1 Ti 5:10 - Chuj San Sebastian Bible

¹⁰ Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

Chuj San Mateo Bible

¹⁰ An̈ej eb' ix chequel yaj d'a yichan̈ eb' yetcreyenteal to vach' sb'eyb'al eb' ix, eb' ix vach' yutejnac sq'uib'tzitan yune', eb' ix vach' yutejnac sb'a d'a eb' slaj ec' d'ay, eb' ix ac'jinac servil eb' yetcreyenteal d'a emnaquilal, eb' ix oc'nac sc'ool d'a eb' ayoch d'a syaelal, eb' ix vach'n̈ej yutejnac sb'a d'a masanil tiempo. An̈ej eb' ix chi' syal yoch scuentaoc iglesia chi'.

1 Ti 5:10 Iomraidhean Croise

Gn 18:4

Tan̈wjec, tic tzin 'at wala', sec tz'ijx cot jac eya'al, yic tze b'icn 'el eyoc, 'iljan̈c 'a yich te te tic b'ela.

Gn 19:2

'Ix yaln 'a eb' 'ixtic: —Ex wajlil, yuj wal dios 'ayex, coyc wet' 'a watut, 'ay a a 'oj e c'ana' yic tze b'icn eyoc. Wach' 'oj e way 'a jun 'ac'wl tic 'ayin, ax q'uic'an tzex seb' 'atxi, xchi 'a eb'. Palta 'ix ta'w eb' 'ixtc 'a 'a: —Yuj wal dios 'ayach, an̈ tic on̈, 'oj qui cann̈j 'a plas tic. A 'a tic 'oj qui way on̈, xchi eb'.

Gn 24:32

'Ixta to b'i'an, 'ix 'at win checb' 'a yatut win Labán cha, ax Labán 'ix colwj yi'n 'el yictz e no cameyo cha, xya'n win tas tzc'ux e no', yajn̈ej 'ix yi'n cot pax win a a', yic tzb'icn 'el win checb' chi yoc yet' eb' ajun yet'oc.

Gn 43:24

X'ijx 'och ewin smasnil yuj win 'a yol yatut José, xya'n win yal eb' yic tzb'icn 'el eb' yoc, x'ajx pax yan̈ e no sb'uru eb'.

Salmos 119:4

Mamin, ach 'ix al 'a eb', to yowlal tz'acn tzb'eylb'ej eb' a checnb'il.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Lv 25:35

Toto 'ay junc eyit chon̈b' tzlajw 'ejm jac tas 'ay 'a 'a, yowlal tzex colwj 'a 'a, 'icha wal tzyac' junc chuc chon̈b'al ton̈j tz'ec' 'a e cal yic tzcan 'a yol e chon̈ab'.

Mt 25:17

'Ixta pax win xchan chab' talento, 'ix yac' ganar win chab' xo.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

Lc 7:38

'Ix c'och cumn 'ix 'a stz'ey. 'Ix 'oc' 'ix, sb'icn 'el 'ix yoc Jesús yet' yal sat. Xlajwn̈ej cha, sucn tacjc 'ix yet' xil sjolom. 'Ix stz'ub'n 'elt 'ix yoc Jesús cha. 'Ix stob'n pax 'och 'ix jun su'q'ui sjab' chi 'a 'a.

Lc 7:44

Xlajw cha, 'ix 'och q'ueln Jesús 'a jun 'ix cha, 'ix yaln 'ixtc 'a win Simón cha: —A yic in jaw 'a yol atut tic, may jac al xac' in c'ana', yic xin b'icn 'el jac woc. Palta 'ilt jun 'ix tic, 'ix sb'icl woc yet' yal sat. Xlajw cha, 'ix sucn tacjc 'ix yet' xil sjolom.

A Tas Sc'ulejnac Eb' Schecab' Jesús Hechos 10:22

'Ix yaln eb' 'a 'ixtic: —'Ay jun win syajlil eb' soldado Cornelio sb'i. Caw wach' sb'eyb'al. 'Ay pax xiwc'ojlal 'a Dios. Caw wach' a sat smasnil eb' et israelal. 'Ay schamc'ojlal eb' 'a 'a. Ax jun yángel Dios 'ix aln 'a 'a, to tzchec cot eb' schecb' tic ach wul yi't 'a yatut, sec wach' 'oj yab' tas 'oj al 'a 'a, xchi eb' 'a Pedro cha.

A Tas Sc'ulejnac Eb' Schecab' Jesús Hechos 22:12

Ata 'ay jun winc Ananías sb'i, caw yelc'ojlal yiclum win 'a ley yic Moisés. Caw wach' sb'eyb'al win 'a sat eb' quit israelal smasnil 'a Damasco cha.

A Tas Sc'ulejnac Eb' Schecab' Jesús Hechos 6:3

Yuj cha, ex wu'tac, tze say ucwn̈oc winc 'a qui calc tic, tzeya'n 'och yopiso eb' sb'on jun munljel tic. Yowlal caw wach' sb'eyb'al eb', tznachj 'el yic Dios yuj eb', yowlal caw 'aych Yespíritu Dios 'a eb'.

A Tas Sc'ulejnac Eb' Schecab' Jesús Hechos 9:36

A 'a chon̈b' Jope, 'ay jun 'ix creyente Tabita sb'i. Ax 'a griego, Dorcas sb'i 'ix. Til wal tas wach' tzb'o'o, tzcolwj 'ix 'a eb' meb'a'.

