A Ch'an̈ B'ab'el Libro Samuel 4:3 - Chuj San Sebastian Bible

³ Ax yic xc'och eb' israel chi 'a scamplamento cha, 'ix yaln eb' yichm wincal chon̈b' 'ixtic: ¿Tas wal yuj on̈ ya'c Jehová 'a yol sc'ab' eb' filisteo cha? Coyc 'at qui'c te scaxail strato Jehová 'ayc' 'a Silo, sec 'oj 'at quet'ec 'a owal, ax on̈ scolnec 'a yol sc'ab' eb' 'ajc'ojl cha, xchi eb'.

Chuj San Mateo Bible

³ Ayic ix jax eb' israel d'a scampamento, ix yalan eb' yichamtac vinaquil chon̈ab': ¿Tas val yuj ix on̈ yac'och Jehová d'a yol sc'ab' eb' filisteo tic? B'at quiq'uec te' scaxail strato Jehová ayec' d'a Silo, yic vach' sb'at Jehová qued'oc d'a oval, tzon̈ colji yuj d'a eb' ajc'ol chi', xchi eb'.

A Ch'an̈ B'ab'el Libro Samuel 4:3 Iomraidhean Croise

A Ch'an̈ Schab'l Libro Samuel 15:25

Palta xyaln win rey chi 'ixtc 'a Sadoc: —'Ij meltzjoc te scaxail strato Dios tic 'a yol chon̈b' cha. Toto 'oj 'och Jehová wet'oc, ax in yi'n meltzjoc, toto 'ixta', 'oj wilx c'och te 'a yol scajnub' cha.

1 Cr 17:1

A 'a yic cajn xo 'ec' David 'a yol jun sdespacho 'a'to, 'ix yaln 'ixtc 'a Natán, atn win schecb' Dios: —'Ilto, an tic 'ayn xo 'och 'a yol in despacho to nab'a c'ute 'aych 'a 'a, palta ax pax scaxail strato Jehová, ata 'ay 'a yol jun mantiado, xchi.

Salmos 74:1

Ach qui Diosal on̈, ¿tas yuj on̈ actj can qui ch'ocj 'a jun 'ejmn̈ej? ¿Tas yuj caw tzn̈ilchj chan̈ yowl a c'ojl 'a yib'n̈ jun a chon̈b' tic?

Salmos 74:11

¿Tas yuj tza c'ub'j 'el a poder 'ayn̈ on̈? ¿Tas yuj matz ac' 'ip a satn 'el eb'?

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Is 58:3

Yuj cha, xyaln eb' 'ixtic: Nab'an̈ej tzon̈ cob' 'och 'a c'ajb'c'ojlal 'aych on̈, toc tzela. Nab'an̈ej tzon̈ cob' 'och 'emmquilal 'aych on̈, toc tzach 'och 'il cuj on̈, xchi eb'. Yuj cha tzwaln 'ixtc 'a eb': Yel toni, a yic tzex 'och 'a c'ajb'c'ojlal cha, cojn tas tze nib'j e b'o', a chi tze b'o'o, tzlaj eyixtn eb' eyit 'anmal tzmunlj 'ayex.

Is 59:1

A tzeyutj e nani to x'el yip Jehová, man̈xtzac stac' on̈ scolni. Tze nan paxi tecn to x'och chacn̈il yuj cha matz yab' tas tzeyal 'a 'a.

Is 59:2

¡Palta man̈ 'ichc ta'! A tas maysch'olnil tze b'o'o, a chi 'ayc' 'a e nan̈l yet' Dios. A jun tzo'n̈ e mul cha, a tz'ec' jen̈n 'a e nan̈l yet'oc, yuj cha, man̈xtzac snib'j yab' tas tzeyala.

Jeremías 3:16

An Jehová in, an tzwala to a yic 'oj niwtjoc e b'isl 'a jun chon̈b' cha, man̈x 'a 'aj 'oj eyac' b'inaxc te scaxail in trato. Man̈x 'oj e na cot te', man̈x 'oj jawc te 'a e nab'en, man̈x 'a tas 'oj e na 'a te', man̈x 'oj eyac' b'o junc xo te 'a'to.

Jeremías 7:4

Man̈ eya'ch e nab'en 'a eb' 'a'm 'es, eb' tzaln 'ixtic: Cojc wal si'mb'il to may tas 'oj qui'ni, yujto a 'a tic 'ayc' yatut Jehová, atn wal yatut tic, xchi cob' eb'.

