1 Jn 1:3 - Chuj San Sebastian Bible

³ A jun quiljnac, cab'jnac spaxtin chi 'on̈, a tzcal 'ayx on̈, sec wach' junxn̈ej tzex 'aj quet' on̈. Yujto wal yel junxn̈ej cajc yet' qui Mam Dios. Junxn̈ej cajc pax yet' Yunnal, atn Jesucristo.

Chuj San Mateo Bible

³ Yuj chi' a jun ix quil chi', jun ix cab' slolon chi', a' scal d'ayex yic vach' junxon̈ej tzex aj a ex tic qued'oc. Yujto d'a val yel vach'xo cac'an yed' co Mam Dios yed' Jesucristo Yuninal.

1 Jn 1:3 Iomraidhean Croise

Job 13:1

Smasnil jun tzo'n̈ tic, caw xcham wal in maclni wila', xcham in maclni pax wab'i'.

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Salmos 22:22

'Oj walcn 'el ab'xil 'a scal eb' wit chon̈ab'; a yic 'ay syamnil eb', 'oj ach in b'itnoc 'a scal eb', ax waln 'ixtic:

Is 66:19

'Ay jun senya 'oj in ch'ox yil eb', 'oj wac' 'elcn jaywn̈oc eb' 'a scal owl cha, ax in checn can 'at eb' 'a jun tzo'n̈ nacion̈ tic: 'Ay eb' 'oj c'och 'a Tarsis, 'a Libia, 'a Lidia, atn jun chon̈b' chi 'aj caw jeln eb' 'anma sjulwji. 'Ay pax eb' 'oj c'och 'a Tubal, 'a Grecia yet' 'a jun tzo'n̈ chon̈b' 'ay 'a sti a mar. A eb' 'anma cha, may 'aj tzyab' eb' in b'inaxi, may pax 'aj tzyil eb' in poder. A 'a jun tzo'n̈ nacion̈ xwal tic, ata 'oj wac' yal-l eb' 'anma chi wab'xil.

Nm 10:32

Toto tzach 'at quet' on̈, a tas wach' 'oj yac' Jehová 'ayn̈ on̈, 'oj cac' pax ec quet' on̈, xchi Moisés.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

Jn 17:21

Tzin c'an 'ayach, sec junxn̈ej 'oj 'aj snab'en eb' smasnil. Mamin, junn̈j in et'oc, junn̈j ach pax wet'oc. Comnoc 'icha caji, 'ixta 'oj 'aj eb', junn̈j tz'aj eb' quet'oc. Toto 'ixta', ax eb' 'anma 'a yolyib'n̈q'uinl tic, 'oj ya'ch eb' 'a sc'ojol, to ach checjnacn coti.

Jn 17:25

Mamin, caw tojl a nab'en. A eb' yic yolyib'n̈q'uinl tic, man̈ ach yojcoc eb'. Aln tic, wojc ach. Ax eb' tic, yojc xo eb' to ach checjnacn coti.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Jn 19:35

An tic, caw 'ix wil jun tzo'n̈ tic. Yuj cha, tzwa'n testigoal in b'a yu'uj, sec 'oj eya'ch pax 'a e c'ojol. A jun tzo'n̈ tas tzin tz'ib'j can tic, caw yel. An tic, wojtac caw yel tzwala.

A Tas Sc'ulejnac Eb' Schecab' Jesús Hechos 13:32

'Ixta on̈ pax an̈ tic on̈, wan caln pax 'el jun wach' 'ab'x tic 'ayx on̈, chajtlto a Dios ya'jnac can sti 'a eb' qui mam quichmec.

A Tas Sc'ulejnac Eb' Schecab' Jesús Hechos 13:41

Ex b'uchwjum, 'iltec. Sat cab' e c'ojl eyilni, ax e chami. Yujto 'ayx 'ec' 'a in nab'en tas 'oj in b'o 'a e cal 'a jun tiempoal tic, palta ma'oj e cha eyab'i' yic 'oj alxoc 'ayex, xchi Dios 'a Ch'an̈ U'un̈, xchi Pablo 'a eb'.

A Tas Sc'ulejnac Eb' Schecab' Jesús Hechos 2:42

Caw xya'ch eb' snab'en 'a jun tzo'n̈ cuynb'il xyac' eb' schecb' Jesús. Junxn̈ej xlaj yutc eb' snab'en smasnil. Tzyamn sb'a eb', yic tzleslwi eb'. Tzwan eb' 'ixm pan, yic snanb'il cot Cajlil.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

A Tas Sc'ulejnac Eb' Schecab' Jesús Hechos 4:20

Yuj cha, toxn matz tac' cactn can caln 'el yab'xil tas xquil on̈, yet' tas xcab' on̈, xchi eb'.

Ro 15:27

'Ix 'el 'a sc'ojl eb', to xyac' eb' jun ofrenda cha. Caw wach' 'ixta', yujto 'icha to 'ay sb'oc eb' 'a eb' 'aj Jerusalén cha. Yujto a eb' israel cha, a eb' colwjnac 'a eb' man̈ israeloc chi 'a yic espiritual. Yuj cha, a eb' man̈ israeloc cha, 'ay yaln eb' yic scolwj pax yet' yofrenda 'a eb' israel cha.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

1 Co 1:9

A Dios tz'a'n 'el'choc jantcn̈ej tas tzyala. A 'on̈ 'awtnec 'och yico'oc, sec 'ay calnec quic yet' Yunnal, atn Cajlil Jesucristo.

