A Ch'an̈ B'ab'el Libro Samuel 9:12 - Chuj San Sebastian Bible

¹² —N', atn 'a tic cajn winac, yaj win 'a eyojltac 'at cha. C'olc eyip toq'ue 'ayt 'ec' winac. At wal sjaw 'a yol chon̈b' tic, yujto 'ay xajmb'al eb' 'anma tic 'oj yac' 'a lum tzaln yic 'emmquilal.

Chuj San Mateo Bible

¹² Ix tac'vi eb' ix: —Ayec' vin̈ d'a eyichan̈b'at chi', palta tato tze pil val jab'ocxo eyip olto ilchaj vin̈ eyuuj. Toto val sjavi vin̈ d'a yol chon̈ab' tic yujto ay q'uin̈ ol och d'a tzalan b'aj tz'och ejmelal.

A Ch'an̈ B'ab'el Libro Samuel 9:12 Iomraidhean Croise

Gn 31:54

Sb'on Jacob jun xajmb'al 'a sjolm jun tzaln cha, xyawtn cot eb' yican wac yet'oc. Xwa eb' smasnil, ax 'a sjolm jun tzaln chi x'ec' 'ac'wl yuj eb'.

1 Cr 16:39

An̈jtona pax Sadoc yet' eb' yit ya'mal 'och sti eb' 'anma 'a Dios, 'ix 'och pax yopiso eb' yil yoch 'emmquilal 'a Jehová 'a smantiado 'a Gabaón.

A Ch'an̈ B'ab'el Libro Samuel 10:5

'Oj lajwc cha, ax e c'och 'a Gabaa 'aj tzyal sb'a eb' 'anma 'a Dios. Ata 'ay yet'l junc'aj eb' soldado filisteo ta'. Ax yic 'oj eyoch 'a yol chon̈b' cha, 'oj 'ilchjoc jun tzo'n̈ eb' schecb' Dios eyu'uj, xoj sb'itn eb', wan spax 'emt eb' 'a 'aj tz'och 'emmquilal 'a Dios. B'ab'l eb' tzyucn salterio, pandero, amay yet' arpa.

A Ch'an̈ B'ab'el Libro Samuel 16:2

—¿Tas wal tzin 'aj in 'ati? Toto tzyab' Saúl jun tic, caw tzin smil chamoc, xchi Samuel cha. 'Ix ta'w Jehová 'ixtc 'a 'a: —'Ij 'at junc no cob's wacx et'oc, tzaln 'a eb' 'aj Belén 'ixtic: To tzin jaw wul wac' in xajmb'al 'a Jehová, xa chi 'a eb'.

A Ch'an̈ B'ab'el Libro Samuel 2:35

Ax wa'n can 'och junc xo ya'mal 'och sti eb' 'anma 'ayin, atn junc win yiclum tzyutj sb'a 'ayn 'icha tzin nib'ej. 'Oj wac' najtxb'oc yopiso eb' yin̈til, ax wa'n yopiso yet' jun win rey 'oj in si'li.

A Ch'an̈ B'ab'el Libro Samuel 20:6

Toto tzin sc'anb'j a mam chi 'ayach, tzal 'a 'ixtic: Caw wal xtew 'och David 'ayin, sc'ann 'at sb'a yic tz'at 'a schon̈b' 'a Belén, yujto a smasnil eb' yican, 'oj yac' eb' xajmb'al yic junjn ab'il ta', xchi 'ayin, xa chi.

A Ch'an̈ B'ab'el Libro Samuel 7:17

Tzlajw cha, tzmeltzj 'a chon̈b' Ramá, yujto ata 'ay yatut. A pax ta 'ay sdespacho yic tzb'onyaj eb' yit chon̈ab'. Ata sb'o pax jun yet'l xajmb'al yic Jehová.