1 Jn 1:7 - Chuj San Sebastian Bible

⁷ A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

Chuj San Mateo Bible

⁷ A Dios saquilq'uinal yaji. Yuj chi' tato a saquilq'uinal sco b'eyb'alej, vach' cac'an yed'oc junjun on̈, axo schiq'uil Jesucristo Yuninal, a' tz'ic'anel masanil co chucal ayoch d'ayon̈.

1 Jn 1:7 Iomraidhean Croise

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Salmos 51:2

B'icl in maysch'olnilal, sacb'tzej in 'a scal in mul,

Salmos 56:13

yujto in a col 'a yol sc'ab' chamel, sec matz in 'em yuj eb' 'ajc'ojol. Axn̈ej 'a a sacq'uinlal tzin 'eq'ui, tza'n in q'uinal yic tzin b'eyc' jacx 'a ojltac.

Salmos 89:15

Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.

Salmos 97:11

'Oj yac' sacq'uinl 'a eb' tojl sb'eyb'al, ax ya'n tzaljc'ojlal 'a eb' 'anma wach' snab'en.

Is 2:5

Cotn̈ec ex yin̈tl can Jacob, b'eycoyc 'a sacq'uinlal Jehová.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 6:7

'ix squiln 'och 'a in ti', xyaln 'ayn 'ixtic: A jun stzac'ac' xin quilch 'a a ti tic, a x'i'n can 'el a mul, 'ix 'ajx can lajwc smasnil a tu'al, xchi 'ayin.

Am 3:3

Toto 'ay chawn̈oc 'anma moln sb'eyi, tzyal 'el'chi, to wach' yaj eb'.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Mt 6:12

'Ac' lajwc qui mul on̈, yujto an̈ tic on̈, tzcac' niwnc'ojlal eb' tzlaj 'och smul 'ayn̈ on̈.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 12:35

Yuj cha, xyaln pax 'a eb' 'ixtic: —An tzwac' sacq'uinl 'a e pixan, 'ayn 'ec' 'a e cal ticnec, palta jab'xoj wal tiempo 'ayn 'eq'ui. Caw tze b'o e b'eyb'al, ya' sb'a 'aynto 'ec' jacx eyet'oc. Toto ma'ay, 'oj somchjc 'el e nab'en. 'Icha junc mach tzb'eyc' 'a q'uic'q'uinal, matz uj yiln 'aj tz'ati, 'ixta 'oj eyaji.

Jn 5:4

Yujto 'ay 'aj tzwulc' 'emt jun ángel 'a jun a cha, tzwul ya'n 'ib'xoc a'. An̈j junc tzb'ab'l 'ejm 'a yojl a', an̈j tzb'ox can sc'ojl yuj tzann̈j tas palta yaj 'a 'a.]

Ro 13:12

A jun tiempoal 'aj 'ayn̈ec 'ec' tic, 'icha to 'ac'wal. Ax 'a yic 'oj qui wach' colchjec, 'icha to c'ul 'oj 'ajoc. Palta 'ipn yec' tiempo ticnec, jab'xoj wal 'oj jawc jun c'ul cha. Yuj cha, caw qui wach' 'actquec can qui b'on jun tzo'n̈ tas tzlaj sb'o eb' 'anma q'uic'q'uinl to yaj spixan. 'Icha tzyutj junc soldado ya'n owl yet' jun tzo'n̈ syamc'ab', 'ixta tzcutjec ca'n 'ip 'a yic Dios, yujto sacq'uinl xo yaj qui pixnec.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

Ef 5:8

A 'a yic yalan̈, q'uic'q'uinl to yaj qui pixnec yuj qui b'eyb'al. Al ticnec, sacq'uinl xo yaj qui pixnec, yujto junxn̈ej cajc yet' Cajlil. Yic on̈c xo sacq'uinl ticnec. Yuj cha, yowlal wach' tzcutjec qui b'eyb'al.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

1 Jn 1:3

A jun quiljnac, cab'jnac spaxtin chi 'on̈, a tzcal 'ayx on̈, sec wach' junxn̈ej tzex 'aj quet' on̈. Yujto wal yel junxn̈ej cajc yet' qui Mam Dios. Junxn̈ej cajc pax yet' Yunnal, atn Jesucristo.

1 Jn 1:5

'Oj calb't 'ayx on̈, tas yaljnac can Jesucristo 'ayn̈ on̈. Yaljnac cani, chajtlto a Dios sacq'uinl yaji, may jac q'uic'q'uinl 'a 'a.

1 Jn 5:6

A Jesucristo wulnc 'ec' 'a yolyib'n̈q'uinl tic. Wul ya'jnac bautisar sb'a. 'Elnc pax schiq'uil. Man̈ cojnoc wul ya'jnac bautisar sb'a, palta 'elnc pax schiq'uil. A Yespíritu Dios tzalni, to yel jun tzo'n̈ tic. A Yespíritu cha, caw yel.

1 Jn 5:8

Atn Yespíritu yet' chab' xo tas 'icha testigo. Atn yic yajx bautisar, yet' pax yic yel schiq'uil. A 'oxe tic, lajnn̈ej yutjnac sch'oxni, to a Jesucristo Yunnal Dios.

2 Jn 1:4

Caw wal xjaw in tzaljc'ojlal, yic xwab'ni, to 'ay eb' one wan sb'eylb'an jun cuynb'il caw yel, 'icha yaj yaln can qui Mam Dios 'ayn̈ec.

3 Jn 1:4

A yic tzwab'ni, chajtlto a eb' chajnac Cristo wu'uj, an̈ja sb'eylb'an eb' jun cuynb'il caw yel, yuj cha, caw tzin tzalji. May junc xo 'aj tzjaw in tzaljc'ojlal 'ixta', yujto 'icha to wunnal eb'.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.