1 Ti 5:13 - Chuj San Sebastian Bible

¹³ A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

Chuj San Mateo Bible

¹³ An̈ejtona' an̈ej lolonel tzec' yal eb' ix d'a caltac pat, yuj chi' te jaragana tz'aj eb' ix. Man̈ ton̈ejoc jaragana eb' ix, palta syal pax pecal eb' ix. Ton̈ej scomon aq'uejoch sb'a eb' ix d'a juntzan̈ b'aj malaj yalan yico'. Syalanpax juntzan̈ malaj svach'il eb' ix.

1 Ti 5:13 Iomraidhean Croise

Pr 11:13

A eb' alm peclal, a tas cob' c'ultac tzalx 'a eb', c'uxn tzyal-l eb'; ax eb' wach' snab'en, ton̈j tzmolcn eb' 'a snab'en.

Pr 20:19

A junc alm peclal, man̈ yojcoc sc'ub'n 'el junc paxti c'ultac yaji, yuj cha, man̈ junc tzex 'ec' yet' jun alm peclal cha.

Pr 31:27

'Aychn̈ej 'ix yiln tas sb'ey yol yatut, may 'ajtil ton̈j tz'ec' tiempo yuj 'ix.

Pr 7:11

Tzcomn paxtini tz'eq'ui, matz q'uixw 'ix jab'oc, matz 'och wan 'a yatut.

Lv 19:16

Man̈ ex alwoc peclal 'a scal 'anma'. An Jehová in, an tzwala. Man̈ locnoc ex tzeyala yic tzma'x cham junc eyit 'anma'il.

Lc 10:7

An̈j 'a junc n̈a chi 'aj tzeyac' e posada cha, ata tzex cani. A tas tzc'ux eb', tze c'ux yet' eb', yujto a mach tzmunlji, smoj schan stojol. Matz tac' ton̈j tzex b'eyc' 'a cal n̈a.

A Tas Sc'ulejnac Eb' Schecab' Jesús Hechos 20:20

Palta eyojtac, ma'in 'och wan waln smasnil jun tzo'n̈ cuynb'il caw wach' 'ayex, yuj yoch e te'nal. C'uxn xwal-l spaxti Dios 'ayx 'a sat eb' chon̈ab', yet' pax 'a yol eyatut.

A Tas Sc'ulejnac Eb' Schecab' Jesús Hechos 20:30

An̈jtona 'a e cal ax tic, 'ay pax jun tzo'n̈ xo eb' 'oj pitzwc cha'an̈. Ax ya'n eb' jun tzo'n̈ 'es, yic tzya'n eb' sc'ojloc eb' creyente, sec tz'och eb' yet' eb'.

1 Ti 5:12

'Oj b'eyc'ojlaxc eb', yujto man̈xtzac ya'ch eb' sc'ojl 'a Cajlil 'icha 'a b'ab'el.

Tito 1:11

Yowlal tztenx 'och wan eb' 'a tas tzyala, yujto tzann̈j junc n̈a 'aj tzlaj 'ec' eb', tz'ec' yac' eb' somchjc 'el snab'en eb' creyente cha. C'uxn tz'ec' yac' eb' cuyxc jun tzo'n̈ maysch'olnil, sec tzyac' ganar eb' stumn 'a spatc eb'.

Santiago 3:10

Junn̈j qui ti tzqui c'anlb'ej caln wach' paxti 'a Dios, tzqui c'anlb'an pax 'a maysch'olnil. Palta ex wu'tac, ex wanab', caw man̈ smojc qui b'onec 'ixta'.

A Sb'ab'el Carta San Pedro 4:15

Toto 'ayn̈ec tzcab'c syail, man̈ yujoc cab' ma'j cham 'anma', man̈ yujoc cab' 'elc'al, man̈ yujoc cab' junc tas 'ay yowlal yuj eb' yajal, man̈ yujoc cab' to tz'at qui comn 'a'c 'och qui b'a 'a junc 'aj may calnec quico'.

3 Jn 1:10

Yuj cha, a yic 'oj in c'och 'ayx ta', 'oj wala', tas smul winac. Yujto ton̈j tz'ec' yac' win jun tzo'n̈ 'es 'ayx 'a qui patc on̈. Man̈ cojnoc jun tzo'n̈ chi tzyal winac. Matz chaj pax win jun tzo'n̈ eb' cu'tac tzc'och 'ayx ta'. Toto 'ayx tze nib'j tze chaj eb', caw 'ay yowlal yuj winac. An̈jtona tzex scaw pechj 'el win 'a scal eb' yic iglesia cha.