1 Ti 1:2 - Chuj San Sebastian Bible

² Ach Timoteo, tic tzwa't jun in carta tic 'ayach. Yel 'icha wunnal ach, yujto wu'uj, a'n 'och a c'ojl 'a Cristo. Tzin nib'ej, a qui Mam Dios yet' Cajlil Jesucristo, tzyac' swach'c'ojlal 'ayach. 'O'ch cab' sc'ojl 'ayach, tzya'n pax sjunc'ojlal 'aych ta'.

Chuj San Mateo Bible

² Ach Timoteo, svac'b'at jun in carta tic d'ayach. Icha val vuninal aji, yujto vuuj ix ac'och Cristo d'a a c'ool. Yac'ocab' svach'c'olal co Mam Dios yed' Cajal Jesucristo d'ayach. Oc'ocab' sc'ool d'ayach, yac'ocab' pax sjunc'olal d'ayach ta'.

1 Ti 1:2 Iomraidhean Croise

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Gl 1:3

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

1 Ts 3:2

Ax cu'tac Timoteo tic xqui checb't 'ayex, yujto ya'mal pax servil Dios. Tzyaln 'el wach' 'ab'x yic Cristo quet' on̈. A xit' 'a'nc e te'nal. Xit' ya'nc e nab'enoc, sec tze wach' 'a'j 'och Cristo 'a e c'ojol.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

1 Ti 1:18

Ach Timoteo, chamc'ojlb'ilch wuj 'icha junc wunnal. Tzwalb't jun tzo'n̈ checnb'il tic 'ayach, sec 'oj a munlj 'icha yaj yaln can jun tzo'n̈ eb' o'oj, yic yajx yal eb' yuj Dios. Yuj cha, 'icha junc soldado caw wach' tzyutj sb'a 'a yopiso, 'ixta wal tzotj a'n 'ip a munlj 'a yic Dios. Caw te'n tzotj a b'a a'n 'och a c'ojl 'a 'a. Caw tza tan̈wj a b'a yet' a nab'en 'a smasnil tiempo.

1 Ti 6:20

Ach Timoteo, caw tza tan̈wj tas 'ix 'ajx 'och can 'a yol a c'ab'. 'Ay eb' ton̈j tzcomn paxtin 'a nab'an̈ej. Caw may jac yel'ch tas tzyal eb' tzyalch sb'a jelnal cha. Ach xo, caw man̈ ach paxtinc yet' eb', matz tac' jun tzach 'ec' yet' eb'.

2 Ti 1:2

Ach Timoteo, tic tzwa't jun in carta tic 'ayach. Caw tzach in chamc'ojlej, 'icha to wunnal ach. Ya' cab' qui Mam Dios yet' Cajlil Jesucristo swach'c'ojlal yet' sjunc'ojlal 'ayach. 'O'ch cab' sc'ojl 'aych ta'.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

Tito 1:4

Ach Tito, tic tzwa't jun in carta tic 'ayach. Yel 'icha wunnal ach, yujto wu'uj, tza'n 'och a c'ojl 'a Cristo wet'oc. Ya' cab' qui Mam Dios yet' Cajlil Jesucristo qui Colmal, swach'c'ojlal yet' sjunc'ojlal 'ayach. ['O'ch cab' sc'ojl 'aych ta'].

Tito 2:2

Tzal 'a eb' 'ichmtac winac, to caw te'n tzyutj eb' snab'en. Caw wach' tzyutj sb'a eb', sec wach' 'ay yel'ch eb' 'a sat eb' yit 'anma'il. Yowlal caw tzyac' cuenta sb'a eb'. Caw tzya'ch eb' sc'ojl 'a jun tzo'n̈ cuynb'il caw yel. 'Ay cab' schamc'ojlal eb' 'a eb' yit 'anma'il. Caw te'n tzyutj sb'a eb' yab'n syail.

Tito 3:15

Jantcn̈ej eb' 'ayc' wet' 'a tic, tic tzya't eb' stzatzl a c'ojol. Tzac' stzatzl sc'ojl jantcn̈ej eb' creyente tzon̈ chamc'ojlan ta 'on̈. Ya' cab' Dios swach'c'ojlal 'ayx e masnil ta'. [Ya' cab'i'.]

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

2 Jn 1:3

Tzin nib'ej a qui Mam Dios, yet' Cajlil Jesucristo, atn Yunnal, tzch'ox swach'c'ojlal yet' sjunc'ojlal 'ayx ta'. Yujto cojtquec 'aj 'ay jun cuynb'il caw yel, 'ay pax qui chamc'ojlal.

3 Jn 1:4

A yic tzwab'ni, chajtlto a eb' chajnac Cristo wu'uj, an̈ja sb'eylb'an eb' jun cuynb'il caw yel, yuj cha, caw tzin tzalji. May junc xo 'aj tzjaw in tzaljc'ojlal 'ixta', yujto 'icha to wunnal eb'.

San Judas 1:2

'O'ch cab' sc'ojl Dios 'ayex. Ya' cab' sjunc'ojlal yet' schamc'ojlal 'ayx ta'.