1 Cr 9:3 - Chuj San Sebastian Bible

³ A 'a Jerusalén 'ix can cajn jayc'aj eb' israel, atn eb' yin̈tl Judá, Benjamín, Efraín yet' Manasés.

Chuj San Mateo Bible

³ A d'a Jerusalén ix can cajan eb' yin̈tilal Judá, eb' yic Benjamín, eb' yic Efraín yed' eb' yic Manasés.

1 Cr 9:3 Iomraidhean Croise

1 Cr 8:28

Atn eb' tic, yajl yaj 'a yib'n̈ eb' yin̈tl cajn 'a Jerusalén.

1 Cr 9:4

A eb' yin̈tl Judá cha, 'ay 690 eb' winc 'a smasnil. A 'a eb' yin̈tl Fares win yunnal Judá, a Utai yunnal Amiud, 'aych yajlil 'a scal eb', yet' jun tzo'n̈ xo eb' smam yichm 'a stzolil: atn Omri, Imri, Bani, atn eb' yin̈tl Fares win yunnal Judá. A 'a scal eb' yin̈tl Sela yunnal Judá, a Asaías, a b'ab'l 'unnab'il yaj 'a scal eb', yajl yaj 'a yib'n̈ eb' yican. A 'a scal eb' yin̈tl Zera win yunnal Judá, a Jeuel 'aych yajlil 'a yib'n̈ eb' yican.

2 Cr 11:16

Ax pax jun tzo'n̈ xo eb' caw yel 'aych wal 'a snab'en yaln sb'a 'a Jehová sDiosal smam yicham, 'ix 'och tza'n eb' yuj eb' levita, 'ix jaw eb' 'a Jerusalén yic tzya'n eb' xajmb'al 'a 'a.

2 Cr 30:11

Palta 'ay jaywn̈ eb' 'a yin̈tl Aser, yin̈tl Manasés yet' eb' yic Zabulón, 'ix yij 'ejm sb'a eb' 'a Dios, 'ix jaw eb' 'a Jerusalén.

Nehemías 11:1

A eb' yajl 'a jun nacion̈ tic, 'ix can cajn eb' 'a Jerusalén; ax jaywn̈ xo eb' chon̈ab', xya'ch eb' suerte, sec wach' a junc n̈al 'a junjn lajn̈e n̈ail, tz'at cajn 'a Jerusalén, atn jun chon̈b' yic Dios yaji. Ax junx b'aln̈e n̈ail, tzcancn 'a jun tzo'n̈ xo chon̈b' 'a b'esan.