A Ch'an̈ B'ab'el Libro Samuel 9:5 - Chuj San Sebastian Bible

⁵ Ax yic xc'och eb' 'a yol yic lum Zuf, 'ix yaln Saúl 'ixtc 'a jun smoso ajun yet' cha: —'Oj qui meltzj 'a jun lugar tic, yujto wan am sat sc'ojl in mam 'a e no b'uru cha, wan scus win cu'uj, xchi.

Chuj San Mateo Bible

⁵ Axo ix c'och vin̈ d'a yol smacb'en Zuf, ix yalan vin̈ d'a vin̈ schecab' chi': —Con̈ meltzaj d'a tic, axo ta tz'aji, svach' och vin̈ in mam d'a ilc'olal cuuj d'a yichan̈ noc' b'uru chi', xchi vin̈.

A Ch'an̈ B'ab'el Libro Samuel 9:5 Iomraidhean Croise

Mt 6:25

Yuj cha, tzwal 'ayex, man̈ ex 'och 'il yuj e tzatzl 'a tic, yuj tas 'oj e c'uxu', mto yuj tas 'oj eyuc'; man̈ e na yuj e pichl tzeya'chi. A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxom wal qui pichlec, ¿tom ma'oj yac'a'?

Mt 6:28

Yuj cha, ¿tas yuj tzex 'och 'il yuj e pichul? 'Iltec tz'aj sq'uib' snun jun tzo'n̈ nichte 'a scalte'. A jun tzo'n̈ cha, matz munlji, may tas tzch'alej.

Mt 6:34

Yuj cha, man̈ ex 'och 'il yuj tas eyaj q'uic'an. Yujto man̈ eyojcoc tas 'oj jawc q'ui'n cha, matz tac' tze na yu'uj. Colb'iln̈ej tzqui nac yuj tas tzjaw 'a quib'n̈ec 'a junjn c'u.

Lc 12:11

A yic 'oj eyijx 'at 'a jun tzo'n̈ capiya, mto 'oj eyijx 'at 'a yojltac ewin juez, mto ewin yajal, man̈ ex 'och 'il yuj tas 'oj eyutc e pacn 'a eb', man̈ e na yuj tas 'oj eyala'.

Lc 12:22

Xlajw cha, xyaln Jesús 'a eb' scuywum 'ixtic: Tzwal 'ayex, man̈ ex 'och 'il yuj e tzatzil, yet' yuj tas 'oj e c'uxu'. Man̈ e na pax yuj e pichl tzeya'chi.

A Ch'an̈ B'ab'el Libro Samuel 1:1

A 'a chon̈b' Ramataim 'a yol slum eb' yin̈tl Efraín, ata cajn jun winc Elcana sb'i. Yunnal win Jeroham, yixchicn Eliú, schab'l 'ichicn win Tohu, win yunnal Zuf cajn 'a scal eb' yic Efraín.

A Ch'an̈ B'ab'el Libro Samuel 10:2

A ticnec a yic 'oj qui pojn can qui b'a et' tic, 'oj 'ilchjoc chawn̈ winc e yuj 'a stz'ey 'aj mucb'il 'ix Raquel 'a chon̈b' Selsah 'a yol yic Benjamín. A eb' 'oj alnc 'ayex, chajtlto tox 'ix 'ilchj e no b'uru tze sayc' cha. A 'a mam man̈x 'ayc 'och 'a somc'ojlal yuj e no', palta to 'aych 'a somc'ojlal oj ach tic, tzyaln 'ixtic: ¿Tas 'oj 'aj yilchj win wunnal chi wu'uj? xchi.