1 Ti 3:13 - Chuj San Sebastian Bible

¹³ Toto wach' tzyutj eb' yopiso, caw 'ay yel'ch eb' 'a sat eb' yit creyenteal. Toto 'ixta', matz xiw eb' yaln 'eli, chajtlto 'aych sc'ojl eb' 'a Cristo Jesús.

Chuj San Mateo Bible

¹³ A eb' diácono chi', tato te vach' syutej sb'a eb' d'a yopisio chi', te ay yelc'och eb' d'a yichan̈ eb' creyente. Tato icha chi', max xiv eb' yalaneli to ayoch Cristo Jesús d'a sc'ool eb'.

1 Ti 3:13 Iomraidhean Croise

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

Lc 19:17

Yuj cha, xyaln win 'a 'a: Wach' jun, ach tic caw wach'ch 'ayin. Wach'xam jab' xwac' 'ayach, palta tojl xotj a nab'en yet'oc, yuj cha, tic tzwa'ch opiso gobernadoral 'a lajn̈e chon̈ab', xchi win 'a 'a.

A Tas Sc'ulejnac Eb' Schecab' Jesús Hechos 21:35

Yic xc'och eb' 'a sb'achctacl sti cuartel cha, 'ix sb'achn chan̈ eb' soldado Pablo cha, yujto caw tznib'j eb' 'anma chi smila'.

A Tas Sc'ulejnac Eb' Schecab' Jesús Hechos 6:15

Ax ewin yajl cha, yet' eb' wocn 'ejmta smasnil, 'ix 'och q'ueln eb' 'a Esteban cha. 'Ix yiln 'och eb' sat, caw lajn yilx 'icha sat junc ángel.

A Tas Sc'ulejnac Eb' Schecab' Jesús Hechos 6:5

Caw 'ix tzalj eb' smasnil yuj jun paxti cha. Atn eb' tic 'ix si'x 'elt yuj eb': a Esteban, caw 'aych sc'ojl 'a Dios, caw 'aych Yespíritu 'a 'a, yet' Felipe, Prócoro, Nicanor, Timón, Parmenas, yet' pax Nicolás 'aj Antioquía. A Nicolás tic, 'ochnc 'a scuynb'il eb' israel 'a yic yalan̈.

A Tas Sc'ulejnac Eb' Schecab' Jesús Hechos 6:8

Ax Esteban, til wal swach'c'ojlal Dios 'ix scha'aj. Caw x'och Dios yet'oc. Yuj cha, til wal milagro 'ix ch'oxl 'a scal eb' 'anma'.

1 Co 16:15

A ticnec ex wu'tac, ex wanab', eyojtac a Estéfanas yet' yistzil yet' pax eb' yunnal, b'ab'l creyente eb' 'a yol yic Acaya 'aj 'ayx cha. A eb' cha, caw tzyac' servil eb' jun tzo'n̈ xo eb' quit creyenteal 'a smasnil sc'ojol.

A Scarta San Pablo D'a Eb' Aj Filipos 1:14

A yic xyiln eb' creyente, chajtlto te'n tzwutj in b'a 'a preso tic, til wal eb' xwach' 'och ste'nal wu'uj. Caw man̈xtzac xiw eb' yaln 'el spaxti Dios 'a tic. Caw te'n tzyutj sb'a eb' yuj Cajlilec.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

1 Ti 3:14

Tzin na'a, toq'ue 'oj in 'at 'aych yic jaye c'u.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.