A Ch'an̈ B'ab'el Libro Samuel 6:18 - Chuj San Sebastian Bible

¹⁸ Ax sb'isl q'uen oro b'ob'il 'icha yilx e no ch'ow cha, tzyal yuj sb'isl o'e schon̈b' eb' syajlil eb' filisteo wach' yajch oyn smuroal, yet' pax yaldeail. Ax q'uen niwquil q'uen 'a sat lum slum win Josué 'aj Bet-semes 'aj 'ix q'ue b'achn te scaxail strato Jehová, 'ix 'ochcn q'uen snanb'ilc cot tas 'ix uji.

Chuj San Mateo Bible

¹⁸ Axo sb'isul oro yechel noc' ch'oov, lajan sb'isul icha sb'isul schon̈ab' eb' yajalil filisteo chi', aton chon̈ab' ayoch smuroal yed' yaldeail. A q'uen nivan q'uen d'a sat slum vin̈aj Josué b'aj ix ac'jiq'ue te' scaxail strato Jehová d'a Bet-semes chi', ayn̈ejec' q'ueen.

A Ch'an̈ B'ab'el Libro Samuel 6:18 Iomraidhean Croise

Dt 3:5

Smasnil jun tzo'n̈ chon̈b' cha, macb'il yuj smuroal, caw chan̈ yaj sb'o'i, q'uen pax smac 'aychi, 'aych pax jun tzo'n̈ q'uen hierro syamnub'loc. 'Ayt pax jun tzo'n̈ chon̈b' may smuroal, man̈ 'ayc 'och sb'isloc, palta 'ix qui satc 'el eb'.

Josué 13:3

tz'atn̈j lum 'a a a tzcuch Sihor 'ay 'a stojlal 'aj tzq'uel c'u 'a Egipto, masnto 'a smon̈jonal Ecrón, 'a stojlal norte, atn lum yic eb' cananeo. A 'a jun lum cha, ata 'ay own̈ eb' syajlil eb' filisteo, atn eb' yajl yaj 'a Gaza, 'a Asdod, 'a Ascalón, 'a Gat yet' 'a Ecrón. 'Ayt can pax lum yic eb' heveo 'a stojlal sur,

A Ch'an̈ B'ab'el Libro Samuel 6:4

—¿Tas wal wach' ca'n stojloc qui mul cha? xchi eb' 'anma cha. 'Ix yaln eb' ya'mal 'och sti eb' chi 'ixtic: —A tzyal sb'isl eb' syajlil eb' filisteo tic, 'ixta jun tzo'n̈ siylab' chi tzeyac'a, junjn 'a junjn eb', o'e q'uen oro tzeyac'a, 'icha wal yilx junc malel yab'il. Tzeya'n o'e'oc pax q'uen oro 'icha yilx no ch'o'ow, yujto an̈ec tic yet' eb' qui yajlil 'a qui cal, to tzon̈ 'ixtx yuj jun tzo'n̈ yailal cha.