1 Co 15:1

Al ticnec, ex wu'tac, ex wanab', tzin nib'j tze na cot jun wach' 'ab'x yic colnb'il waljnac 'ayex. A jun 'ab'x tic, e chajnac xo, caw te'n exx 'a ticnec.

2 Co 13:14

Ya' cab' Cajlil Jesucristo swach'c'ojlal 'ayex, tzya'n pax Dios schamc'ojlal 'ayex. 'Aychn̈ej cab' Yespíritu Dios eyet'oc. [Ya' cab'i'.]

Ef 3:6

Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.

A Scarta San Pablo D'a Eb' Aj Filipos 1:7

Caw smoj tzin na jun tzo'n̈ tic eyuj e masnil, yujto caw tzex in chamc'ojlej. Wach'xam 'aynto 'och 'a preso tic, wach'xam tzin c'och 'a yojltac eb' yajal, yic tzwalni chajtlto caw yel jun wach' 'ab'x tic, palta junn̈j tzeyutj e chan swach'c'ojlal Dios wet'oc.

A Scarta San Pablo D'a Eb' Aj Filipos 2:1

A Cristo tzon̈ jucb'tzanec. Tzya'n sniwnal qui c'ojlec, 'ay schamc'ojlal 'ayn̈ec. Junxn̈ej tzon̈ 'ajc yet' Yespíritu ticnec. A tz'a'n qui chamc'ojlalec, sec tz'o'ch qui c'ojlec 'a eb' quit 'anma'il.

A Scarta San Pablo D'a Eb' Aj Filipos 3:10

Tzin nib'ej, tzin wach' 'ojquej 'el Cristo, sec a spoder yic xpitzw paxi, a tzyac' 'ayin. Tzin nib'j lajnn̈ej tzwutj wab'n syal yet'oc. Tzin nib'j 'icha x'aj schami, 'ixta tzin 'aj in cham jun xo.

A Scarta San Pablo D'a Eb' Aj Colosas 1:13

Yujto a on̈ colnec can 'elt 'a yol sc'ab' q'uic'q'uinal, on̈ yi'nec 'och 'a yol sc'ab' Yunnal, atn jun chamc'ojlb'il yu'uj.

1 Ts 1:10

An̈jtona', tzyaln pax eb', chajtlto wan e tan̈wni yemx wul Yunnal Dios 'a satcha'an̈, atn Jesús. A Dios, 'a'jnac pitzwc pax 'a scal eb' chamnac. Atn tzon̈ colnec can 'el 'a yol sc'ab' jun niwn yailal 'oj jawc yuj yowl sc'ojl Dios.

1 Ti 6:2

Toto 'ay eb' 'aych mosoal 'a junc yit creyenteal, wach'xam creyente junc spatron̈ eb' cha, niwn cab' yel'ch 'a eb'. Yel xo wal wach' tzyutj eb' smunlj 'a 'a, yujto creyente spatron̈ eb' cha, chamc'ojlb'il yuj Dios yet' eb'. Tzcham aln jun tzo'n̈ checnb'il tic 'a eb' ta', tza cuyn eb' 'a 'a.

A Ch'an̈ Carta D'a Eb' Hebreo 2:12

'Ixtc yaj yaln 'a Smam 'a Ch'an̈ U'un̈: 'Oj wal-l ab'xil 'a scal eb' wit chon̈ab', a yic 'ay syamnil eb' yic tzyaln sb'a eb' 'ayach, 'oj ach in b'itnoc 'a scal eb', xchi.

A Ch'an̈ Carta D'a Eb' Hebreo 3:1

Ex wu'tac, ex wanab', yic ex xo Dios wet'oc, yujto a 'awtjnacn̈ec 'och yico'oc. Yuj cha, caw tze wach' 'a'j 'och e nab'en 'a Cristo Jesús, yujto schecb' Dios yaj 'ayn̈ec. An̈j tz'a'n 'och qui ti 'a jun 'aj tzcalc qui b'a.

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

A Schab'il Carta San Pedro 1:16

Caljnacx can 'ayx on̈, chajtlto caw 'ay spoder Cajlil Jesucristo, to yowlal 'oj jawc pax 'a scha'ejmal. Palta a jun tzo'n̈ cha, man̈ comn paxti'oc. Man̈ munoc xqui na 'a qui jolm on̈. Yujto a Cajlilec, caw quiljnac yet' qui sat on̈, chajtlto man̈ jantcoc swach'il.

1 Jn 1:1

Tic tzqui tz'ib'j 'at 'ayx on̈, yuj jun mach spaxti Dios sb'i, atn jun tz'a'n qui q'uinlec 'a jun 'ejmn̈ej. Yic mant 'a yolyib'n̈q'uinl tic, 'ayc' xoni. An̈ tic on̈, caw cab'jnac spaxtin on̈. Quiljnac yet' qui sat on̈. Caw 'ochnc on̈ q'ueln 'a on̈, qui yamjnac pax yet' qui c'ab' on̈.

1 Jn 1:5

'Oj calb't 'ayx on̈, tas yaljnac can Jesucristo 'ayn̈ on̈. Yaljnac cani, chajtlto a Dios sacq'uinl yaji, may jac q'uic'q'uinl 'a 'a.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.