1 Ti 3:15 - Chuj San Sebastian Bible

¹⁵ Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

Chuj San Mateo Bible

¹⁵ Tato man̈ ol yal in b'at d'a elan̈chamel jun, palta tzin tz'ib'ejb'at jun in carta tic d'ayach, yic vach' tzojtaquejeli tas val sco b'eyb'alej a on̈ yuninal on̈xo Dios tic. Yujto a on̈ tic yiglesia on̈xo Dios, aton jun Dios pitzan. Ay copisio calanel jun c'ayb'ub'al te yel. Cuuj tz'och val yip jun c'ayb'ub'al yel tic d'a yichan̈ eb' anima.

1 Ti 3:15 Iomraidhean Croise

A Ch'an̈ B'ab'el Libro Yic Yab'ixal Eb' Rey 2:2

Jab'xoj wal 'oj in chami, 'icha tz'aj smasnil eb' quit 'anmal 'a yolyib'n̈q'uinal. Caw te'n tzotj a b'a, 'icha junc winc caw te'n xo snab'en.

A Ch'an̈ B'ab'el Libro Yic Yab'ixal Eb' Rey 2:4

sec wach' 'oj 'el'choc tas alb'il can yuj Jehová 'ayin, yic yaln 'ixtic: Toto tzyac' cuenta sb'a eb' en̈tl yet' sb'eyb'al, toto tojl 'oj yutc sb'a eb' 'a wojltac 'a smasnil sc'ojol, yet' 'a smasnil snab'en, to 'ixta', ma'oj yac' palta eb' en̈tl yoch reyl 'a chon̈b' Israel tic, xchi 'ayin.

A Ch'an̈ Schab'il Libro Yic Yab'ixal Eb' Rey 19:4

Comnoc wal 'ix yab' Jehová qui Diosalec jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj on̈, yuj jaywn̈ on̈ to tzon̈ cani, xchi Ezequías, xchi eb'.

1 Cr 22:13

Wach'n̈j 'oj 'el'choc smasnil, toto tza ya'ilj a yiclni scuynb'il, yet' sley 'ix yac' 'a Moisés cu'uj. ¡Te'n tzotj a b'a, 'ac' ep, man̈ ach xiwoc, man̈ a chab'c'ojloc pax a b'a!

Salmos 42:2

Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Salmos 84:2

Til wal in nib'n waj 'a yamq'uil atut ach in Diosal, ach 'aj q'uinl ach. 'A smasnil in c'ojol tzin b'itn 'ayach.

Jeremías 1:18

A ticnec, tzach wa'cn 'och 'icha wal junc chon̈b' caw 'ay yip, 'icha wal junc 'oy nab'a hierro, 'icha wal junc muro nab'a bronce, sec 'oj stac' a te'wtzan a b'a 'a yojltac nacion̈ Judá, 'a yojltac eb' rey, 'a eb' yajal, 'a eb' ya'mal 'och sti eb' 'anma 'ayin, yet' 'a sat smasnil eb' 'anma'.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Jeremías 23:36

Palta man̈xtzac yal junc paxti 'ixtic: Schecnb'il Jehová jun tic, man̈ xchioc. Toto tzyal jun paxti cha, mun a jun spaxti chi 'oj meltzjoc 'och 'a 'a. Yujto 'ix yixtj 'el eb' 'anma tic 'a tas 'ix wala, an ton tic Dios in, pitzn in, an Jehová in, tztac' wuj smasnil, e Diosal in paxi.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Mt 18:18

Wal yel tzwal 'ayex, tzann̈j tas 'oj eyal to 'ay yowlal 'a yolyib'n̈q'uinl tic, 'ay pax yowlal 'a sat Dios 'aj satcha'an̈. An̈jtona', tzann̈j tas 'oj eyal to may yowlal 'a yolyib'n̈q'uinl tic, may pax yowlal 'a sat Dios.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 18:37

—¿Tom yel, to ach reych jun? xchi win 'a 'a. —N', reyn ton 'icha tzal tic. An tic, in wulc' 'a yolyib'n̈q'uinl tic, yic tzwul walnc 'el jun tas caw yel. Yuj cha, in 'alji. Jantcn̈ej eb' yic xon jun yel tic, tzya'ch eb' schicn 'a tas tzwala, xchi Jesús.

Jn 6:69

An̈ tic on̈, tox ach ca'ch 'a qui c'ojl on̈. Cojc on̈, [to ach tic, Cristo ach.] Yunnal ach Dios [pitzan], xchi Pedro 'a 'a.

