A Ch'an̈ B'ab'el Libro Samuel 5:6 - Chuj San Sebastian Bible

⁶ Xlajw cha, 'ix ya'n cot Jehová jun yab'il 'a yib'n̈ eb' 'aj Asdod, yet' pax 'a yib'n̈ smasnil 'anma 'a yol slugar eb' cha. 'Ix laj mal chan̈ sniwnal eb' yuj jun yab'il cha.

Chuj San Mateo Bible

⁶ Ix lajvi chi', ix ac'jioch syaelal eb' aj Asdod chi' yuj Jehová yed' masanil eb' anima ay d'a yol smacb'en chi'. Ix pitzviq'ue ilya d'a eb' anima chi', ix laj q'ue quisc'oy d'a eb'.

A Ch'an̈ B'ab'el Libro Samuel 5:6 Iomraidhean Croise

Gn 41:31

Caw niwquil jun wejl 'oj jawc 'a jun tiempoal cha, man̈x 'a 'aj 'oj checljoc jac tas ya'jnac sobra.

Job 31:3

A eb' maysch'olnil, yet' eb' may Dios 'a sat, tzjawn̈j yailal 'a yib'n̈ eb'.

Salmos 145:20

Mamin Jehová, tza col smasnil eb' 'ay schamc'ojlal 'ayach, palta ax eb' maysch'olnil snab'en, ach tza satl eb'.

Salmos 147:6

A tz'i'n chan̈ eb' 'anma 'emmquilal yeq'ui, a pax tz'i'n can 'ejm eb' maysch'olnil snab'en.

Salmos 32:4

Ach in Diosal, sc'ual, yac'wlil scot yowl a c'ojl 'a wib'an̈. 'Icha wal tz'aj stacj te nichte yuj cuaresma, 'ixta 'in 'aji.

Salmos 78:66

'Ix satn 'el eb' 'ajc'ojl yajch 'a 'a, x'at eb' 'elc yu'uj, 'ix ya'n q'uixwc 'el eb' 'a jun 'ejmn̈ej.

Ex 9:3

'oj cot wowal, ax wa'n cot syab'il e cajb'en noc' ax 'aj Egipto ex tic. 'Oj cham smasnil no chej, no wacax, no cameyo, no b'uru, no calnelu yet' no chiwo.

A Tas Sc'ulejnac Eb' Schecab' Jesús Hechos 13:11

A ticnec, 'oj ya'ch Cajlil a yailal. 'Oj yac' juwc yol a sat junc tiempoal. Wach'xam 'ay yoc c'u, palta man̈x 'oj stac' eln jab'oc, xchi Pablo chi 'a winac. Yajn̈j wal cha, xjuw yol sat winac. Man̈xtzac stac' yiln win jab'oc, yuj cha, x'at saync 'ec' win junc mach tzquetzn b'eyc'oc.

Dt 28:27

A Jehová 'oj yac' wal eyab' syal si'mb'il, 'icha 'ix yutj eb' 'aj Egipto. 'Oj q'ue quiscab' 'ayex, yaxc'a yab'il, ax spitzw chan̈ sno'l e niwnal, yet' q'uilj yab'il. Man̈x 'oj stac' eyan̈tn e b'a 'a jun tzo'n̈ yab'il cha.

A Ch'an̈ B'ab'el Libro Samuel 5:11

'Ix ya'n 'at eb' schecb' 'a eb' syajlil eb' filisteo cha, 'ix yaln eb' 'a eb' 'ixtic: 'Ijec 'el te scaxail strato sDiosal Israel tic 'a qui calec, tz'at eya'nc can pax 'a yet'l 'aj 'ay, sec ma'oj qui chamc qui masnil yu'uj, xchi eb'. Yujto xniwtj jun yab'il chi 'a scal eb' yuj Dios, yuj cha, 'ix xiw chan̈ eb'.

A Ch'an̈ B'ab'el Libro Samuel 5:7

Ax yic xyiln eb' 'anma 'a chon̈b' Asdod cha, to wan laj scham eb', yuj cha, xyaln eb' 'ixtic: A te scaxail strato sDiosal Israel, ma'oj stac' scan te quet'ec, yujto caw wal niwquil qui yailal tzya'chi, tz'ixtx pax 'el qui diosalec yu'uj, xchi eb' 'anma cha.

A Ch'an̈ B'ab'el Libro Samuel 5:9

A yic xlajw 'at ya'nc can eb', ax Jehová 'ix 'a'n 'och eb' 'anma chi 'a somc'ojlal. 'Ix laj mal 'elt jun tzo'n̈ yab'il chi 'a eb'. 'Ix 'elt 'a eb' nene 'unin yet' 'a eb' 'ichmtac 'anma'.