A Tas Sc'ulejnac Eb' Schecab' Jesús Hechos 9:39

Yuj cha, 'ix 'at Pedro yet' eb'. Yic 'ix c'ochi, xyi'n q'ue eb' 'a jun cuarto chi 'aj 'ay sniwnal 'ix Dorcas cha. Ata yamn yaj eb' 'ix chamnc yichmil. Wan yoc' eb' yuj 'ix. 'Ay jun tzo'n̈ spichl eb', yet' jun tzo'n̈ scamx eb' sb'ojnac 'ix Dorcas cha, yic 'ayc' yet' eb'. 'Ix sch'ox eb' jun tzo'n̈ chi 'a Pedro cha.

Ro 12:13

Yowlal tzon̈ colwjec 'a eb' quit creyenteal, yic 'ay tas 'ay sc'a'l tz'och yuj eb'. Wach' tzlaj cutquec pax qui b'a 'a eb' tzlaj 'ec' 'ayn̈ec.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

1 Ti 2:10

A cab' swach' b'eyb'al eb' tzch'oxli. Smoj 'ixta tzyutj sb'a eb', yujto yic xo Dios yaj eb'.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Ti 3:7

A eb' 'ay yopiso, yowlal wach' tzyutj eb' sb'eyb'al 'a sat eb' man̈ creyenteoc, sec ma'oj b'uchxoc eb', yic ma'oj 'ajxc ganar eb' yuj win diablo.

1 Ti 5:16

A eb' creyente chi ta', [toxn̈ej winac,] toxn̈ej 'ix, toto 'ay junc 'ix chamnc yichmil 'ay 'a yol yatut eb', yowlal caw tzcolwj eb' 'a 'ix. Yujto man̈ smojoc, toto a iglesia tz'a'n sgasto 'ix. A eb' caw sch'ocoj, an̈j eb' 'aj tztac' scolwj iglesia, yujto matz tza'wni iglesia ya'n sgasto eb' smasnil.

1 Ti 5:25

'Ixta pax eb' wach' sb'eyb'al, checl xon yaj eb', to wach' sb'eyb'al eb'. Toto 'ay eb' wach' sb'eyb'al mantzac checlji, yowlal 'oj checljoc 'el eb'.

1 Ti 6:18

Yowlal wach' tzyutj eb' sb'eyb'al, til wal jun tzo'n̈ tas wach' tzb'o eb'. Yowlal tzcolwj eb' 'a eb' meb'a', tzsiyn eb' tastc 'ay 'a 'a.

2 Ti 1:5

Wojtac, yelc'ojlal tza'ch Cajlil 'a a c'ojol, 'icha sb'ab'l 'utjnac sb'a a nunchichm Loida, yet' a nun Eunice. Wojtac, 'icha yutjnac eb' ya'n 'och sc'ojl 'a Cajlil, 'ixta tzotj pax a b'a jun xo.

2 Ti 2:21

'Icha jun tzo'n̈ yamc'ab' cha, 'ixta 'on̈. Toto tzcactj can smasnil maysch'olnil, ax 'a sat Cajlil, caw 'ay quel'chi. An̈j 'ayn̈ yico', caw 'ay copiso yu'uj, yujto tzann̈j tas tznib'ej, lista caj qui b'oni.

2 Ti 3:15

Yictax a cot'ch 'a yune'al, cuywnacch 'a Ch'an̈ Un̈ yic Dios. A Ch'an̈ tz'a'n jelnb'oc qui nab'en, sec tzon̈ colchji, yic tzca'n 'och qui c'ojl 'a Cristo Jesús.

2 Ti 3:17

'Ixta yopiso ch'an̈, sec an̈ yic on̈ xo Dios, tz'acn tznachj 'el cu'uj, tzta'n̈j qui b'on jantcn̈ej tas tznib'j Dios.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Tito 2:7

Ach xo, caw wach' tzotj a b'eyb'al yil eb' ta'. Cojn jun tzo'n̈ cuynb'il caw yel tzal 'a eb'. Man̈toc ton̈j tzach molamani, yic tza cuyn eb'.

Tito 3:1

Caw tzlaj ec sna cot eb' creyente chi ta', chajtlto yiclum tzlaj yutc sb'a eb' 'a ewin yajl smasnil. Yowlal tzyiclj eb' tas tzyal ewinac. Tzann̈j junc munljel wach', tzchajn̈ej cab' sc'ojl eb' sb'oni.

Tito 3:14

Caw tzach cuywj 'a eb' quit creyenteal ta', chajtlto caw tzb'o eb' jun tzo'n̈ tas wach', tzlaj colwj pax eb' 'a eb' 'ay tas 'ay sc'a'l tz'och yu'uj, sec wach' 'ay yopiso eb' 'a sat Dios.

Tito 3:8

A jun tzo'n̈ tic, caw yel. Tzin nib'j caw te'n tzotj a b'a aln 'el jun tzo'n̈ cuynb'il tic, sec wach' a eb' tzya'ch sc'ojl 'a Dios, 'oj ya'ch wal eb' snab'en sb'on jun tzo'n̈ tas wach'. A jun tzo'n̈ cuynb'il tic, caw wach'. Caw 'ay yopiso 'ayon̈ yet' 'a smasnil 'anma'.

A Ch'an̈ Carta D'a Eb' Hebreo 10:24

Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

A Sb'ab'el Carta San Pedro 4:9

Ca'c sposada eb' quit creyenteal tzlaj 'ec' 'ayn̈ec, palta man̈oc cab' yet' qui chab'c'ojlal.

3 Jn 1:12

Ax cu'tac Demetrio, wan yaln eb' smasnil yuj swach'il, yujto chequel to caw tzyiclj jun cuynb'il caw yel. An̈jtona', an̈ tic on̈, tzcal wach'l on̈. Eyojtac a tas tzcal on̈, caw yel.