1 Jn 3:14 - Chuj San Sebastian Bible

¹⁴ A 'a yic yalan̈, yic on̈c chamel. Ax ticnec, cojquec to x'ajx qui q'uinlec 'a jun 'ejmn̈ej, yujto 'ay qui chamc'ojlalec 'a eb' quit creyenteal. Toto may qui chamc'ojlal 'a eb', an̈ja yic on̈c to chamel.

Chuj San Mateo Bible

¹⁴ A d'a yalan̈taxo, yic on̈ chamel, axo ticnaic, toxo ix ac'ji co q'uinal d'a juneln̈ej. Cojtac to ix co cha co q'uinal tic yujto sco xajanej co b'a yed' eb' quetcreyenteal. Tato max co xajanej co b'a yed' eb', yic on̈to chamel syal chi'.

1 Jn 3:14 Iomraidhean Croise

1 Jn 5:2

Yuj cha, cojquec, toto wan qui chamc'ojlanec Dios, toto wan qui yiclniec 'icha tzyala, wan qui chamc'ojlanec qui b'a an̈ yunnaln̈ec xo tic.

Jn 13:35

Toto tzlaj e chamc'ojloc e b'a junjn ex, 'oj yojcoc 'el eb' 'anma smasnil, to yel in cuywum ex, xchi Jesús 'a eb'.

1 Ts 4:9

Man̈ yowlalc an tzwalb't 'ayex, tze chamc'ojlan eb' eyit creyenteal. Yujto caw a Dios tz'a'n nachjc 'el eyu'uj, tas tzeyutj e chamc'ojlan e b'a.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

A Ch'an̈ Carta D'a Eb' Hebreo 13:1

Man̈ cactquec can qui chamc'ojlan qui b'a, yujto quit creyentealec qui b'a.

Jn 15:12

A ticnec, 'ay jun checnb'il 'oj walcn 'ayex, to tzlaj e chamc'oljoc e b'a junjn ex, 'icha tzex wutj ex in chamc'ojlani.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

1 Jn 3:23

Atn schecnb'il tic, to tzca'c 'och qui c'ojl 'a Yunnal, atn Jesucristo, tzlaj qui chamc'ojlanc pax qui b'a, 'icha yutjnac yaln can 'ayn̈ec.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Scarta San Pablo D'a Eb' Aj Colosas 1:4

Yujto xcab' eyab'xil on̈, chajtlto xeya'ch e c'ojl 'a Cristo Jesús. Tzcab'n on̈, to caw 'ay e chamc'ojlal 'a jantcn̈ej eb' yic xo Dios yaj quet'ec.

Ef 1:15

Tic 'ix wab'i, chajtlto caw tzeya'ch e c'ojl 'a Cajlil Jesús. 'Ay ab' pax e chamc'ojlal 'a jantcn̈ej eb' yic xo Dios quet'ec.

1 Jn 5:13

Ax tzeya'ch e c'ojl 'a Yunnal Dios, a 'ayx tzin tz'ib'j 'at jun tzo'n̈ tic, sec wach' caw tznachj 'el eyu'uj, to 'ay qui q'uinlec 'a jun 'ejmn̈ej.

Jn 15:17

Atn jun checnb'il tzwalcn 'ayx tic, to tzlaj e chamc'ojloc e b'a junjn ex.

1 Jn 2:3

Toto tzqui yicljec jun tzo'n̈ schecnb'il Dios, to 'ixta', caw cojquec xo Dios cha.

A Schab'il Carta San Pedro 1:7

Caw wach'n̈j tzcutjec pax qui nab'en 'a eb' quit creyenteal, tzqui chamc'ojlanec qui b'a yet' eb'.

Ef 2:5

Yuj cha, wach'xam chamnc on̈c 'a sat yuj qui maysch'olnilal, palta xyac' qui q'uinlec yet' Cristo. Yuj wal swach'c'ojlal Dios tzon̈ colchjec.

2 Co 5:1

A qui niwnalec tic, lajn 'icha junc pat yajn̈ej tzlan̈chji. Palta cojquec, a yic 'oj lajwc 'ec' jun qui niwnalec tic, 'ay junx 'oj yac' Dios 'ayn̈ec 'a satcha'an̈. A jun cha, may b'a'n̈ 'oj lajwoc. Lajn 'icha junc n̈a caw wach' tz'aj sb'o'i, yujto man̈oc junc 'anma b'ojnac.

Salmos 16:3

A eb' yiclum tzyutj sb'a 'a scal eb' a chon̈ab', caw wach' yic eb'. Tzin nib'j tzin 'aj 'a scal eb'.

Ef 2:1

A ticnec, 'ix yac' Dios qui q'uinlec yet' Cristo. A 'a yic yalan̈, chamnc on̈c 'a sat yuj qui mulec, yuj pax qui maysch'olnilal,

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Lc 15:24

Yujto a jun wunnal tic, 'icha to chamnc xo, palta ax ticnec 'icha to xpitzw paxi. Satnc ton 'ati, palta xjapx 'ayin, xchi smam cha. Yuj cha, xya'n 'och eb' sq'uin̈ cha.

Pr 21:16

A mach tzyij can 'el sb'a 'a wach' b'eyb'al, wan s'atcn 'a scal eb' chamnac.

Lc 7:5

yujto caw 'ay schamc'ojlal win 'ayn̈ an̈ israel on̈ tic. 'Ix yac' win b'o jun qui capiya on̈, xchi eb' 'a 'a.