1 Ti 1:6 - Chuj San Sebastian Bible

⁶ Palta 'ay eb' tz'actn can jun tzo'n̈ wach' b'eyb'al tzwal tic. Yuj cha, ton̈j tzcomn 'a'j 'och eb' snab'en 'a jun tzo'n̈ comn paxti may yel'chi.

Chuj San Mateo Bible

⁶ Palta ay eb' tz'actancan jun vach' b'eyb'al sval tic. Yuj chi', ton̈ej scomon aq'uejoch spensar eb' d'a juntzan̈ comon lolonel malaj b'aj sc'anab'ajaxi.

1 Ti 1:6 Iomraidhean Croise

Mt 18:12

Q'uinloc 'ay junc mach 'ay junc ciente scalnelu, toto tzsat junc no', tzyactj can win no 99 chi 'a lum tzalan, tz'at saync 'ec' win jun no tzsat cha.

1 Ti 5:15

Tzwalb't jun tzo'n̈ tic 'ayach, yujto 'ay eb' 'ix chamnc yichmil, tox 'ix meltzj pax 'a spatic. Ax ticnec, a win Satanás tzyac' servil eb'.

2 Ti 2:18

Yuj cha, xyactn can eb' jun cuynb'il caw yel. Tzcob' yalnc eb' 'ixtic: Tox 'ix pitzw pax eb' chamnac, xchi cob' eb'. Ton̈j tz'ec' yac' eb' somchjc 'el snab'en nan̈locx eb', sec man̈xtzac ya'ch eb' sc'ojl 'a Cajlil.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

Tito 1:10

Yujto til wal eb' an̈ja tenmtac tzyutj sb'a. Ton̈j tzcomn alj eb' jun tzo'n̈ tas may yel'chi. Caw tzsomchj pax 'el nan̈locx eb' yuj eb'. A wal eb' creyente israel, til wal eb' 'ixta to tzyutj sb'a.

Tito 3:9

Palta man̈ a'ch a b'a yet' eb' tzcomn tej sb'a 'a nab'an̈ej, yet' eb' cojn yab'xil smam yichm tzyala. Man̈ a'ch pax a b'a yet' eb' tzcomn 'a'n owal, yet' pax eb' tztej sb'a yuj ley yic Moisés. A jun tzo'n̈ tzlaj yal eb' cha, may jac yopiso, nab'an̈ej tzyixtj sb'a eb' yalni.