1 Jn 3:1 - Chuj San Sebastian Bible

¹ 'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.

Chuj San Mateo Bible

¹ Naec to te xajan on̈ yuj co Mam Dios, yujto tzon̈ yaloch yuninaloc. Yuninal on̈xo ton jun. A eb' ay d'a yolyib'an̈q'uinal tic, max nachajel-laj yuj eb' tato yuninal on̈xo Dios, yujto maj yojtaquejel Dios eb'.

1 Jn 3:1 Iomraidhean Croise

A Ch'an̈ Schab'l Libro Samuel 7:19

'Ix alni tas 'oj 'aj 'el'ch eb' win̈tl b'aq'uin̈. A jun a ley tzal tic, yic eb' 'anma smasnil.

Salmos 31:19

Caw niwn a wach'c'ojlal tzac' 'a eb' 'ay el'ch 'a 'a. Sat wal eb' 'anma', tza pojn 'ec' a wach'c'ojlal chi 'a scal eb' tzach 'a'n 'och yipc sc'ojol.

Jeremías 3:19

Ex 'aj chon̈b' Israel, caw xin nalb'ej ex wi'n 'och wunnaloc, a lum lum caw nib'b'il tzwac' 'ayex. Cojn jun lum chi caw yel xo wach' yilx 'ay 'a yolyib'n̈q'uinl tic. A 'in nani, to 'oj in eyalch e Mamc 'a smasnil tiempo, man̈x 'oj eyi'l e b'a 'a in tz'ey in nani.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Lc 20:36

Yujto a 'a jun tiempoal cha, man̈x b'a'n̈ 'oj cham eb'. Lajn 'oj 'aj eb' yet' eb' ángel. Caw yunnal xoj Dios eb', yujto 'oj 'ajxc pitzwc pax eb'.

Jn 1:12

Palta ax jantcn̈ej eb' tzchani, eb' tzya'ch sc'ojl 'a 'a, a tzalni to 'ay yaln eb' yic yoch yunnalc Dios.

Jn 11:52

Man̈ yujocn̈ej eb' israel cha, 'ix schami. 'Ix chami, yic tzmolb'tzan jantc eb' Yunnal Dios t'un̈ctac yajcn 'at 'a yolyib'n̈q'uinl tic, sec junxn̈ej 'oj 'aj eb'.

Jn 15:21

C'uxn 'oj laj ya'ch eb' jun tzo'n̈ tic 'a eyib'n̈ wu'uj, yujto man̈ yojcoc eb' jun checjnacn coti.

Jn 16:3

'Ixta 'oj ex yutc eb', yujto man̈ yojcoc eb' in Mam, man̈ in yojcoc pax eb'.

Jn 17:25

Mamin, caw tojl a nab'en. A eb' yic yolyib'n̈q'uinl tic, man̈ ach yojcoc eb'. Aln tic, wojc ach. Ax eb' tic, yojc xo eb' to ach checjnacn coti.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Ro 5:8

Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to.

Ro 8:19

Smasnil jun tzo'n̈ tastc 'ay 'a yolyib'n̈q'uinl tic, caw tztan̈wj eb', tzmaclni eb' b'a'n̈ 'oj qui checlj 'el an̈ yunnaln̈ec xo Dios tic.

Ro 8:21

yujto smasnil jun tzo'n̈ chi 'oj colchjoc 'eli, sec man̈x 'a tas 'oj 'i'noc eb'. 'Icha 'oj cajc qui colchj 'el an̈ yunnaln̈ec xo Dios, ax cajc 'a swach'il, 'ixta 'oj 'aj scolchj pax 'el jun tzo'n̈ xo eb' cha.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Gl 3:29

Yujto yic on̈c xo Cristo, yuj cha, yin̈tl on̈ec xo Abraham yet'oc. Ax jun tas yaljnac can Dios yic ya'n sti', 'oj qui chac quico'oc.

Dt 14:1

An̈ec tic, yunnaln̈ec xo Jehová Dios, man̈ ca'c lajwc qui niwnal yuj junc chamnc 'anma', man̈ qui joxlec xil qui jolm 'a snan̈l qui sat.

A Scarta San Pablo D'a Eb' Aj Colosas 3:3

yujto chamnc on̈c xo yet' Cristo 'a sat Dios. Ax qui q'uinlec, molb'il yet' 'a 'aj junn̈j yaj yet' Dios.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

1 Jn 4:17

'Ixta tz'aj swach' tz'acw qui chamc'ojlalec, sec wach' ax yic 'oj jawc jun c'u yic b'eyc'ojlal, ma'oj qui xiwc 'a sat Dios. Yujto 'icha sb'eyb'al Cristo, 'ixta tzcutjec qui b'eyb'al 'a yolyib'n̈q'uinl tic.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.