A Ch'an̈ B'ab'el Libro Samuel 5:12 - Chuj San Sebastian Bible

¹² Ax eb' ma'ix cham cha, caw wal ya yaj eb' yuj jun tzo'n̈ yab'il chi tzlaj mal 'elt 'a eb' cha, caw wal tz'el yaw eb' yab'n syail.

Chuj San Mateo Bible

¹² Te najat chequelto yel yav eb', sc'och masanto d'a satchaan̈ yuj yaelal ayoch d'a yib'an̈ eb', axo eb' manto chamlaj, te ya yaj eb' yuj quisc'oy chi'.

A Ch'an̈ B'ab'el Libro Samuel 5:12 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:17

A tas 'oj ujoc, toto 'ay mach 'oj 'at 'elc 'a yol sc'ab' Hazael, ax win Jehú chi 'oj milnoc, ax mach 'oj 'at 'elc 'a yol sc'ab' Jehú, ax Eliseo chi 'oj milnoc.

Ex 12:30

A smasnil eb' 'aj Egipto, 'ix q'ue wan eb' 'a yic jun 'ac'wl cha. Caw wal tz'oc' win rey, tz'oc' pax eb' 'aych yajlil yet'oc, yet' smasnil eb' 'anma 'a yol yic Egipto cha, yujto man̈x 'a junc n̈a 'ajtil may chaml 'ix 'ochi.

Jeremías 14:2

A eb' 'aj Judá, caw tz'oc' eb' yuj cusc'ojlal, man̈x 'a yip jun tzo'n̈ schon̈b' eb', axn̈ej 'a sat lum t'ocn 'ec' eb' 'anma'. Ax eb' 'aj Jerusalén, caw wal tz'el yaw eb' yuj yailal.

Jeremías 25:34

'El cab' eyaw yuj yailal ex yilmal chon̈ab'. 'E'n̈ec b'alb'noc 'a sat lu'um, yujto tox 'ix jaw sc'ul e milx chamoc. 'Oj e sactzic can 'ati. 'Oj eyajx ganar, ax e poj 'icha tz'aj spoj junc vaso to caw wach' yilxi.

Jeremías 48:3

A eb' 'aj chon̈b' Horonaim, caw 'oj 'el yaw eb': ¡Tic tzon̈ chami, caw tzon̈ lajw 'ejmi! 'oj xchic eb'.

Am 5:19

A 'a yic jun c'ul cha, lajn wal 'oj 'aj eb' 'anma 'icha junc mach tz'at 'elc 'a junc no león, ax tz'aji, tojl pax sc'och 'a junc no oso. Mto 'icha pax yic tz'och junc mach 'a yol yatut, tzquiln 'och sc'ab' 'a sat yich n̈a, ax junc no chan tzchini.

A Ch'an̈ B'ab'el Libro Samuel 6:1

A te scaxail strato Jehová, uque 'uj 'ix 'ec' te 'a scal eb' filisteo cha.

A Ch'an̈ B'ab'el Libro Samuel 9:16

Yab'n wal 'ixtc q'uic'an, ax in checn cot jun win winc 'ayach. Ata 'oj cot win 'a scal eb' yic Benjamín. Tzac' q'ue aceite 'a sjolom yic tza si'n can 'och syajlilc in chon̈b' Israel. A win 'oj colnc 'el in chon̈b' tic 'a yol sc'ab' eb' filisteo, yujto tzcus in c'ojl yaln sb'a eb' 'anma tic, xchi 'a Samuel cha.