1 Jn 5:1 - Chuj San Sebastian Bible

¹ An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.

Chuj San Mateo Bible

¹ Tato scac'och d'a co c'ool to a Jesús aton Cristo, yuninal on̈xo Dios syal chi'. Tato sco xajanej junoc anima, an̈ejtona' sco xajanej eb' yuninal jun anima chi'.

1 Jn 5:1 Iomraidhean Croise

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Lc 7:5

yujto caw 'ay schamc'ojlal win 'ayn̈ an̈ israel on̈ tic. 'Ix yac' win b'o jun qui capiya on̈, xchi eb' 'a 'a.

Jn 1:3

A yet' jun chi sb'ojnac can Dios smasnil tas. Yujto a jun chi 'ix mol b'on smasnil yet'oc.

Jn 15:23

Yujto a eb' tzchichn 'och 'ayin, tzchichn pax 'och eb' 'a in Mam.

Jn 3:3

'Ix yaln Jesús 'a win 'ixtic: —Wal yel tzwal 'ayach, a mach matz 'alj pax 'a scha'ejmal, ma'oj stac' yoch 'a yol sc'ab' Dios, xchi.

Jn 6:69

An̈ tic on̈, tox ach ca'ch 'a qui c'ojl on̈. Cojc on̈, [to ach tic, Cristo ach.] Yunnal ach Dios [pitzan], xchi Pedro 'a 'a.

Jn 8:42

—Octom yel a Dios chi e mam. Toto 'ixta', 'ay e chamc'ojlal 'ayin, yujto a 'a Dios chi cotnc in, in jaw 'a tic. Man̈ munoc tzin jawi, yujto a Dios checjnacn coti.

A Tas Sc'ulejnac Eb' Schecab' Jesús Hechos 8:36

Yic wan s'at eb' 'a yol b'e, 'ix c'och eb' 'a jun a a'. 'Ix yaln win 'aj Etiopía chi 'a Felipe 'ixtic: —Yaj jun a 'a tic. ¿Mamtzac stac' tzin a'cn bautisar ticnec? xchi winac.

A Tas Sc'ulejnac Eb' Schecab' Jesús Hechos 8:37

[—Tztac'a, toto smasnil a c'ojol, tza'ch a c'ojl 'a Cristo, xchi 'a winac. —Tzwa'ch 'a in c'ojol, chajtlto a Jesucristo, Yunnal Dios, xchi winac.]

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

1 Jn 2:10

Toto tzqui chamc'ojlejec eb' quit creyenteal, to 'ixta', sacq'uinl xo yaj qui pixnec, may junc tas tztac' sjun 'el qui nab'enec.

1 Jn 2:29

Cojquec xoni to a Jesucristo, caw tojl snab'en. Yuj cha, tznachj pax 'el cujec, toto tojl tzcutjec pax qui nab'en yet'oc, to 'ixta', yunnaln̈ec xo Dios.

1 Jn 3:14

A 'a yic yalan̈, yic on̈c chamel. Ax ticnec, cojquec to x'ajx qui q'uinlec 'a jun 'ejmn̈ej, yujto 'ay qui chamc'ojlalec 'a eb' quit creyenteal. Toto may qui chamc'ojlal 'a eb', an̈ja yic on̈c to chamel.

1 Jn 3:17

Q'uinloc 'ay tas 'ay 'ayn̈ec, ax tzquilnec junc quit creyenteal to caw 'ay tas sc'a'l tz'och yu'uj. Toto matz 'o'ch qui c'ojlec 'a 'a, may jac qui chamc'ojlalec 'a Dios tzyal cha.

1 Jn 3:9

Toto yel yunnaln̈ec xo Dios, man̈x 'oj qui b'eylb'oc maysch'olnil, yujto jelb'ilx qui nab'enec yuj Dios, lajn x'aj 'icha yico'. A ticnec, man̈xtzac stac' qui b'eylb'anec maysch'olnil cha, yujto yunnaln̈ec xo.

1 Jn 4:2

Palta 'oj walb't 'ayex, tas tzcutjec cojcan 'eli, mach eb' yel 'aych Yespíritu Dios 'a 'a. Toto tzyal eb' 'ixtic: A Jesucristo caw yel 'ochnc sniwnal yic swulq'ui, toto xchi eb', atn eb' chi 'aych Yespíritu Dios 'a 'a.

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?

1 Jn 4:7

Ex wu'tac, ex wanb' chamc'ojlb'il wu'uj, caw qui chamc'ojloquec qui b'a, yujto a jun chamc'ojlal, a 'a Dios tzcoti. Toto tzqui chamc'ojlejec qui b'a, to 'ixta', yunnaln̈ec Dios, 'ojcab'ilx cujec.

1 Jn 5:18

Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.

1 Jn 5:4

A jun tzo'n̈ tas maysch'olnil 'a yolyib'n̈q'uinl tic, cannc xo 'a yaln̈ cuj an̈ yunnaln̈ec xo Dios tic. Yujto tzca'c 'och qui c'ojl 'a Dios. Yujn̈ej cha, tztac' ca'nec ganar scan jun tzo'n̈ chi 'a yaln̈ cujec.

1 Jn 5:5

Cojn eb' tzya'ch 'a sc'ojol, to Yunnal Dios Jesús, cojn eb' tztac' scan jun tzo'n̈ maysch'olnil chi 'a yaln̈ yu'uj.