1 Ti 1:9 - Chuj San Sebastian Bible

⁹ Nachj cab' 'el o'oj, man̈ yujoc eb' wach' sb'eyb'al, x'ajx can jun ley cha. Palta yuj eb' 'oj wal tic, 'ix 'ajx cani. Atn eb' tenmtac tzyutj sb'a 'a Dios, eb' man̈ yiclumoc 'a tas tzyala, eb' matz b'eylb'an 'icha tznib'ej, eb' maysch'olnil sb'eyb'al, eb' may yel'ch Dios 'a sat, eb' tzcomn b'uchwj 'a junc tas wach', eb' tzma' cham smam snun, yet' eb' milm cham 'anma',

Chuj San Mateo Bible

⁹ Cojtacpaxi to man̈ yujoc eb' vach' sb'eyb'al ix ac'jican juntzan̈ ley chi', palta aton yuj eb' ol val tic ix ac'jicani: Eb' pit syutej sb'a d'a Dios, eb' max c'anab'ajan tas syal Dios, eb' max b'eyb'alan icha sgana Dios, eb' chuc sb'eyb'al, eb' malaj tz'och Dios d'ay, eb' scomon b'uchvaj d'a tas vach', eb' smac'ancham smam snun, eb' mac'umcham anima,

1 Ti 1:9 Iomraidhean Croise

A Ch'an̈ Schab'l Libro Samuel 16:11

'Ix yaln David 'ixtc 'a win Abisai yet' 'a smasnil eb' 'ay yopiso yet' cha: —'Intax to wunnal win tzin nib'n milnoc, ax pax win tic, yin̈tl eb' yic Benjamín winac. Sb'ajquin cab' winac, lemb'il a Jehová a tz'a'n yala'.

A Ch'an̈ Schab'il Libro Yic Yab'ixal Eb' Rey 19:37

'Ay jun c'ual 'ix 'at leslwoc 'a yatut jun sdiosal tzcuch Nisroc, axn 'ayc' chi ta', 'ix c'och chawn̈ eb' yunnal 'a 'a, atn Adramelec yet' Sarezer, 'ix smiln can eb'. 'Ix 'atcn eb' 'elc 'a yol yic Ararat. Ax junx yunnal scuch Esarhadón, a 'ix 'ochcn reyl sjeloc.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Ex 20:13

Man̈ ex milwoc cham 'anma'.

Ex 21:14

Palta a mach ton̈j tzcomn cot yowl 'a junc yit 'anma'il tzmiln chamoc, wach'xam tz'at sc'ub'c 'el sb'a 'a yet'l xajmb'al, palta yowlal tz'at sayxoc 'eq'ui, tzlajw yilchji, tzmilx chamoc.

Pr 20:20

A mach tzb'aj smam snun, 'oj 'ijxoc 'ec' sq'uinal, 'icha junc cantil tztupi.

Pr 28:17

A mach tz'och smul smiln cham yit 'anma'il, man̈x cab' 'och wan 'a yet'ul, masnto tzc'och 'a 'aj 'ay sjul-l eb' chamnc 'anma'; may cab' mach tzyamn 'och wa'an.

Pr 28:24

A mach tz'och 'elc'l 'a smam snun, man̈ mulc jun chi snani; a jun cha, lajn snab'en 'icha eb' cojn 'elc'l tzb'o'o.

Pr 30:11

'Ay mach tu yaln 'a smam, may xon 'aj tzyal junc wach' paxti 'a snun.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Jeremías 23:11

A Jehová tzaln 'ixtic: A wal eb' tzyalch sb'a in checb'oc, yet' eb' tz'a'n 'och sti eb' 'anma 'ayin, caw may wel'ch 'a sat eb'. An̈jtona 'a watut, tzwil wal sb'on eb' maysch'olnil ta'.

Ez 21:25

Ach sreyl Israel, tecb'il ach, caw may a ch'olnil. A ticnec xc'och sc'ul ajx 'och 'a yol sc'ab' yailal yuj a mul.

Lv 20:9

Tzann̈j mach tzb'aj smam snun, a jun cha, yowlal tzchami, mun wal a tzyij cot chaml 'a yib'an̈.

