yichmil yet'oc.

Lm 1:13

'Icha wal junc c'ac', 'ixta xyutj Jehová ya'n cot qui yailal 'a satcha'an̈, caw wal tzc'ux lajwc qui b'acl tzcab'i. 'Icha pax junc ch'an̈ yal tz'ejm 'a cojltac 'ixta 'on̈ yutj yet' qui yailal on̈, yuj cha, on̈ meltzj 'a qui patic. On̈ yactj can qui ch'ocoj, 'a junjn rato tzcab'n syal on̈.

Lc 18:1

'Ix yal Jesús junx 'ab'x 'a eb' scuywum, yic tzyaln yab' eb', to wach' tzleslwi eb' 'a smasnil tiempo, man̈ comnoc tzactzj eb'.

Lc 18:7

An̈jtona Dios, caw 'oj sb'oyaj pax eb' sic'b'il 'el yu'uj, eb' to tz'awj 'a sc'ual yac'wlil 'a 'a. ¿Tom 'oj 'ec' tiempo sb'onyaj eb'?

Lc 2:37

Ax ticnec, 84 ab'il xo scan 'ix sch'ocoj. Caw matz yactj can 'ix yatut Dios, sc'ual yac'wlil ya'n servil 'ix Cajlil. Tzya'n 'och sb'a 'a c'ajb'c'ojlal, tzleslwi paxi.

A Tas Sc'ulejnac Eb' Schecab' Jesús Hechos 26:7

'Ay lajchw macn̈ eb' quit israelal on̈, smasnil eb' tztan̈wni 'el'choc tas yaljnac can Dios cha. Yuj cha, yelc'ojlal tzyac' servil eb' Dios 'a sc'ual yac'wlil. Ach rey Agripa, yujn̈ej to tzin tan̈wj 'e'l'choc jun cha, yujn̈ej cha, tzin 'ajx queja yuj eb' wit israelal chi ticnec.

A Tas Sc'ulejnac Eb' Schecab' Jesús Hechos 6:1

A 'a jun tiempoal cha, 'ix niwtj sb'isl eb' creyente. Palta a eb' creyente griego sti', 'ix cot yowl eb' 'a eb' creyente hebreo sti', yujto yic 'ix 'ajx wa eb' meb'a 'a junjn c'u, man̈ tz'acnoc x'ajx yic eb' 'ix chamnc yichmil griego sti'.

A Tas Sc'ulejnac Eb' Schecab' Jesús Hechos 9:39

Yuj cha, 'ix 'at Pedro yet' eb'. Yic 'ix c'ochi, xyi'n q'ue eb' 'a jun cuarto chi 'aj 'ay sniwnal 'ix Dorcas cha. Ata yamn yaj eb' 'ix chamnc yichmil. Wan yoc' eb' yuj 'ix. 'Ay jun tzo'n̈ spichl eb', yet' jun tzo'n̈ scamx eb' sb'ojnac 'ix Dorcas cha, yic 'ayc' yet' eb'. 'Ix sch'ox eb' jun tzo'n̈ chi 'a Pedro cha.

A Tas Sc'ulejnac Eb' Schecab' Jesús Hechos 9:41

Yajn̈j wal cha, 'ix 'och yamn 'a c'ab' 'ix. 'Ix sto'n q'ue wa'an. Xlajw cha, 'ix yawtn pax q'ue eb' 'ix chamnc yichmil cha, yet' jun tzo'n̈ xo eb' creyente. 'Ix sch'oxn 'elt Pedro chi 'ix 'a eb', chajtlto 'ix pitzw pax 'ix.

Ro 1:12

Tzin nib'ej, a yic 'oj in c'och eyet' ta', 'oj laj qui mol jucb'tzoquec qui b'a 'a tzaljc'ojlal. Yujto jun lajnn̈ej tzcutjec ca'n 'och Cristo 'a qui c'ojol.

Ro 1:5

Yuj Jesucristo sch'oxjnac Dios swach'c'ojlal 'ayin, yic in ya'n 'och schecb'oc, sec wach' 'ay eb' 'a junjn chon̈b'al tzya'ch sc'ojl 'a 'a, tzyiclni pax eb' tas tzyala.

1 Co 7:32

Tzin nib'ej, to matz ex 'och 'il. A eb' may yistzil, tzna eb' tas 'oj yutc ya'n servil Cajlilec, sec tzalj yet' eb'.

1 Co 7:34

Yuj cha, chab' tz'el snab'en eb'. An̈jtona', man̈ lajnoc eb' 'ix 'ayx yichmil yet' eb' may yichmil. A eb' may yichmil cha, tzna eb' tas 'oj yutc eb' ya'n servil Cajlilec, yujto tzyac' eb' sniwnal yet' spixn yico'oc Dios. Ax eb' 'ayx yichmil, a wal tas 'ay 'a yolyib'n̈q'uinl tic tzna eb'. Yujto tzna eb' tas 'oj yutc eb' ya'n servil sb'a yet' yichmil cha.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.

1 Ti 2:1

A ticnec, tzin b'ab'l alj 'at jun tic 'ayach. Yowlal tzon̈ tew 'a Dios, tzon̈ leslwi yuj smasnil 'anma'. Yowlal tzqui c'an 'a Dios, tzca'n pax yuj diosal yuj eb'.

1 Ti 5:16

A eb' creyente chi ta', [toxn̈ej winac,] toxn̈ej 'ix, toto 'ay junc 'ix chamnc yichmil 'ay 'a yol yatut eb', yowlal caw tzcolwj eb' 'a 'ix. Yujto man̈ smojoc, toto a iglesia tz'a'n sgasto 'ix. A eb' caw sch'ocoj, an̈j eb' 'aj tztac' scolwj iglesia, yujto matz tza'wni iglesia ya'n sgasto eb' smasnil.

1 Ti 5:3

Tzwaln pax 'at jun tzo'n̈ checnb'il tic yuj eb' 'ix 'ix chamnc xo yichmil. A eb' caw sch'ocoj, yowlal tzon̈ colwjec 'a eb'.

2 Ti 1:3

Sc'ual yac'wlil in leslwi o'oj. A yic tzin leslwi 'a junjn 'ejem, tzwa'n pax yuj diosal 'a Dios o'oj. Caw tojl tzwutj in nab'en wa'n servil, 'icha ya'jnac eb' in mam wicham.

A Sb'ab'el Carta San Pedro 3:5

A 'a pecti', 'ay jun tzo'n̈ eb' 'ix 'ix yic Dios yaji. Caw wach' yilx snab'en eb' 'a sat Dios, yujto an̈j wal ya'jnac 'och eb' yipc sc'ojol. Yiclum pax yutjnac sb'a eb' 'a yichmil.

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.