1 Ti 5:1 - Chuj San Sebastian Bible

¹ Man̈ a tumc eb' 'ichmtac winac. 'Ac' snab'enoc eb' 'a 'emmquilal, 'icha tzotj aln junc tas 'a a mam. Yet' pax 'a eb' quelmtac winac, wach'n̈j tzotj aln 'a eb', 'icha tzotj aln 'a junc caw o'tac.

Chuj San Mateo Bible

¹ Ayic tza ch'olb'itan tas yaj eb' ichamtac vinac, man̈ a tumej eb', ec sna eb' d'a emnaquilal, icha tzutej alan junoc tas d'a a mam. Yed' pax d'a eb' quelemtac, vach'n̈ej tzutej alan d'a eb', icha tzutej alan d'a junoc uc'tac.

1 Ti 5:1 Iomraidhean Croise

Lv 19:32

'Ochn̈ec wan lin̈n 'a yojltac eb' 'ichmtac winac, 'ay cab' yel'ch eb' 'a e sat. 'Ay cab' pax wel'ch 'a e sat.

Mt 23:8

Palta ax xo tic, man̈ e cha yal junc mach ex scuymaloc, yujto junn̈j e Cuymal, an ton Cristo in tic. Ax tic, lajnn̈ej eyel'ch e masnil.

A Tas Sc'ulejnac Eb' Schecab' Jesús Hechos 14:23

A yic x'ec' Pablo yet' Bernabé 'a junjn iglesia, 'ix ya'n can 'och yopiso eb' tz'och ancianoal. 'Ix leslwi eb' 'a Dios, 'ix 'och pax eb' 'a c'ajb'c'ojlal. Xlajw cha, x'ajx can 'ab'enal eb' creyente 'a yol sc'ab' Cajlil yuj eb', atn 'a 'ajtil 'aych sc'ojl eb'.

A Tas Sc'ulejnac Eb' Schecab' Jesús Hechos 15:4

Yic 'ix c'och Pablo 'a Jerusalén yet' eb' ajun yet'oc, ax eb' creyente smasnil, yet' eb' schecb' Jesús, yet' eb' anciano, 'ix chaj eb' sc'och eb'. Xlajw sc'och eb', c'uxn xyal eb', jantcn̈ej tas 'ix sb'o Dios yet' eb'.

A Tas Sc'ulejnac Eb' Schecab' Jesús Hechos 15:6

Ax eb' schecb' Jesús, 'ix syam sb'a eb' yet' eb' anciano, yic tznan eb', tas tz'aj jun cha.

A Tas Sc'ulejnac Eb' Schecab' Jesús Hechos 20:17

Ax yic on̈ c'och 'a chon̈b' Mileto chi on̈, 'ix ya'n 'at Pablo schecb' 'a eb' anciano 'aj Efeso, yic tz'at 'ijxc cot eb' 'a 'a.

Ro 13:7

Tzann̈j eb' yajl tzc'ann tumn yuj ley, yowlal tzca'c 'a eb'. Wach'xam qui boleto, mto junc qui licencia, yowlal tzqui manc 'a eb' 'icha tzyal ley. A eb' yajl cha, toto smoj tzon̈ xiwc 'a eb', xiw coyc 'a eb'. Toto smoj 'ay yel'ch eb', 'ay cab' yel'ch eb' 'a qui satec.

Gl 6:1

Ex wu'tac, ex wanab', toto 'ay junc mach tz'och smul tzeyila, ax xo yiclum ex 'a Yespíritu Dios, caw tzeyac' snab'enoc 'a 'emmquilal, sec 'oj b'oxc snab'en. Caw tzeyac' cuenta e b'a junjn ex, sec ma'oj eyajx prowal yoch e mul yet'oc.

Dt 33:9

A eb' cha, yel xo ach schamc'ojlej eb' 'a yib'n̈ smam snun, 'a yib'n̈ yu'tac, yet' 'a yib'n̈ yunnal. A eb' tic, caw yel syiclj eb' a paxti', yet' a trato.

1 Ti 5:17

A eb' anciano wach' tzyutj ya'n cuenta eb' yit creyenteal, yowlal caw 'ay yel'ch eb' 'a sat eb' creyente smasnil, tzyac' eb' yip scuywji, tzyaln 'el eb' spaxti Dios, yowlal yel xo niwn cab' yel'ch eb' 'a sat eb' yit creyenteal.

1 Ti 5:2

'Ixta tzotj aln pax 'a eb' chichmtac 'ix, 'icha tzotj aln 'a a nun. An̈jtona', yet' 'a eb' cob'stac 'ix, wach' tzotj aln pax 'a eb', 'icha cab' tzotj aln 'a junc caw anab'. Man̈ cab' chab'satoc tzotj paxtinc a b'a 'a eb'.

Tito 2:2

Tzal 'a eb' 'ichmtac winac, to caw te'n tzyutj eb' snab'en. Caw wach' tzyutj sb'a eb', sec wach' 'ay yel'ch eb' 'a sat eb' yit 'anma'il. Yowlal caw tzyac' cuenta sb'a eb'. Caw tzya'ch eb' sc'ojl 'a jun tzo'n̈ cuynb'il caw yel. 'Ay cab' schamc'ojlal eb' 'a eb' yit 'anma'il. Caw te'n tzyutj sb'a eb' yab'n syail.

Tito 2:6

An̈jtona', tzcham aln pax 'a eb' quelmtac winac, to yowlal tzyac' cuenta sb'a eb'.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Santiago 5:14

Toto 'ayx ya eyaji, 'awtjec eb' anciano yic iglesia. Ax xo anciano ex, tzex leslwi yuj eb'. Tze succh aceite 'a eb' 'a sb'i Cajlil.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

2 Jn 1:1

An tic anciano in. Tic tzin tz'ib'j 'at jun in carta tic 'aych Wanb' sic'b'ilch xo 'el yuj Dios, yet' 'a eb' one'. Wal yel 'ay in chamc'ojlal 'ayex. Man̈ in cojnoc. Jantcn̈ej eb' 'ojtnac jun cuynb'il caw yel, 'ay pax schamc'ojlal eb' 'ayex.

3 Jn 1:1

An tic anciano in, tic tzin tz'ib'j 'at jun in carta tic 'aych wu'tac Gayo. Caw tzach in chamc'ojlej yet' smasnil in c'ojol.

Apoc 4:4

Ax 'a stz'ey jun despacho cha, ata oyn 'och 24 niwc xila. Ata wocn 'ejm 24 eb' 'ichmtac winac. Caw sac spichl eb'. Ax 'a sjolm junjn eb', ata 'ay q'ue junjn corona nab'a oro.