1 Ti 4:6 - Chuj San Sebastian Bible

⁶ Toto 'oj ac' scuy eb' creyente jun tzo'n̈ cuynb'il tic ta', wach' 'oj otc a'n servil Jesucristo. 'Oj wach' 'och a te'nal, yic tza cuyn a b'a 'a jun tzo'n̈ spaxti 'aj tzca'ch qui c'ojol, yet' 'a jun tzo'n̈ xo cuynb'il caw wach' 'aj 'aych qui nab'en.

Chuj San Mateo Bible

⁶ Tato tza c'ayb'ej eb' creyente d'a juntzan̈ c'ayb'ub'al tic ta', vach' tzutej ac'an servil Jesucristo syal chi'. Ol vach' och a tec'anil ayic ol a c'ayb'an a b'a alan juntzan̈ lolonel scac'och d'a co c'ool yed' d'a juntzan̈xo c'ayb'ub'al te vach' b'aj ayoch co pensar.

1 Ti 4:6 Iomraidhean Croise

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

Pr 4:2

A cuynb'il wach' tzwal 'ayex, caw wal tzeya'ilej.

Jeremías 15:16

A yic tzaln a paxti 'ayin, caw xin chajn̈ej wab'i', an̈j 'aych in tzaljc'ojlaloc, yujto ec in. Mamin Jehová, ach in Diosal, tztac' 'oj smasnil.

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.

Lc 1:3

An xo tic, si'mb'il xin cuy jun tzo'n̈ chi smasnil. Yuj cha, mamin Teófilo, tzin na'a, wach' tzlaj in tzolb't eb' 'ayach, tastc 'ajnc sb'o jun jun.

A Tas Sc'ulejnac Eb' Schecab' Jesús Hechos 1:15

A 'a yic jun tiempoal cha, 'aym junc 120 eb' creyente 'ix syam sb'a. Ax Pedro xq'ue wan lin̈n 'a scal eb'. 'Ix yaln 'ixtic:

A Tas Sc'ulejnac Eb' Schecab' Jesús Hechos 20:31

Yuj cha, caw tzeyac' cuenta e b'a. Nac coti, to yoxl xo ab'il in yamn 'och in cuywj 'ayx junjn ex, 'a c'ual yet' 'a 'ac'wal. Yel 'ay wal 'aj 'o'nc in.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

Ro 15:15

Wach'xam 'ixta ex, palta caw matz in xiw in tz'ib'n 'at jun tzo'n̈ cuynb'il tic 'ayex, sec matz sat e c'ojl 'a 'a. 'Ixta tzwutj in b'a, yujto a Dios 'a'jnac jun wopiso tic yuj swach'c'ojlal.

1 Co 4:17

Yuj wal jun tic, tzin checn 'at Timoteo tic 'ayex. A Timoteo tic, 'icha to wunnal yaj 'a sat Cajlilec. Caw chamc'ojlb'il wu'uj, caw yiclum pax tzyutj sb'a. A 'oj 'at alnoc 'ayex, ax e nan coti, tas xwutj in b'eyb'al 'a yic wa'n 'och in nab'en 'a Cristo. 'Icha tzwutj in cuyn eb' creyente 'a junjn iglesia, 'ixta 'oj yutc ex scuyn jun xo.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

2 Co 6:4

Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈.

Ef 6:21

A cu'tac Tíquico, chamc'ojlb'il cujec. Caw tzya'ch sc'ojl smunlj quet' 'a Cajlilec. A 'oj 'at alnc 'ayex, tas waj 'a tic, yet' tas wan in b'oni.

A Scarta San Pablo D'a Eb' Aj Filipos 2:20

Yujto may wal eb' lajn snan wet' 'a tic. May wal eb' tzex nan coti.

A Scarta San Pablo D'a Eb' Aj Filipos 2:22

Palta eyojc xoni, a Timoteo tic, checl xon yaj sb'eyb'al. 'Icha junc 'unnab'il yet' smam, 'ixta tzyutj sb'a 'ayin. Caw tzyac' servil Cajlil wet'oc, yic tzcaln 'el wach' 'ab'x yic colnb'il on̈.

