A Ch'an̈ B'ab'el Libro Samuel 8:7 - Chuj San Sebastian Bible

⁷ 'Ix ta'w Jehová 'a win 'ixtic: Chaj ab' tas tzyal eb' 'anma tic, yujto man̈oc ach tzach spatquilj can 'el eb', palta to a 'in, sec man̈xtzac wac' yajlil 'a yib'n̈ eb'.

Chuj San Mateo Bible

⁷ Ix tac'vi Jehová chi' d'a vin̈: C'anab'ajej masanil tas sc'an eb' chon̈ab' chi', yujto man̈oc ach tzach spatiquejel eb', palta a in, yujto man̈xa sgana eb' svac' yajalil d'a yib'an̈.

A Ch'an̈ B'ab'el Libro Samuel 8:7 Iomraidhean Croise

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Is 66:4

Yuj cha, tox xin na'a tas yailal 'oj wac' jawc 'a yib'n̈ eb', a tas c'un xiw eb' yu'uj, a chi 'oj wac' jawc 'a yib'n̈ eb'. Yujto xcob' wawtc eb', palta ma'ix ta'w eb' 'ayin. In cob' 'awjoc 'a eb', palta ma'ix stz'ac eb' yab'i'; a tas matz in nib'ej, a chi sb'o eb', xchi Dios.

Jeremías 34:14

to a 'a junjn yuctquil ab'il, tzeya'n 'el eb' e moso 'a libre, atn eb' eyit israelal, eb' tzchon̈ch sb'a e mosooc, eb' tox ex 'a'n servil waque'oc ab'il. Palta a eb' e mam eyichm cha, ma'ix schaj eb' yab' tas waljnac, caw ma'ix syiclj eb'.

Ez 2:3

'Ix yaln 'ixtc 'ayin: Ach 'anma', an tzach in checb't 'a eb' et israelal. A jun tzo'n̈ 'anma cha, caw wal pit eb', 'ix 'och eb' 'ajc'ojlal 'ayin. 'Icha wal yutjnac sb'a eb' e mam eyichm 'a pecti', 'ixta tz'ajch pax eb' 'ajc'ojlal 'ayn ticnec.

Ez 3:7

Palta a eb' et israelal cha, ma'oj snib'c eb' yab' tas 'oj ala', yujto matz nib'j xon eb' yab' tas tzwala. A smasnil eb' et chon̈b' cha, caw wal pit eb', caw tzatz pax snab'en eb'.

Nm 22:20

Ax 'a jun 'ac'wl cha, 'ix sch'oxn sb'a Dios 'a Balaam, 'ix yaln 'a 'ixtic: —Toto ojn̈ej 'ix japx jun tzo'n̈ winc cha, q'uen̈ wa'an tztac' a 'at yet' eb', palta cojn tas 'oj wal 'ayach, a chi tz'at a b'o', xchi.

Mt 10:40

A eb' tzex chani, an tzin schaj eb'. Ax eb' tzin chan cha, wan schan pax eb' jun checjnacn coti.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

Jn 13:16

Wal yel tzwal 'ayex, may junc moso 'ec'b'al yel'ch 'a yib'n̈ spatron̈. 'Ixta pax eb' checab', may junc eb' 'ec'b'al 'a yib'n̈ jun tzchecn eb' cha.

Jueces 8:23

'Ix ta'w Gedeón 'a eb' 'ixtic: —Man̈oc in 'oj wac' yajlil 'a eyib'an̈, man̈oc pax eb' wunnal b'aq'uin̈, palta a Jehová 'oj yac' yajlil 'a quib'n̈ec.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.

A Ch'an̈ B'ab'el Libro Samuel 12:1

'Ix yaln Samuel 'ixtc 'a smasnil eb' chon̈b' cha: —An tic, 'ix in b'o smasnil tas xe c'an 'ayin, yuj cha, xwa'n can 'och jun e reyl tic.

A Ch'an̈ B'ab'el Libro Samuel 12:12

A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji.

A Ch'an̈ B'ab'el Libro Samuel 8:22

'Ix ta'w Jehová 'a Samuel 'ixtic: —Chaj ab' tas tzyal eb' cha, 'a'ch can junc sreyl eb', xchi. Xlajw cha, xyaln Samuel 'a eb' 'ichm winc cha, to tzpax junjn eb' jaye'oc c'u 'a schon̈b' 'aj xcoti.

A Ch'an̈ B'ab'el Libro Samuel 8:8

'Icha wal yutjnacn eb' yic wi'n 'elt eb' 'a Egipto masnto ticnec, in yactj can eb', ax 'a jun tzo'n̈ comn dios 'aj xlaj yac' 'ejm sb'a eb', 'ixta wal tzach yutj eb' ticnec.