1 Jn 4:9 - Chuj San Sebastian Bible

⁹ Caw sch'ox Dios schamc'ojlal 'ayn̈ec, yujto xchec cot jun c'otn̈ Yunnal chamc 'a yolyib'n̈q'uinl tic, sec tz'ajx qui q'uinlec 'a jun 'ejmn̈ej yu'uj.

Chuj San Mateo Bible

⁹ Ix sch'ox Dios to xajanab'il on̈ yuuj, yujto ix scheccot jun pitan̈ Yuninal, ix ul yac'och sb'a d'a yol sc'ab' chamel d'a yolyib'an̈q'uinal tic, yuj yac'an co q'uinal d'a juneln̈ej.

1 Jn 4:9 Iomraidhean Croise

Gn 22:2

'Ix yaln Dios 'a Abraham 'ixtic: —'Ij 'at jun c'otn̈ win onnal Isaac, win caw chamc'ojlb'il o'oj, tzach 'at 'a lum Moriah. A yic tzach c'och 'a sjolm lum tzaln 'oj in ch'ox 'ayach, tza'n tz'a win xajmb'al-l 'ayin, xchi Dios 'a winac.

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Mr 12:6

Palta 'ay wal jun yunnal win chamc'ojlb'il yu'uj, at 'ix schecb't win 'a slajub'. 'Oj xiw ewin 'a jun wunnal tic, xchi cob' winac.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Jn 10:10

'Ay eb' 'icha junc 'elc'm tzjawi, tzyelc'n eb' smil junc calnelu. Aln tic, tzin jaw wul wac' sq'uinl eb' 'anma 'a jun 'ejmn̈ej, sec wach' caw niwn swach'c'ojlal Dios 'oj scha eb'.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Jn 3:18

A eb' tzin 'a'n 'och 'a sc'ojol, man̈x 'oj 'at eb' 'a yailal. Palta ax eb' matz in 'a'n 'och 'a sc'ojol, 'oj 'ochn̈j yailal 'a yib'n̈ eb'. Yujto cojxn in ton Yunnal Dios in, palta matz in ya'ch eb' 'a sc'ojol.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

Jn 6:29

—A jun tznib'j Dios tze b'o tic. Tznib'ej to tzeya'ch e c'ojl 'ayin, yujto a checjnacn coti, xchi Jesús 'a eb'.

Jn 6:51

An ton tic cotnc in 'a satcha'an̈, 'icha wal in, yujto 'a'm in q'uinl 'a jun 'ejmn̈ej. Yuj cha, a eb' tzwan jun tic, pitzn eb' 'a smasnil tiempo. A jun 'icha wal tzwac' waxoc tic, atn in chib'jal, xchi Jesús 'a eb'.

Jn 6:57

A qui Mam Dios, pitzn 'a smasnil q'uinal. A checjnacn coti. Yu'uj pitzn in jun xo. Yuj cha, a eb' tzchin in chib'jal tic, 'oj wac' pax sq'uinl eb' jun xo.

Jn 8:29

A jun checjnacn cot cha, a 'aych wet'oc. A 'in Mam cha, ma'in yactj can in ch'ocoj, yujto an̈j tas tznib'ej, an̈j tzin b'o 'a smasnil tiempo, xchi 'a ewinac.

Jn 8:42

—Octom yel a Dios chi e mam. Toto 'ixta', 'ay e chamc'ojlal 'ayin, yujto a 'a Dios chi cotnc in, in jaw 'a tic. Man̈ munoc tzin jawi, yujto a Dios checjnacn coti.

Jn 9:3

—A jun winc tic, man̈ yujoc smul smam snun, man̈ yujoc pax smul winac, 'ixta yajcn winac. Yujto a Dios tznib'j tzch'ox junc milagro yet' winac, yuj cha, 'ixtc yaj winac.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

A Ch'an̈ Carta D'a Eb' Hebreo 1:5

Man̈oc 'a junc ángel yaljnac Dios 'ixtic: Ach tic, Wunnal ach. A 'a jun c'u tic, 'ix wac' checljoc 'eli, to Wunnal ach, xchi. A yic yaln Dios junx tic, man̈ yujoc junc ángel yalni, palta yuj Yunnal. Yaln 'ixtic: An 'oj woch mamb'il-l 'a 'a, ax 'oj 'och 'unnab'ilal 'ayin, xchi.

1 Jn 3:16

Cojquec paxi tas yaj schamc'ojlal Dios 'ayn̈ec, yujto ya'jnac cham sb'a Jesucristo cujec. Yuj cha, yowlal 'ixta tzcutjec qui chamc'ojlan eb' quit creyenteal, tzca'nec cab' cham qui b'a yuj eb'.

1 Jn 4:10

A schamc'ojlal tic, caw yel, yujto man̈oc on̈c xqui b'ab'l ch'oxj qui chamc'ojlal 'a 'a. Palta a sb'ab'l ch'oxj schamc'ojlal 'ayn̈ec. 'Ix schec cot Yunnal, xwul ya'nc cham sb'a yic stojn qui mulec.

1 Jn 4:16

Tzca'c 'och 'a qui c'ojol, to a Dios tzon̈ chamc'ojlanec. Caw cojquec jun tic. A Dios 'ayn̈j schamc'ojlal. Yuj cha, toto 'ay qui chamc'ojlal jun xo, junn̈j cajc yet'oc, junn̈j yaj pax quet'ec.

1 Jn 5:11

Atn jun tic yaljnac can Dios, to tzyac' qui q'uinlec 'a jun 'ejmn̈ej, to yujn̈ej Yunnal tzya'n qui q'uinlec tic.

1 Jn 5:13

Ax tzeya'ch e c'ojl 'a Yunnal Dios, a 'ayx tzin tz'ib'j 'at jun tzo'n̈ tic, sec wach' caw tznachj 'el eyu'uj, to 'ay qui q'uinlec 'a jun 'ejmn̈ej.