A Scarta San Pablo D'a Eb' Aj Filipos 3:16

Yowlal tzqui b'eylb'ejc jantc tas tz'ajx nachjc 'el cujec yuj Dios.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

A Scarta San Pablo D'a Eb' Aj Colosas 4:7

A jun cu'tac Tíquico tic, chamc'ojlb'il cujec. Caw yiclum tzyutj sb'a smunlj 'a yic Dios. 'Aych ya'malc servil Cajlilec wet'oc. C'uxn 'oj 'at yal 'ayex, tas waj 'a tic.

1 Ts 3:2

Ax cu'tac Timoteo tic xqui checb't 'ayex, yujto ya'mal pax servil Dios. Tzyaln 'el wach' 'ab'x yic Cristo quet' on̈. A xit' 'a'nc e te'nal. Xit' ya'nc e nab'enoc, sec tze wach' 'a'j 'och Cristo 'a e c'ojol.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

1 Ti 4:16

Caw tzac' cuenta a b'a yuj a b'eyb'al ta'. An̈jtona', tzac' cuenta a b'a yuj jun tzo'n̈ cuynb'il tzac' scuy eb'. Te'n tzotj a b'a 'a smasnil tiempo, sec 'oj a colcn 'el a b'a, yet' eb' tz'ab'n tas tzala, 'oj colchjoc pax 'el eb'.

1 Ti 6:3

A jun tzo'n̈ scuynb'il Cajlil Jesucristo, caw yel. Palta 'ay eb' matz ya'ch snab'en 'a jun tzo'n̈ cha. Chuc cuynb'il tzyal eb'. Matz nib'j eb' jun tzo'n̈ cuynb'il tzalni, tas tzcutj ca'n 'och qui nab'en 'a Dios.

2 Ti 1:6

A yic wa'n 'at in c'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil. A ticnec, tzwalb't 'ayach, caw tza wach' 'a'j 'ip a munlj 'a opiso cha.

2 Ti 3:10

Palta ach xo, xa b'eylb'ej jun tzo'n̈ in cuynb'il yet' in b'eyb'al. Lajn xotj a nab'en wet'oc. Lajn xotj a'n 'och a c'ojl 'a Cajlil wet'oc. Niwn xotj pax a c'ojl 'icha 'in. Lajn a chamc'ojlal wet'oc.

2 Ti 4:3

Yujto 'ay jun tiempoal 'oj jawoc, 'ay eb' man̈x 'oj scha alxoc jun tzo'n̈ cuynb'il yel 'a 'a. Til wal jun tzo'n̈ comn paxti 'oj snib'c eb' yab'i'. Yuj cha, til wal eb' cuywjum 'oj smolb'tzoc cot eb'. Palta a eb' cuywjum cha, ton̈j 'oj scomn alc eb' jun tzo'n̈ comn paxti', 'icha tznib'j eb' 'anma cha.

Tito 2:1

Ach xo, tzach cuywj 'a tas smoj scuyxi. A jun tzo'n̈ cuynb'il caw yel, a tzala.

A Sb'ab'el Carta San Pedro 2:2

'Icha junc tz'ulc 'unn tznib'j yim, 'ixta cab' e nib'n jun cuynb'il yic Dios, atn jun may jac spaltail, sec 'oj 'och ste'nal e nab'en yu'uj, ax e wach' colchji.

2 Jn 1:9

Toto 'ay eb' tz'ec' 'a yib'n̈ jun tzo'n̈ cuynb'il yaljnac can Cristo, toto tzyactj can pax eb', to 'ixta', man̈ yico'oc Dios eb'. Palta toto an̈ja 'aych qui nab'enec 'a jun tzo'n̈ cuynb'il cha, toto 'ixta', yic on̈c qui Mam Dios, yic on̈c pax Yunnal.

San Judas 1:5

A jun 'oj walb't 'ayx tic, eyojc xoni. Palta tzin nib'j tze na cot jac wet'oc. A eb' wit israelal 'a pecti', colchjnac 'elt eb' smasnil 'a Egipto yuj Cajlilec. Palta xlajw cha, satcn 'el nan̈l eb' ma'ix ya'ch sc'ojl 'a 'a.