Nm 10:33

Xlajw cha, 'ix 'el paxt eb' 'a lum Sinaí, atn lum witz 'aj 'ix sch'ox sb'a Jehová, 'oxe c'u 'ix b'ey eb'. B'ab'l scot te scaxail strato Jehová yuj eb', yic sch'oxn junc lugar 'aj wach' yilj eb'.

Nm 10:35

A yic tz'ijx b'ey te caxa cha, tzyaln Moisés 'ixtic: ¡Cotn̈ mu'c Mamin Jehová! ¡Sactzic cab' eb' 'ajc'ojl yajch 'ayach! A yic tzach yiln eb' matz ach nib'ni, 'at cab' eb' 'elc 'a ojltac, xchi.

Nm 31:6

Xlajw cha, schecn 'at Moisés eb' 'a owl cha. 'Ix 'at pax win Finees yet' eb', win yunnal Eleazar ya'mal 'och sti eb' 'anma 'a Dios. A win x'i'n 'at jun tzo'n̈ yamc'ab' tzc'anx 'a scajnub' Dios, yet' pax q'uen trompeta tz'utz'xi yic tz'och eb' 'a owal.

Dt 29:24

Yuj cha, smasnil eb' 'anma 'a yolyib'n̈q'uinl tic, 'oj sc'anb'lac eb' 'a 'ixtic: ¿Tas laj yuj 'ixtc xyutj Jehová jun chon̈b' tic? ¿Tas laj wal yuj yel xo niwquil xyutj ya'n cot yowl sc'ojl 'a yib'an̈? 'oj schic eb'.

Dt 31:26

Chajec jun ch'an̈ un̈ yic ley tic, tzeya'n 'och ch'an̈ 'a stz'ey scaxail strato Jehová qui Diosalec, yic tz'och testigoal 'ayex.

2 Ti 3:5

'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'. Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

Josué 6:6

Ax Josué, 'ix yawtj cot eb' ya'mal 'och sti eb' 'anma cha, xyaln 'a eb' 'ixtic; 'Ijec te scaxail strato Jehová, tzex b'ab'lj ucwn̈oc ex yet' e cacha 'a yojltac te caxa tic, xchi.

Josué 7:7

Ax Josué 'ix yaln 'ixtic. —¡'Ay, Mamin Jehová! ¿Tas wal yuj 'ix a chaj 'e't eb' chon̈b' tic 'a yol a Jordán? ¿Tom yuj on̈ satn 'el eb' amorreo, yuj cha, on̈ e'n 'e't 'a jun lugar tic on̈? Comnoc on̈ cancn 'a sc'axpil 'ec' sti a Jordán cha.

Josué 7:8

¡'Ay, Mamin! ¿Tas wal to 'oj wutc walni, a ticnec a eb' wit chon̈b' tic, 'ix 'at eb' 'elc 'a eb' 'ajc'ojl cha?

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,

San Judas 1:5

A jun 'oj walb't 'ayx tic, eyojc xoni. Palta tzin nib'j tze na cot jac wet'oc. A eb' wit israelal 'a pecti', colchjnac 'elt eb' smasnil 'a Egipto yuj Cajlilec. Palta xlajw cha, satcn 'el nan̈l eb' ma'ix ya'ch sc'ojl 'a 'a.

A Ch'an̈ B'ab'el Libro Samuel 1:24

Ax yic x'el win 'unn chi 'a yim, a win smam win 'unn cha yet' snun winac, 'ix yi'n 'at eb' win 'a scajnub' Jehová 'a Silo, caw wal yune to winac. 'Ix yi'n 'at eb' jun no quelm wacx 'oxe ab'il sq'uinal, jun 'echtab' 'ixm trigo yet' jun no tz'um b'ut'n yet' yal uva.

A Ch'an̈ B'ab'el Libro Samuel 14:18

'Ix yaln Saúl 'a win Ahías 'ixtic: —'Ij cot te scaxail strato Dios, xchi. A 'a yic jun tiempoal cha, to ata 'ayc' te caxa chi yet' eb' israel.

A Ch'an̈ B'ab'el Libro Samuel 4:2

'Ix cot eb' filisteo, 'ix syamn 'och eb' ya'n owl yet' eb' israel. 'Ix 'och wal owl yuj eb' si'mb'il. Ax x'aji, 'ix lajw 'el eb' israel yuj eb', 'aym chan̈e'oc mil eb' xchami.