Mt 10:21

A 'a jun tiempoal cha, 'ay eb' 'u'tacab'il 'oj ya'ch yu'tac 'a yol sc'ab' chamel. 'Ay pax eb' mamb'il 'ixta 'oj yutc sb'a 'a yunnal. An̈jtona', 'ay pax eb' 'unnab'il 'oj yac' owl yet' smam, ax ya'n 'och eb' smam chi 'a yol sc'ab' chamel.

Ro 1:30

Tzyaln eb' maysch'olnil 'a spatc eb' yit 'anma'il. Tzchichn 'och eb' 'a Dios. Tzuntzm maysch'olnil eb'. Tzyij chan̈ sb'a eb'. B'an̈quintac yec' eb'. Caw jeln tzyutj eb' snan 'el junc maysch'olnil. Man̈ yiclumoc tzyutj sb'a eb' 'a smam snun.

Ro 4:13

Ya'jnac can Dios sti 'a win Abraham yet' 'a eb' yin̈til, chajtlto 'oj yac' yolyib'n̈q'uinl tic yico'oc eb'. Man̈ yujoc syicljnac win sley Dios, ya'n can sti 'a winac, palta yujn̈ej to wach' win 'a sat, yujto ya'jnac 'och win sc'ojl 'a 'a.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Ro 6:14

A maysch'olnil, man̈x 'a yaln yic 'ayn̈ec, yujto man̈xtoc 'ayn̈ec 'ec' 'a yol sc'ab' ley yic Moisés. A 'a yol sc'ab' swach'c'ojlal Dios 'ayn̈ec 'ec' ticnec.

Gl 3:19

Palta ¿tas yopiso jun ley chi tze na'a? 'Ac'b'il jun ley cha, sec tzcheclj 'el smul junjn 'anma'. 'Ayn̈j yopiso jun ley cha, masnto jawnac jun yin̈tl Abraham, atn jun 'aj ya'jnac can Dios sti'. Ax eb' ángel aljnac jun ley chi 'a Moisés, yujto a ya'jnac sb'a yuj eb' 'anma 'a Dios.

Gl 5:18

Palta toto wan qui b'eylb'anec 'icha tzch'ox Yespíritu Dios, ax jun ley cha, man̈x 'a yaln yic 'ayn̈ec.

Gl 5:21

Tznib'n 'och eb' tastc 'ay 'a junc xo mach. 'U'm 'an̈ eb'. Toxn̈ej tzlaj b'uylji eb'. Tzb'on pax eb' jun tzo'n̈ xo lajn yet' jun tzo'n̈ tic. Tzwalb't 'ayx ticnec, 'icha wutjnac waln 'ayx 'a jun 'el, a eb' tzb'on jun tzo'n̈ tzwal tic, toxn may xon yaln eb' yic sc'och 'a yol sc'ab' Dios.

Gl 5:23

'emmquil tzlaj cutjec qui b'a. Yu'uj, tztac' qui tennec 'och wan qui b'a 'a maysch'olnil. A jun tzo'n̈ wach' b'eyb'al tic, may junc ley tzalni, to matz tac' qui b'onec.

Dt 27:16

Catb'tzaxc cab' eb' may yel'ch smam snun 'a sat, xchi eb' levita. 'Ixta cab' tz'aji, 'oj xchic eb' chon̈ab'.

2 Ts 2:8

At wal ta 'oj checljoc can 'el jun win syajlil maysch'olnil cha. Palta a Cajlilec, 'oj yutz'c cham yet' yic'. A yic 'oj jawc Cajlilec 'a scal stzictznial, ax satcn 'ejm win yu'uj.

1 Ti 4:7

Palta caw man̈ a'ch a nab'en 'a jun tzo'n̈ comn 'ab'x may yel'chi. Smasnil tiempo, caw tza'ch a nab'en 'a Dios.

1 Ti 6:20

Ach Timoteo, caw tza tan̈wj tas 'ix 'ajx 'och can 'a yol a c'ab'. 'Ay eb' ton̈j tzcomn paxtin 'a nab'an̈ej. Caw may jac yel'ch tas tzyal eb' tzyalch sb'a jelnal cha. Ach xo, caw man̈ ach paxtinc yet' eb', matz tac' jun tzach 'ec' yet' eb'.

