A Ch'an̈ B'ab'el Libro Samuel 6:2 - Chuj San Sebastian Bible

² Xlajw cha, 'ix sc'anb'n eb' filisteo chi 'a eb' ya'mal 'och sti eb' 'a sdiosal, yet' 'a eb' jeln snan 'el junc tas, xyaln eb' 'ixtc 'a eb': —¿Tas wal tzcutjec te scaxail strato Jehová? Alc 'ayn̈ on̈ tas tz'at cutj ca'n can pax te 'a yet'l on̈, xchi eb'.

Chuj San Mateo Bible

² Ix lajvi chi', ix avtaj eb' sacerdote sdiosal eb' chi' yed' eb' naumel lolonel yuj eb' filisteo chi'. Ix sc'anb'an eb' d'a eb': —¿Tas scutej te' scaxail strato Jehová chi'? ¿Tas val tz'aj cac'an meltzaj te'? xchi eb'.

A Ch'an̈ B'ab'el Libro Samuel 6:2 Iomraidhean Croise

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

Ex 7:11

Yuj cha, 'ix yawtn cot win rey chi ewin jelan, yet' ewin 'ay tas tztac' yu'uj, 'ix sb'on pax ewin yic 'icha xyutj Aarón yic cha.

Is 2:6

Mamin Jehová, yel ton wal b'i'an 'actb'il can eb' a chon̈b' tic o'oj, atn eb' yin̈tl can Jacob, yujto til wal tz'aj sniwtj eb' 'ajchum 'a jun chon̈b' tic, atn eb' xlaj cot 'a stojlal 'aj tzq'uel c'u yet' eb' tznan 'el paxti', 'icha tzyutj sb'a eb' filisteo. Tzlaj sb'o eb' strato yet' eb' chuc chon̈b'al.

Dn 2:2

Yuj cha, xya'n win rey chi 'awtxoc cot eb' 'ay tas tztac' yu'uj, eb' wayjel, eb' tzyal jelnal sb'a, yet' eb' tzchumn yet' c'anal, sec tzyal eb' tas tzyal 'el'ch jun tzo'n̈ swaych win cha. Ax yic xjaw eb' 'a yojltac winac,

Dn 5:7

'Ix ya'n 'el win rey chi yaw, xyawtn cot win eb' tzyal jelnal sb'a, eb' tzchumn yet' c'anal, yet' eb' tztac' snan 'el paxti'. A yic xc'och eb', xyaln win 'a eb' 'ixtic: —A mach tztac' yawtn jun tas tz'ib'b'il 'och tic, tzyaln 'ayin tas tzyal 'el'chi, a jun cha, caw 'oj 'ajxoc 'och te pichl púrpura 'a 'a. 'Oj 'ajxoc pax 'och jun q'uen cadena nab'a oro 'a sjaj 'icha ton̈, ax yoch pax yoxl reyl 'a wopiso tic, xchi winac.

Mt 2:4

'Ix yawtn cot win smasnil eb' sat ya'mal 'och sti eb' israel 'a Dios, yet' eb' cuywjum 'a ley yic Moisés, 'ix sc'anb'n win 'ixtc 'a eb': ¿'Ajtil 'oj 'aljoc Cristo? xchi win 'a eb'.

A Ch'an̈ B'ab'el Libro Samuel 5:8

Yuj cha, 'ix 'at ya'nc eb' alxoc 'a eb' syajlil eb' filisteo cha, to tzyam sb'a eb' yic tzmol paxtin eb'. 'Ix yaln eb' 'a eb' 'ixtic: —¿Tas wal tzcutjec te scaxail strato sDiosal Israel? xchi eb'. —'Ijec te', tz'at eya'nc can te 'a chon̈b' Gat, xchi eb' yajl chi 'a eb'. Yuj cha, 'ix 'at ya'nc can eb' te 'a jun chon̈b' cha.

A Ch'an̈ B'ab'el Libro Samuel 6:1

A te scaxail strato Jehová, uque 'uj 'ix 'ec' te 'a scal eb' filisteo cha.