1 Jn 4:19 - Chuj San Sebastian Bible

¹⁹ 'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.

Chuj San Mateo Bible

¹⁹ Sco xajanej Dios ticnaic, yujto A' ix on̈ b'ab'laj xajanani.

1 Jn 4:19 Iomraidhean Croise

Lc 7:47

Yuj cha, tzwal 'ayach, caw niwn schamc'ojlal jun 'ix tic, yujto caw niwn smul tz'ajx lajwoc. Palta a mach jab' wal smul tz'ajx lajwoc, jab' wal schamc'ojlal tzch'oxo, xchi 'a winac.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

1 Jn 4:10

A schamc'ojlal tic, caw yel, yujto man̈oc on̈c xqui b'ab'l ch'oxj qui chamc'ojlal 'a 'a. Palta a sb'ab'l ch'oxj schamc'ojlal 'ayn̈ec. 'Ix schec cot Yunnal, xwul ya'nc cham sb'a yic stojn qui mulec.

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?