1 Jn 5:11 - Chuj San Sebastian Bible

¹¹ Atn jun tic yaljnac can Dios, to tzyac' qui q'uinlec 'a jun 'ejmn̈ej, to yujn̈ej Yunnal tzya'n qui q'uinlec tic.

Chuj San Mateo Bible

¹¹ Aton jun tic yalnaccan Dios to syac' co q'uinal d'a juneln̈ej. Yujn̈ej Yuninal syac' jun co q'uinal chi'.

1 Jn 5:11 Iomraidhean Croise

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Jn 1:19

A jun 'el, 'ay jun tzo'n̈ eb' israel 'aj Jerusalén, 'ix checn 'at jaywn̈ eb' ya'mal 'och sti eb' 'anma 'a Dios, yet' jaywn̈ eb' yin̈tl Leví. A 'a Juan Bautista, ata xc'och eb'. 'Ix sc'anb'n eb' 'ixtc 'a 'a: —¿Mach ach? xchi eb'.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

Jn 10:28

An tzwac' sq'uinl eb' 'a jun 'ejmn̈ej. Yuj cha, man̈x b'a'n̈ 'oj satl eb'. May junc mach 'oj stac' yi'n 'ec' eb' 'a yol in c'ab'.

Jn 12:50

Wojtac, yuj schecnb'il cha, tztac' schan eb' 'anma sq'uinl 'a jun 'ejmn̈ej. Yuj cha, 'icha yaj yaln in Mam 'ayin; 'ixta tzwutj walni, xchi Jesús.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 19:35

An tic, caw 'ix wil jun tzo'n̈ tic. Yuj cha, tzwa'n testigoal in b'a yu'uj, sec 'oj eya'ch pax 'a e c'ojol. A jun tzo'n̈ tas tzin tz'ib'j can tic, caw yel. An tic, wojtac caw yel tzwala.

Jn 3:36

A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.

Jn 4:36

'Ay eb' 'e'nc xo munljoc 'a scal eb', 'icha junc 'awm 'in̈at. 'Ay pax eb' tzmunlj 'icha junc jach'm 'a scal eb', sec 'oj scha eb' 'anma chi sq'uinl 'a jun 'ejmn̈ej. Ax eb' tzmunlj cha, c'uxn 'oj scha eb' spac jun smunljel cha, sec wach' lajnn̈ej 'oj tzaljc eb' munljum chi smasnil.

Jn 4:4

Yowlal a 'a yol yic Samaria tz'eq'ui yic tz'at cha.

Jn 5:21

Yujto a 'in Mam cha, tztac' ya'n pitzwc pax eb' chamnac, tzya'n sq'uinl eb'. 'Ixta pax in an Yunnaln tic, toto 'ay eb' tzin nib'j tzwac' sq'uinal, 'oj wac'a'.

Jn 5:26

Yujto a 'in Mam, 'ay spoder ya'n sq'uinl eb' 'anma'. Ya'jnac can pax jun spoder chi 'ayn an Yunnaln tic. Yuj cha, an̈jtona 'in, tztac' wa'n pax sq'uinl eb'.

Jn 6:40

An tic, Yunnaln Dios. Yuj cha, jantcn̈ej eb' tz'och q'ueln 'ayin, toto tzin ya'ch eb' 'a sc'ojol, tznib'j in Mam cha, to tzchaj eb' sq'uinl 'a jun 'ejmn̈ej. Yuj cha, an 'oj wac' pitzwc pax chan̈ eb' 'a slajb' c'ual, xchi Jesús 'a eb'.

Jn 6:47

Wal yel tzwal 'ayex, a mach tzin 'a'n 'och 'a sc'ojol, 'ay sq'uinl 'a jun 'ejmn̈ej.

Jn 6:68

Ax Simón Pedro 'ix ta'w 'ixtc 'a 'a: —Mamin, ¿tom 'ay junc mach 'aj 'oj stac' qui 'at yet' on̈? Yujto a jun tzo'n̈ paxti tzal 'ayn̈ tic on̈, ata 'oj qui cha qui q'uinl 'a jun 'ejmn̈ej on̈.

Ro 5:21

'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

1 Ti 1:16

Palta yuj wal cha, x'o'ch sc'ojl Dios 'ayin, sec wu'uj, tzcheclj 'eli chajtlto caw niwn sc'ojl Jesucristo. Yuj cha, an tic ch'oxnb'il waj 'a jantcn̈ej eb' tot 'oj ya'ch sc'ojl 'a 'a, sec tzchaj eb' sq'uinl 'a jun 'ejmn̈ej.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

1 Jn 2:25

Atn Jesucristo ya'jnac can sti 'ayn̈ec, to tzyac' qui q'uinlec 'a jun 'ejmn̈ej.

1 Jn 4:10

A schamc'ojlal tic, caw yel, yujto man̈oc on̈c xqui b'ab'l ch'oxj qui chamc'ojlal 'a 'a. Palta a sb'ab'l ch'oxj schamc'ojlal 'ayn̈ec. 'Ix schec cot Yunnal, xwul ya'nc cham sb'a yic stojn qui mulec.

1 Jn 4:9

Caw sch'ox Dios schamc'ojlal 'ayn̈ec, yujto xchec cot jun c'otn̈ Yunnal chamc 'a yolyib'n̈q'uinl tic, sec tz'ajx qui q'uinlec 'a jun 'ejmn̈ej yu'uj.

1 Jn 5:10

An̈ec tzca'c 'och qui c'ojl 'a Yunnal Dios, cojquec si'mb'il, to yel tzyal Dios yu'uj. Palta ax eb' matz ya'ch xon sc'ojl 'a Yunnal cha, wan yaln eb', to a Dios tzyac' 'es. Yujto matz ya'ch eb' sc'ojl 'a tas tzyal yuj Yunnal.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

1 Jn 5:7

'Ay 'oxwn̈ tzyac' testigoal sb'a yu'uj:

3 Jn 1:12

Ax cu'tac Demetrio, wan yaln eb' smasnil yuj swach'il, yujto chequel to caw tzyiclj jun cuynb'il caw yel. An̈jtona', an̈ tic on̈, tzcal wach'l on̈. Eyojtac a tas tzcal on̈, caw yel.

San Judas 1:21

Caw tzeyil wal e b'a, sec ma'oj eyel 'a schamc'ojlal Dios. Qui tan̈wquec sjaw jun c'u, yic 'oj wach' 'o'ch sc'ojl Cajlil Jesucristo 'ayn̈ec, ax ya'n qui q'uinlec 'a jun 'ejmn̈ej.

Apoc 1:2

Jantcn̈ej jun tzo'n̈ tas 'ix wila, a tzwala. Atn spaxti Dios a tzwala. A jun tzo'n̈ 'oj wal tic, a Jesucristo 'ix yac' testigoal sb'a yu'uj.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.