A Ch'an̈ B'ab'el Libro Samuel 7:10 - Chuj San Sebastian Bible

¹⁰ Ya' sb'a wanto stz'a no xajmb'al cha, ax eb' filisteo 'ix jaw eb' muc'uc yic tzya'n eb' owl yet' eb'. Ax Jehová 'ix 'a'n sma' sb'a c'u 'a yib'n̈ eb', 'ix xiw chan̈ eb' 'ajc'ojl cha, 'ix 'at eb' 'elc 'a yojltac eb' israel.

Chuj San Mateo Bible

¹⁰ Ayic van yac'an silab' chi' vin̈, a eb' filisteo van sjavi eb' yac' oval yed' eb' israel chi', axo Jehová te chaan̈ ix ac'an mac'vaj c'u d'a yichan̈ eb' filisteo chi', yuj chi' ix xivq'ue eb', ix el lemnaj eb' d'a eb' israel chi'.

A Ch'an̈ B'ab'el Libro Samuel 7:10 Iomraidhean Croise

Salmos 18:15

'Ix checlj chan̈ yich a mar o'oj, ax sb'achnub'al yaln̈ yolyib'n̈q'uinal 'ix 'ilxi, yujto caw 'ip ach 'awj Mamin Jehová, caw ow pax jun 'ic' 'ix a' coti.

Salmos 29:3

Tz'ab'x yol sjaj Jehová 'a yib'n̈ a mar; a jun Dios to b'inab'il, a tz'a'n c'an̈ c'u 'a yib'n̈ a niwc mar.

Salmos 29:4

Caw wal 'ay yip yol sjaj Jehová, caw tzsat qui c'ojlec cab'ni.

Salmos 78:66

'Ix satn 'el eb' 'ajc'ojl yajch 'a 'a, x'at eb' 'elc yu'uj, 'ix ya'n q'uixwc 'el eb' 'a jun 'ejmn̈ej.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

Dt 28:7

A eb' 'ajc'ojl yajch 'ayex, a Jehová 'oj 'a'nc 'och eb' 'a yol e c'ab', yic 'oj ya'nc cob' eb' owl eyet'oc. Caw stzol-l 'oj 'aj eb' scot 'ayex, palta caw sactzicnac 'oj 'aj eb' s'at 'elc eyu'uj.

Josué 10:10

Ax Jehová 'ix ya'n 'och xiwlal 'a snab'en eb' amorreo cha. Caw niwn eb' xchamcn 'a Gabaón yuj eb' israel cha. Xlajw cha, 'ix 'at eb' israel chi 'a spatc eb' 'a jun b'e tzq'ue'ch a chon̈b' Bet-horón. Til wal eb' smilcn eb' israel chi 'a yol b'e yic xc'och eb' 'a chon̈b' Azeca yet' 'a chon̈b' Maceda.

Jueces 4:15

Ax Jehová a x'a'n 'och jun niwquil xiwc'ojlal 'a Sísara cha, yet' 'a eb' 'et'jnac smasnil q'uen q'uen caruaje, yet' 'a smasnil eb' soldado. 'Ix 'at eb' 'elc smasnil. A yic xc'och yorail ya'n eb' owl yet' Barac, ax win Sísara cha 'ix 'emt win 'a yol scaruaje, 'ix 'at win 'elc 'a yoc.

Jueces 5:20

A c'anal 'ay 'a satcha'an̈, yet' jun tzo'n̈ xo tas 'ay 'a 'a, a eb' x'a'n owl yet' win Sísara.

Jueces 5:8

A wal yic sayn 'ec' eb' wit israelal jun tzo'n̈ comn dios, caw wal tzjaw eb' 'a'm owl 'a sti spuertail chon̈ab'. Man̈x xon junc tzmacn sat jul-lab', man̈x xon lanza tzwil 'a scal junc 40 mil eb' wit chon̈ab'.

A Ch'an̈ B'ab'el Libro Samuel 12:17

A ticnec stiempoal spolx 'ixm trigo, man̈ stiempoalc ya'n n̈ab'. Palta 'oj in c'an 'a Jehová, ax 'oj 'a'nc c'an̈ c'u, ax ya'n cot jun niwquil n̈ab' sec 'oj nachjoc 'el eyu'uj, chajtlto caw tu tas xe b'o 'a sat Jehová yic xe c'ann jun e reyl tic, xchi.

A Ch'an̈ B'ab'el Libro Samuel 14:15

Smasnil eb' filisteo 'ayc' 'a yol scamplamento cha, yet' eb' pucnc 'el 'a spatquil 'eli, caw x'och jun niwquil xiwc'ojlal 'a eb', yet' eb' caw jeln 'a owal, caw xiw eb'. A wal 'a jun rato cha, 'ix 'ec' jun quixcab' 'a sat lum lum cha, 'ixtnta xyutj Dios ya'n cot jun niwquil xiwc'ojlal 'a scal eb'.

A Ch'an̈ B'ab'el Libro Samuel 2:10

Mamin Jehová a eb' 'ajc'ojl yajch 'ayach, choc' tz'ajcn eb' o'oj. A 'a satcha'an̈, ata 'oj smac' sb'a c'u scot 'a yib'n̈ eb'. 'Oj a b'eyc'ojloc smasnil tas 'ay 'a sat lum lum tic; ax a'n sjelnal jun rey sic'b'il 'el o'oj, xchi 'ix.

A Ch'an̈ B'ab'el Libro Samuel 7:11

Ax eb' israel 'a Mizpa cha, 'ix 'at eb' 'a spatc eb', til wal eb' filisteo chi xchami, masnto xc'ochcn eb' 'a yaln̈ 'ejm Bet-car.