A Ch'an̈ B'ab'el Libro Samuel 4:4 - Chuj San Sebastian Bible

⁴ Yuj cha, 'ix ya'n 'at eb' chon̈b' chi nan̈l eb' israel 'a Silo. 'Ix 'at yi'nc cot eb' te scaxail strato Jehová tztac' yuj smasnil, yujto ata sch'ox sb'a stzictznil 'a snan̈l yechl chawn̈ querubín 'ay 'a yib'n̈ te caxa cha. Ax chawn̈ eb' yunnal Elí, tza'n 'och eb' yuj te caxa cha, atn win Ofni yet' win Finees.

Chuj San Mateo Bible

⁴ Yuj chi' ix yac'b'at juntzan̈ checab' eb' d'a Silo yic b'at yic'ancot te' scaxail strato Jehová Yajal d'a Smasanil eb', aton jun sch'ox stziquiquial d'a snan̈al chavan̈ querubín d'a yib'an̈ te' caxa chi'. Ayic ix yic'ancot te' caxa chi' eb', tzac'anoch vin̈aj Ofni yed' vin̈aj Finees yuninal vin̈aj Elí d'a spatic te'.

A Ch'an̈ B'ab'el Libro Samuel 4:4 Iomraidhean Croise

A Ch'an̈ Schab'l Libro Samuel 15:24

An̈jtona', tza'n 'och win Sadoc yet' Abiatar yuj eb', yet' eb' yin̈tl Leví 'ayc' yet'oc, eb' 'et'jnac te scaxail strato Dios. 'Ix ya'n 'ejm eb' scaxail trato chi 'a sat lu'um masnto xlajw 'elt eb' 'anma 'a yol chon̈b' cha, x'och tza'n eb' yuj David.

A Ch'an̈ Schab'l Libro Samuel 6:2

Xlajw cha, 'ix 'at David 'a Baala 'a yol yic Judá, ajun smasnil eb' soldado yet'oc yic tz'at yi'noc cot eb' te scaxail strato Dios, atn jun 'aj tzb'inax sb'i Jehová tztac' yuj smasnil, jun 'ay sdespacho 'a snan̈l eb' querubín.

A Ch'an̈ Schab'il Libro Yic Yab'ixal Eb' Rey 19:15

'Ix leslwi win 'ixtic: Mamin Jehová, qui Diosal ach an̈ israel on̈ tic on̈, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Salmos 80:2

Checlj ach cab' 'el 'a eb' yin̈tl Efraín, 'a eb' yic Benjamín yet' 'a eb' yic Manasés. Cotn̈ muc'uc, wul coln̈ 'el yet' a poder.

Salmos 99:1

Mamin Jehová Reych ton b'i'an. A 'a despacho, ata c'ojn 'ejm 'a yib'n̈ eb' querubín. Tzlaj 'ib'xoc chan̈ eb' lum niwc nacion̈ yuj a may, tzlaj 'ib'x chan̈ lum lum tic o'oj.

Is 37:16

Mamin Jehová, qui Diosal ach an̈ israel on̈ tic, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Malaquías 1:9

Tzyal eb' 'anma 'ayx 'ixtic: Ex ya'mal 'och qui ti 'a Dios, c'anc wal 'a Dios chi cu'uj, sec 'oj 'o'ch sc'ojl 'ayn̈ec, xchi eb'. Palta an Jehová in, tztac' wuj smasnil, an tzwala: Toto a jun tzo'n̈ tas xwal tic, a 'oj eya'n̈j eyofrendaoc 'ayin, ma'oj in tzalj in chan 'ayex.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Nm 4:5

A yic tz'atx eb' chon̈ab', ach xo Aarón yet' eb' onnal, ax tzeyij 'el eb' te cortina 'aych smacloc jun Lugar to cojn in 'ay wico'. Tzlajw cha, tze lan̈n scaxail in trato yet' te'.

Nm 7:89

A yic tz'och Moisés paxtinc yet' Dios 'a yol Mantiado, tzyab' spaxtin 'elt Dios chi 'a snan̈l chawn̈ yechl querubín 'a yib'n̈ smacl scaxail trato 'a 'aj tz'ajx lajwc mul.

A Ch'an̈ B'ab'el Libro Samuel 1:24

Ax yic x'el win 'unn chi 'a yim, a win smam win 'unn cha yet' snun winac, 'ix yi'n 'at eb' win 'a scajnub' Jehová 'a Silo, caw wal yune to winac. 'Ix yi'n 'at eb' jun no quelm wacx 'oxe ab'il sq'uinal, jun 'echtab' 'ixm trigo yet' jun no tz'um b'ut'n yet' yal uva.

A Ch'an̈ B'ab'el Libro Samuel 14:3

A pax ta ajun win Ahías ya'mal 'och sti eb' 'anma 'a Dios, yet' win te spichl yic yopiso cha. A win Ahías cha yunnal win Ahitob yu'tac Icabod, win yunnal Finees yixchicn can Elí, win ya'mal 'och sti eb' 'anma 'a Dios 'a Silo 'a pecti'. Ax eb' 'anma ajun yet' Saúl cha, man̈ yojcoc eb' toto a Jonatán tox 'ix 'ati.

A Ch'an̈ B'ab'el Libro Samuel 2:22

Caw wal 'ichm winc xo win Elí cha, palta 'ix yab' tas tzb'o eb' yunnal chi 'a eb' yit israelal. Xlaj way ewin yet' eb' 'ix 'ix tztan̈wni sti smac Mantiado 'aj tzchaj sba Dios yet' eb' 'anma'.