1 Jn 1:2 - Chuj San Sebastian Bible

² A jun 'aj q'uinl cha, checljnac 'eli. Quiljnac on̈. Yuj cha, tzca'n testigoal qui b'a yuj on̈. Tzcaln pax 'ayx on̈, to a tz'a'n qui q'uinlec 'a jun 'ejmn̈ej. A jun cha, 'ayc' xon yet' qui Mam Dios, palta wulnc 'ec' 'a qui cal on̈.

Chuj San Mateo Bible

² A jun tz'ac'an co q'uinal chi', ix ch'oxchaj quila', ix quilanoch a on̈ tic, yuj chi' scac' testigoal co b'a yuuj, scalanpax eyab'i to a tz'ac'an co q'uinal d'a juneln̈ej. A jun chi', aytaxon ec' yed' Dios, palta ix ch'oxji d'ayon̈.

1 Jn 1:2 Iomraidhean Croise

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

Jn 10:28

An tzwac' sq'uinl eb' 'a jun 'ejmn̈ej. Yuj cha, man̈x b'a'n̈ 'oj satl eb'. May junc mach 'oj stac' yi'n 'ec' eb' 'a yol in c'ab'.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 15:27

An̈jtona', 'ixta 'ex, 'oj eyac' pax testigoal e b'a wu'uj, yujto jun 'e'nc ex wet'oc yictax yel yich in munljel tic.

Jn 16:28

Yel, a 'a qui Mam Dios cotnc in, in jaw 'a yolyib'n̈q'uinl tic. A ticnec, 'oj wactc can pax yolyib'n̈q'uinl tic, ax in pax q'ue 'a 'aj 'ay qui Mam Dios cha, xchi 'a eb'.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Jn 17:5

A 'a yic mantzac b'o yolyib'n̈q'uinl tic, 'ayn 'ec' et' 'a 'aj 'ay qui wach'il. Al ticnec Mamin, chaj in pax q'ue et' 'a 'aj 'ay qui wach'l cha, 'icha xon waj et'oc.

Jn 19:35

An tic, caw 'ix wil jun tzo'n̈ tic. Yuj cha, tzwa'n testigoal in b'a yu'uj, sec 'oj eya'ch pax 'a e c'ojol. A jun tzo'n̈ tas tzin tz'ib'j can tic, caw yel. An tic, wojtac caw yel tzwala.

Jn 21:14

A Jesús cha, yoxlal xo sch'oxn sb'a 'a eb' scuywum cha, yic 'ix pitzw pax 'a scal eb' chamnac.

Jn 3:13

May junc mach 'ix xit' q'ue 'a satcha'an̈. Palta an tic, ata cotnc in, yujto 'Ochnc in 'Anma'il, 'aj satchan̈ in.

Jn 7:29

An xo tic wojtac, yujto ata cotnc in. A checjnacn coti, xchi 'a eb'.

Jn 8:38

A tas wiljnac yet' in Mam, a tzwal 'ayex. Ax xo tic, chuc jun e mam wan e b'on tas tzyal 'ayex, xchi Jesús 'a eb'.

A Tas Sc'ulejnac Eb' Schecab' Jesús Hechos 10:41

Palta ma'ix sch'ox sb'a 'a smasnil 'anma'. Cojxn 'ayn̈ on̈, ata sch'ox sb'a, yujto yictax pecti', sic'b'iln̈ xon 'el yuj stestigooc on̈. On̈ wa pax yet' on̈, yic tox 'ix pitzw pax 'a scal eb' chamnac.

A Tas Sc'ulejnac Eb' Schecab' Jesús Hechos 2:32

A Jesús tic, a Dios x'a'n pitzwc paxi. Qui masnil on̈, tzca'ch qui b'a testigoal yuj jun tic, yujto xquil on̈.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

A Tas Sc'ulejnac Eb' Schecab' Jesús Hechos 5:32

An̈ tic on̈, caw tzcac' testigoal qui b'a yuj jun tzo'n̈ tzcal 'ayx tic on̈. An̈jtona', 'ixta pax Yespíritu Dios, tzyac' pax testigoal sb'a quet' on̈. A Dios tz'a'n Yespíritu tic 'a jantcn̈ej mach tzyiclni tas tzyala, xchi eb'.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Gl 4:4

Palta a yic xc'och stiempoal, ya'n cot Dios Yunnal, wul 'aljnac 'el 'a jun 'ix 'icha tzon̈ 'aj calj an̈ 'anman̈ec tic. Wul ya'jnac 'och sb'a israelal. 'Ajxnac mandar yuj jun ley yic Moisés.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

2 Ti 1:10

At yic swulc' qui Colmal Jesucristo, atta 'ix checlj 'el swach'c'ojlal Dios 'ayon̈. A Jesucristo x'a'n lajwc spoder chamel. Yuj jun wach' 'ab'x yic colnb'il, xcheclj 'eli, to a tz'a'n qui q'uinl 'a jun 'ejmn̈ej. Yuj cha, man̈x 'a yel'ch chaml 'ayn̈ ticnec.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

1 Jn 1:1

Tic tzqui tz'ib'j 'at 'ayx on̈, yuj jun mach spaxti Dios sb'i, atn jun tz'a'n qui q'uinlec 'a jun 'ejmn̈ej. Yic mant 'a yolyib'n̈q'uinl tic, 'ayc' xoni. An̈ tic on̈, caw cab'jnac spaxtin on̈. Quiljnac yet' qui sat on̈. Caw 'ochnc on̈ q'ueln 'a on̈, qui yamjnac pax yet' qui c'ab' on̈.

1 Jn 2:25

Atn Jesucristo ya'jnac can sti 'ayn̈ec, to tzyac' qui q'uinlec 'a jun 'ejmn̈ej.

1 Jn 3:5

Cojquec xo, yuj yi'n 'el Jesucristo qui mulec, swulc' 'a yolyib'n̈q'uinl tic. A Jesucristo cha, caw may jac smul.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

1 Jn 4:14

An̈ tic on̈, caw quiljnac Yunnal Dios on̈. Yuj cha, tzca'n testigoal qui b'a on̈, chajtlto a qui Mam Dios, a 'a'jnac cot Yunnal chi wul scolnc 'el eb' 'anma 'a yolyib'n̈q'uinl tic.

1 Jn 4:2

Palta 'oj walb't 'ayex, tas tzcutjec cojcan 'eli, mach eb' yel 'aych Yespíritu Dios 'a 'a. Toto tzyal eb' 'ixtic: A Jesucristo caw yel 'ochnc sniwnal yic swulq'ui, toto xchi eb', atn eb' chi 'aych Yespíritu Dios 'a 'a.

1 Jn 5:11

Atn jun tic yaljnac can Dios, to tzyac' qui q'uinlec 'a jun 'ejmn̈ej, to yujn̈ej Yunnal tzya'n qui q'uinlec tic.

1 Jn 5:13

Ax tzeya'ch e c'ojl 'a Yunnal Dios, a 'ayx tzin tz'ib'j 'at jun tzo'n̈ tic, sec wach' caw tznachj 'el eyu'uj, to 'ay qui q'uinlec 'a jun 'ejmn̈ej.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.