2 Ti 2:16

Man̈ a c'umc a b'a yet' eb' ton̈j tzcomn paxtini, eb' may yel'ch tas tzyala. Yuj jun tzo'n̈ comn paxti cha, ton̈j tzwach' 'at eb' 'a scal maysch'olnil.

2 Ti 3:2

Yujto 'ay eb' 'anma', mun 'oj laj schamc'ojloc sb'a. An̈j 'a q'uen tumn 'oj laj ya'ch eb' snab'en. 'Oj sb'an̈ sb'a eb', 'oj yi' chan̈ sb'a eb'. 'Oj comn b'uchwjc eb' 'a Dios. Ma'oj syiclc eb' tas tzyal smam snun. Chab'c'ojlal 'oj scha eb' junc tas. Caw maysch'olnil 'oj yutc eb' sb'eyb'al.

Tito 1:10

Yujto til wal eb' an̈ja tenmtac tzyutj sb'a. Ton̈j tzcomn alj eb' jun tzo'n̈ tas may yel'chi. Caw tzsomchj pax 'el nan̈locx eb' yuj eb'. A wal eb' creyente israel, til wal eb' 'ixta to tzyutj sb'a.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

Tito 1:6

Tic 'oj walb't 'ayach, tas yowlal tzb'eylb'ej eb' tz'och ancianoal cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Ax yunnal eb', yowlal creyente cab' eb' smasnil, man̈ comnoc tzb'o eb' 'unnab'il chi maysch'olnil, man̈ tenmtacc tzyutj sb'a eb', yiclum cab' tzyutj sb'a eb' 'a smam snun cha.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Ch'an̈ Carta D'a Eb' Hebreo 11:31

Ax jun 'ix Rahab sb'i, caw 'ajmul 'ix, palta ya'jnac 'och 'ix Dios 'a sc'ojol. Yuj cha, ma'ix cham 'ix yet' eb' man̈ yiclumoc yutjnac sb'a, yujto wach' yutjnac 'ix schan eb' israel xit' 'iljnac tas yaj jun chon̈b' cha.

A Ch'an̈ Carta D'a Eb' Hebreo 12:16

Yowlal may junc ex tze b'o 'ajmulal. May ex cab' tzeyij 'el e nab'en 'a Dios, 'icha yutjnac sb'a win Esaú. A win cha, b'ab'l 'unin. Yuj cha, 'ay yaln yic schan jun tzo'n̈ tas 'a smam. Palta schon̈cn 'el jun tzo'n̈ 'aj 'ay yaln yic schan cha. 'Ix schan jun schib'l wal stojloc.

A Sb'ab'el Carta San Pedro 2:7

An̈ec tzca'c 'och qui c'ojl 'a 'a, caw niwn yel'ch 'ayn̈ec. Palta 'ay pax eb' matz ya'ch sc'ojl 'a 'a. Yuj eb' cha, tzyaln pax 'ixtc 'a Ch'an̈ U'un̈: A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso, xchi.

A Sb'ab'el Carta San Pedro 3:20

A eb' cha, man̈ yiclumoc yutjnac sb'a eb' 'a Dios, yictax yec' eb' 'a pecti', 'a yic 'ayc' Noé. A 'a jun tiempoal cha, niwn yutjnac Dios sc'ojl 'a eb', yic stan̈wni sb'o jun niwquil barco. A 'a te barco cha, 'ay jaywn̈ eb' colchjnac can 'el 'a te'. Wajxcwan̈ wal eb' colchjnac.

A Sb'ab'el Carta San Pedro 4:18

An̈ec tojl xo qui nab'en, teb'il 'oj qui colchjec. Toto 'ixta 'oj cajc an̈ec tic, ¿ocxom wal eb' may yel'ch Dios 'a sat, yet' eb' maysch'olnil sb'eyb'al?

San Judas 1:15

Atta 'oj sb'eyc'ojloc smasnil 'anma'. Jantcn̈ej eb' maysch'olnil, 'oj ya'ch yailal 'a yib'n̈ eb' yuj smul, yujto maysch'olnil eb'. A eb' tu tzaln 'a spatc Cajlilc cha, eb' caw maysch'olnil snab'en, 'oj ya'ch pax yailal 'a yib'n̈ eb', xchi win Enoc cha.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.