1 Ti 1:5 - Chuj San Sebastian Bible

⁵ Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

Chuj San Mateo Bible

⁵ Svalb'at jun checnab'il tic d'ayach yic vach' xajanej val sb'a eb' creyente ta'. Tato stojolb'itej sb'a eb', tato syil val sb'a eb' yed' spensar, tato yel syac'och Dios eb' d'a sc'ool, ol xajanej sb'a eb' yed' eb' yetanimail.

1 Ti 1:5 Iomraidhean Croise

Salmos 24:4

Atn eb' may tas tu tzb'o'o, eb' wach' pax tas tzna'a; eb' matz yac' 'emmquilal 'a jun tzo'n̈ comn dios; eb' matz yac' sti 'a junc tas man̈ yeloc.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Sofonías 3:7

'Ix in nan 'ixtic: Toq'ue laj 'ay wel'ch 'a sat eb' 'aj Jerusalén tic yic tzwa'n cuenta eb'. To 'ixta', ma'oj in satl yatut eb', may yailal 'oj wa'ch 'a yib'n̈ eb' 'icha yaj in nani, xin chi. Palta ax x'aji, yel xo wal xniwtj sb'on eb' maysch'olnilal.

Mt 12:35

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.

Mt 5:8

A eb' may jac maysch'olnil 'ay 'a spixan, caw wach' yic eb', yujto 'oj yil eb' Dios.

A Tas Sc'ulejnac Eb' Schecab' Jesús Hechos 15:9

A 'a sat Dios, caw lajnn̈ej eb' quet'ec, yujto a 'ix 'i'n 'el maysch'olnil 'aych 'a eb', yic xya'n 'och eb' Cristo 'a sc'ojol.

A Tas Sc'ulejnac Eb' Schecab' Jesús Hechos 23:1

Ax Pablo, x'ec' q'uel-loc 'a eb' sat yajal, 'ix yaln 'ixtc 'a eb': —Ex wit chon̈ab', tojln̈ej yaj in nab'en 'a sat Dios, masnto 'a jun c'u tic, xchi 'a eb'.

A Tas Sc'ulejnac Eb' Schecab' Jesús Hechos 24:16

Yuj cha, caw tzwac' cuenta in b'a yet' in nab'en, sec matz 'och in mul 'a Dios, sec matz 'och pax in mul 'a eb' wit 'anma'il.

Ro 10:4

A Cristo 'a'jnac lajwc yopiso ley yic Moisés. Yujto tzann̈j mach tzya'ch sc'ojl 'a 'a, wach' eb' 'a sat Dios ticnec.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Ro 14:15

Q'uinloc 'ay junc tas 'ay yowlal sc'uxx yuj jun tzo'n̈oc eb' quit creyenteal. Toto yuj tzqui c'uxu, yuj cha, tzcus eb', toto 'ixta', may qui chamc'ojlalec 'a eb'. Palta a Cristo 'ix cham pax yuj eb' quet'ec. Yuj cha, caw 'ay smay toto tzjuw 'el snab'en eb' yuj junc tas tzqui c'uxc cha.

Ro 9:1

A jun tzo'n̈ 'oj walb't 'ayx tic, caw yel tzwala, yujto 'aych in c'ojl 'a Cristo eyet'oc. Caw man̈ 'esc jun tzo'n̈ 'oj wal tic. A jun in nab'en tzin 'a'n cuenta tic, a tzch'oxni to yel jun tzo'n̈ tic 'oj walb't 'ayex, yujto a Yespíritu Dios tz'a'n mandar in nab'en tic.

1 Co 13:1

Q'uinloc caw jeln tzlaj cutquec qui paxtin 'a sti smasnil 'anma', yet' pax 'a sti eb' ángel. Palta toto may qui chamc'ojlalec, lajn on̈c 'icha junc tinab'. Mto 'icha jun tzo'n̈ q'uen pachb'mb'a yic son, 'ixta on̈ec.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

1 Ti 1:18

Ach Timoteo, chamc'ojlb'ilch wuj 'icha junc wunnal. Tzwalb't jun tzo'n̈ checnb'il tic 'ayach, sec 'oj a munlj 'icha yaj yaln can jun tzo'n̈ eb' o'oj, yic yajx yal eb' yuj Dios. Yuj cha, 'icha junc soldado caw wach' tzyutj sb'a 'a yopiso, 'ixta wal tzotj a'n 'ip a munlj 'a yic Dios. Caw te'n tzotj a b'a a'n 'och a c'ojl 'a 'a. Caw tza tan̈wj a b'a yet' a nab'en 'a smasnil tiempo.

1 Ti 1:19

'Ay eb' man̈xtzac stan̈wj sb'a yet' snab'en. Yuj cha, xwach' juw 'el snab'en eb'. Man̈xtoc tzya'ch eb' 'a sc'ojl ticnec.

1 Ti 3:9

Yowlal caw tzya'ch eb' snab'en 'a jun tzo'n̈ cuynb'il 'ac'b'il yuj Dios, atn jun 'aj tzca'ch qui c'ojol. An̈jtona', yowlal tztan̈wj sb'a eb' yet' snab'en.

2 Ti 1:3

Sc'ual yac'wlil in leslwi o'oj. A yic tzin leslwi 'a junjn 'ejem, tzwa'n pax yuj diosal 'a Dios o'oj. Caw tojl tzwutj in nab'en wa'n servil, 'icha ya'jnac eb' in mam wicham.

2 Ti 1:5

Wojtac, yelc'ojlal tza'ch Cajlil 'a a c'ojol, 'icha sb'ab'l 'utjnac sb'a a nunchichm Loida, yet' a nun Eunice. Wojtac, 'icha yutjnac eb' ya'n 'och sc'ojl 'a Cajlil, 'ixta tzotj pax a b'a jun xo.

2 Ti 2:22

Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 13:18

Leslwan̈c cuj on̈, yujto tzqui na'a, to wach' tzcutj qui nab'en on̈. Tzqui nib'j on̈, caw wach' tzcutj qui b'eyb'al 'a smasnil tiempo on̈.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,

A Sb'ab'el Carta San Pedro 4:8

Ax junx 'oj walb't 'ayx tic, to caw tzlaj qui chamc'ojloquec qui b'a yet' smasnil qui c'ojol. Wach'xam caw niwn smul junc xo mach 'ayn̈ec, toto 'ay qui chamc'ojlalec, 'oj ca'c niwnc'ojlal 'a 'a.

A Schab'il Carta San Pedro 1:7

Caw wach'n̈j tzcutjec pax qui nab'en 'a eb' quit creyenteal, tzqui chamc'ojlanec qui b'a yet' eb'.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

1 Jn 3:23

Atn schecnb'il tic, to tzca'c 'och qui c'ojl 'a Yunnal, atn Jesucristo, tzlaj qui chamc'ojlanc pax qui b'a, 'icha yutjnac yaln can 'ayn̈ec.

1 Jn 3:3

Jantcn̈ej eb' tzya'ch Cristo yipc sc'ojl yuj jun xwal tic, wan swach' tojlb'tzan eb' snab'en, sec caw wach' eb' 'icha Jesucristo.