A Tas Sc'ulejnac Eb' Schecab' Jesús Hechos 1:2

masnto xjaw jun c'u yic 'ix pax 'a satcha'an̈. Yic mantzac paxi, 'ix yaln can jun tzo'n̈ schecnb'il 'a eb' schecab', atn eb' sic'b'il 'el yu'uj. 'Ixta x'ajx yal yuj Yespíritu Dios.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Ro 9:26

'Ay jun lugar 'aj waljnac 'a eb' 'ixtic: Ax tic, man̈ ex in chon̈b'oc, xin chi. Atn 'a lugar chi 'oj alxoc 'a eb' 'ixtic: Yunnalx Dios pitzan, xchi, xchi 'a Ch'an̈.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

1 Co 3:16

¿Tom man̈ eyojcoc, to yatut Yespíritu Dios eyaji, a Yespíritu chi cajn 'ec' 'a e cal?

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

2 Co 6:7

A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈.

Gl 2:9

Ax Santiago, yet' Pedro, yet' Juan, niwn yel'ch eb' 'a sat eb' creyente ta'. Nachjnac 'el yuj eb', chajtlto a Dios 'a'jnac jun wopiso tic yuj swach'c'ojlal. Yuj cha, ya'jnac cot eb' sc'ab' 'ayn yet' Bernabé, qui yamlan qui c'ab' yet' eb' on̈, yujto lajn schajnac sb'a snab'en eb' quet' on̈. 'Ixta yutjnac eb' sch'oxni, to tznib'j eb' tzon̈ 'at 'a scal eb' man̈ israeloc on̈. Ax eb', an̈ja smunlj eb' 'a scal eb' quit israelal on̈.

Gl 3:1

Ax xo wal ex 'aj Galacia, caw man̈ nab'enal eyaji. Tecn 'ay junc x'a'n juwc 'el e nab'en 'icha tzyac' junc 'ajchum. Yuj cha, man̈x yiclumoc tzeyutj e b'a 'a jun cuynb'il yel. A yic quec' ta 'on̈, caw caljnac 'ayx on̈, chajtlto xcham Jesucristo 'a spenc culus. 'Icha wal to caw eyiljnac schami.

Ef 4:21

Yujto a yab'xil xeyab' cha, xe cuyn sb'eyb'al to tzchaj 'el'ch sb'a yet' jun paxti caw yel ya'jnac Jesús cuyxoc.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

Dt 5:26

Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami.

A Scarta San Pablo D'a Eb' Aj Colosas 1:5

'Ixta tzeyutj e b'a, yujto wan e tan̈wni jun eyic molb'il 'a satcha'an̈. Atxo 'a yic eyab'n jun wach' 'ab'x caw yel, eyamn 'och eya'n 'och jun chi yipc e c'ojol.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

1 Ti 3:14

Tzin na'a, toq'ue 'oj in 'at 'aych yic jaye c'u.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Ti 3:5

A mach man̈ yojcoc tas tzyutj ya'n cuenta sb'a 'a yol yatut, ¿tast wal 'oj yutc ya'n cuenta yiglesia Dios?

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

2 Ti 2:20

Q'uinloc 'ay junc niwquil n̈a, til wal yamc'ab' 'ay 'a yojol. 'Ay jun tzo'n̈ q'uen yamc'ab' nab'a oro yet' plata, caw 'ay yopiso. Palta 'ay pax jun tzo'n̈ xo te yamc'ab', yet' lum yamc'ab'. A jun tzo'n̈ cha, comnn̈ej yaji.

A Ch'an̈ Carta D'a Eb' Hebreo 10:21

An̈ yunnaln̈ec xo Dios, 'ay jun tz'a'n 'och qui tic 'a 'a.

A Ch'an̈ Carta D'a Eb' Hebreo 12:22

Palta an̈ec xo tic, man̈oc ta tzon̈ c'ochi. Yujto a 'a jun tzaln Sión, yet' 'a jun chon̈b' yic Dios pitzan, ata tzon̈ c'ochi. A jun chon̈b' cha, atn jun Jerusalén 'ay 'a satcha'an̈. Man̈ jantcoc sb'isl eb' ángel

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?

Apoc 7:2

Xwiln paxi, 'ay junx ángel xcot 'a stojlal 'aj tzq'uel c'u. 'Ay jun seyo yet'i, atn jun yic Dios pitzan. Caw 'ip 'ix 'awj 'a chan̈wn̈ eb' ángel cha. Atn eb' chan̈wn̈ chi 'ac'b'il spoder yixtn tas 'ay 'a sat lu'um, yet' tas 'ay 'a a mar, 'ix yaln 'a eb' 'ixtic:

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.