1 Ti 3:11 - Chuj San Sebastian Bible

¹¹ 'Ixta pax eb' 'ix 'ix tz'och yopiso, yowlal caw wach' tzyutj eb' sb'eyb'al 'a sat eb' yit 'anma'il. Matz tac' yalw peclal eb'. Yowlal caw te'n tzyutj eb' snab'en. An̈jtona', caw yiclum tzyutj sb'a eb' sb'on smasnil tas.

Chuj San Mateo Bible

¹¹ Icha pax chi' eb' ix ix tz'och yopisio, yovalil te vach' syutej sb'eyb'al eb' ix d'a yichan̈ eb' anima. Max yal-laj tz'alvi pecal eb' ix. Yovalil tec'an syutej spensar eb' ix. An̈ejtona' c'anab'ajumocab' eb' ix sc'ulan masanil tasi.

1 Ti 3:11 Iomraidhean Croise

Salmos 101:5

A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.

Salmos 15:3

Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.

Salmos 50:20

Tzc'ac'b' 'och e c'ojl 'a eyit 'anma'il. Tze nachan̈ e b'on tas tu 'a eb' eyu'tac to junn̈j e nun yet'oc.

Pr 10:18

A eb' 'a'm 'es, tzc'ub'j 'el eb' schichnc'ojlal, ax eb' alm peclal, may snab'en eb'.

Pr 25:13

A junc checb' yiclum schecxi, lajn wal 'a spatron̈ 'icha yic tzcu'nec a sicla 'a yic caw 'ay qui tan̈til 'a scal c'ac', caw tzsicb' qui c'ojlec yu'uj, 'ixta jun checb' chi 'a spatron̈ cha.

Jeremías 9:4

Ach Jeremías, a smasnil eb' a wach'c'ojol, yet' eb' o'tac, caw tzyac' eb' 'es 'a apatic, yuj cha, man̈x a'ch eb' yipc a c'ojol.

Ez 44:22

A yic tz'och yistl junc win ya'mal 'och sti eb' 'anma cha, matz tac' yi'n win junc 'ix 'ix chamnc yichmil, mto spojjnac sb'a yet' yichmil, palta a cab' junc 'ix cob'sto 'a scal eb' 'ix eyit israelal, a tztac' yi'ni, mto junc 'ix yistl can junc win ya'mal 'och e ti chamnac.

Lv 21:7

Matz tac' yi'n sb'a eb' yet' eb' 'ix 'ajmul 'ix. Matz tac' yi'n sb'a eb' yet' eb' 'ix 'ix c'umb'ilx winc yu'uj, mto eb' 'ix spojjnac sb'a yet' yichmil, yujto sic'b'il 'och eb' wico'oc.

Mt 4:1

'Ix 'ijx 'at Jesús yuj Yespíritu Dios 'a cusltac lu'um, yic tz'ajx prowal yuj win diablo ta'.

Jn 6:70

—Ax lajchwan̈ ex tic, an ex in si'cn 'eli. Palta 'ay jun 'a e cal, schecb' win diablo yaji, xchi 'a eb'.

Ro 1:29

C'aync eb' yet' jantcn̈ej tu nab'enal, [yet' 'ajmulal]. An̈j maysch'olnil 'aj 'aych snab'en eb'. Tznib'j 'och eb' ricoal. Caw tu eb'. Tznib'n 'och eb' tas 'ay 'a junc xo mach. Ma'm cham 'anma eb'. 'A'm owl eb'. 'Ixtm 'anma eb'. Caw palta sb'eyb'al eb'. Alm peclal pax eb'.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Ti 6:2

Toto 'ay eb' 'aych mosoal 'a junc yit creyenteal, wach'xam creyente junc spatron̈ eb' cha, niwn cab' yel'ch 'a eb'. Yel xo wal wach' tzyutj eb' smunlj 'a 'a, yujto creyente spatron̈ eb' cha, chamc'ojlb'il yuj Dios yet' eb'. Tzcham aln jun tzo'n̈ checnb'il tic 'a eb' ta', tza cuyn eb' 'a 'a.

2 Ti 3:3

May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

Tito 2:3

Yet' pax 'a eb' chichmtac 'ix, tzal 'a eb', to yowlal wach' tzyutj eb' sb'eyb'al 'icha tznib'j Dios. Man̈ comnoc tzyal eb' speclal eb' yit 'anma'il. Caw matz tac' yu'n pax eb' 'an̈. Yowlal tzch'ox eb' swach' b'eyb'al,

Tito 3:2

Man̈ comnoc tzb'uchwj eb' 'a eb' yit 'anma'il. Matz tac' scomn 'a'n pax eb' owl yet' junc xo mach. Yowlal wach' tzyutj eb' snab'en, 'emmquil tzyutj sb'a eb' 'a smasnil 'anma'.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.